بيار رفول: وحدتنا خلاصنا.. بس عيب عَ بعض إعلاميين وسياسين يقولولنا فهمنا غلط عَ ترامب (Audio)

– مسؤولون بالإدارة الأميركية طلبو يشوفو الرئيس عون…
– حصانتنا الشعب، وقبل جربو كتير يعزلونا، شو طلعلن… (التفاصيل)

***

مقتطف من حديث وزير الدولة لشؤون رئاسة الجمهورية الدكتور بيار رفول لإذاعة “صوت المدى”: (30 أيلول 2017)

كلمتين هني الأساس ببقاء لبنان، وبتحصين لبنان ضدّ أي خطر خارجي.. “وحدتنا خلاصنا“

عون بالأمم المتحدة

• كتقليد متبّع رئيس جمهورية أميركا بيعمل “كوكتيل” عشاء لرؤساء الوفود، رئيس الجمهورية العماد عون لم يشارك.

يسأل لماذا لم يذهب الرئيس عون الى العشاء، هل له علاقة بخطاب ترامب حول النازحين، يقول رفول:

• أكيد، هيدا جزء.. بس شو بأثّر الموضوع.
  الرئيس عون منو رايح على أميركا،
  ومنو طالب دعوة حتى شوف مسؤول أميركي،
  في مسؤولين أميركيين من الإدارة الأميركية، هني طلبو يشوفو الرئيس، وشافن.
• عنا الإعلام بيشتغل على الشكل مش على المضمون.
  ما حدن حكي عن المضمون اللي حكاه الرئيس.
  – برا حكيو عنو.
  – شخصيات سياسية حكيو عنو.
  – الإعلام ما حكي عنو، لأنو الإعلام بالمجمل ما تعوّد للأسف (وبعض الإعلاميين) على وقفة عزّ، تعوّد انو راهن قلمو ولسانو، بيقبض علين. وهيدا الحكي ما بقبّض.

وعما يحكى عن أي تأثير للعلاقات اللبنانية – الأميركية

• ليه العلاقات ايجابية، نحنا علاقاتنا كلبنانيين مع اميركا إيجابية!
  بخصوص العلاقات الدبلوماسية منيحة.
• في أميركا حصلت لقاءات مع اميركيين،
  كان نواب أو غير نواب.. ووزير خارجية لبنان جبران باسيل التقى نائب وزير الخارجية الأميركية،
  والرئيس عون التقى:
  – امين عام الأمم المتحدة
  – عدة رؤساء دول
  – مع الإتحاد الأوروبي
  – الإتحاد الإسلامي العالمي..
  جميع هؤلاء التقاهم رئيس الجمهورية، ولكن ما حدا بيحكي عن هذه الأمور، بيحكو ليه ما راح لعند ترامب. بس ما بقولو ليه ترامب شو حكي عن لبنان، وبتطلع بعض وسائل الإعلام حتى تقول: نحنا فهمنا غلط عً ترامب!! من وين بجيبو هالأخبار؟؟
  نحنا كنا موجودين، وهيدي إهانة طالت لبنان لأنو معنيين، ولكن طالت كلّ العالم.
• وقت رئيس جمهورية أميركا، بقول:
  – نحنا اول دولة بالعلم،
  – نحنا اقوى جيش بالعلم،
  – نحنا مندير العالم.
  وأنا بدي اعمل مصلحة بلادي، متل ما كل واحد منكم بيعمل مصلحة بلادو.. 
  شوي بقلك: بدي احذف كوريا الشمالية من الخريطة، وبدي وطّن النازحين واللاجئين بالدول اللي هني فيا.. أيه نحنا بدنا نردّ والنا حق
• بالحق ما في كبير وصغير وما في قوي وضعيف،
  مش عم نفهم ع منطق اللي صاير عند بعض اللبنانيين، وعند بعض السياسيين..
• الناس سمعت مزبوط كلام الرئيس عون، ووسائل التواصل الاجتماعي تفاعلت، وصوت الناس هوي صوت الله على الأرض. الناس ما بتكذب. بجربو يعملولا “غسل دماغ” بس بالنتيجة الناس هيي حصانتك..
• نحنا نفينا 15 سنة،
  – عون بلا عونية
  – عونية بلا عون
  – ما حدا راح عَ الغربة ورجع
  – اتهامات: سارق وحرامي وشو ما بدكّ
  رجع بسنة 2005، عملو ضدو تحالف رباعي، وعزلوه، وعطيونا 4 نواب، (شحادة) عَ أساس ما عنا حدا.. كسحنا مناطقنا.. الحالة الشعبية بصندوق اقتراع حر نقّت مين بدّا.. ولو تصير الانتخابات بكل لبنان بنهار واحد كنا ربحنا الشمال كلّو، لأنو كنت على الأرض بالشمال وعم شوف كيف عم يتباعد..

رصد Agoraleaks.com