هكذا تحول فرنجية ناطق باسم مؤيدي العماد عون وبمطالبة حقوق روكز وأنا مش عم دق إسفين.. (التفاصيل)

– سليمان فرنجية الذي دخل قلوب التيار الوطني الحر والمسيحيين ليس بحاجة الى زفت!!
– هؤلاء هم مرشحو المردة بالشمال.. (التفاصيل.. )

***

مقتطف من حديث المسؤول الإعلامي لتيار المردة سليمان فرنجية مع الإعلامي غابريال مراد + تعليق بسيط لإنعاش الذاكرة ليكون الكلام والنقاش موضوعي بالحدّ الأدنى: (أيلول 2017)

يسأل عن ترشيحات الحزبية للمردة للإنتخابات النيابية سيما وأن مقولة تجميع شخص من هون وهناك وعندن مشاكل مع العهد ليكونو قوان لوائح المردة… 

• نحنا بالشمال عنا حزبيين، وخارج شمال لبنان عنا حلفاء وأصدقاء ندعمن
• نحنا ما ادعينا انو نحنا قادرين نتمدّد عَ مستوى لبنان كحزبيين ونفتح مكاتب الى ما هنالك، لأنو نحنا مقتنعين بواقعنا، انو هيدا حجمنا السياسي، ولكن بين الحجم والتأثير هناك نقاش
  ( من منا لا ينسى، الإنسان نسّى.. لهذا يمكنك العودة لمقابلات فرنجية التلفزيونية الكثيرة، كما الإستعانة بالإعلاميين سالم زهران، وعلي حجازي.. )
  
• ان يذهب الوزير فرنجية الى منطقة سياسية معينة، له تأثير معنوي عَ الناس، ويتقبلون فكره السياسي..
• اليوم نحنا خارج شمال لبنان نحنا ندعم الحلفاء،
  بشمال لبنان عنا مرشحين:
  – فايز غصن
  – طوني فرنجية
  – الوزير دويهي
  – كريم الراسي
  – رفلي دياب
  وهودي مرشحين تيار المردة

يسأل عن نظرية النائب السابق فارس سعيد، أن حدود المردة هي جسرالمدفون، يقول:

اللي طرحو فارس سعيد يعني، بالنهاية طلع في ناس اكتر من فارس سعيد، وهي اللحم الحي عملتو.. ولكن بنهاية المطاف كلشي بيتصلح. الظروف بس تتغيّر بتعمل حركة سياسية.

وهل كُسرت الجرّة مع النائب السابق ميشال معوض، يقول:

• نحنا بالنهاية عنا حلفاء سياسيين، تشاركنا بالإنتخابات البلدية، ولم يكن هناك اتفاق سياسي أو اتفاق بالإنتخابات النيابية.

المسيحيون

• فوجئ كتير من المسيحيين بمن فيهم الناس المؤيدة للعماد عون، 
  انو لم يتبّدل أي شيء.. هيدا الموضوع بطبيعة الحال منطقياً ينعكس على الأرض. كيف؟
  إذا انا راقبت سياسة التيار الوطني الحر بشخص وزير الخارجية جبران باسيل، بالذهاب الى قانون انتخاب، جمهور العماد عون يقوم على فكر العماد عون وعلى خطاب وطرح وايمان بالعماد عون بوطنيتو وببعدو عن الفساد.. 
• اليوم وصول العماد عون الرجل اللي كان عم يدافع عن الناس من الرابية من 2005، هل نشهد الأمر ذاتو؟؟ أنا بعطيك متل صغير جداً.. ولكن مهم كتير بالنسبة للمسيحيين وللناس..
  في انتخابات فرعية. لازم ينعمل انتخابات فرعية بكسروان وبطرابلس.
  العماد عون أقسم على الدستور..
  الانتخابات الفرعية مين منعا؟؟
  ما عم قول عن قوة معارضة اسما التيار الوطني الحر، انا عم احكي: التيار قوة في السلطة..

يقاطعه غبريال مراد: ولكن هذه القوة أعطت رأيها، هي مع الانتخابات الفرعية، وطالبت فيا بموقف لتكتّل التغيير والإصلاح، وعلى طاولة مجلس الوزرا، ولكن المبادرة من الطرف الآخر لم تأتي لا من رئيس الحكومة ولا وزير الداخلية.. يقول فرنجية:

• خلينا نعمل مقارنة بين الكهربا والبواخر كمطالبة،
  وبين انتخابات فرعية كمطالبة.
• لو تصرف التيار الوطني الحر وجبران باسيل متل ما عم يتصرف بموضوع البواخر، موضوع الانتخابات الفرعية كانت صارت من شهر.
• أنا مش عد دق إسفين،
  عم احكي موضوعياً،
  اليوم إذا بدو يعمل الانتخابات بيعملا… وأنا بقلك: من يستفيد؟
  المستفيد منا شخصياً العميد شامل روكز، وفي احتمال كتيركبير انو يعمل نايب..
• طيب أنا بس بدي اجي فكّرانو عندي رمز وطني اسمو العميد شامل روكز،
  – بقيادة الجيش ما توفقت فيه، (هل نسيت أنك وقعّت لقهوجي حتى لا يأتي روكز!!!)
  – بوزارة ما توفقت فيه
  – بالإنتخابات النيابية ما توفقت فيه… ( وشو بتعمل بحليفك فريد هيكل الخازن، بتمشي ضدّو بكسروان!!)
  بالنهاية انا بدي دافع، أنا شايفو بالمؤسسة العسكرية وهوي ما خصني فيه انا، وهوي بضمن فريق سياسي، وانا ضمن فريق سياسي آخر… أنا مش عم طالب لالي، انا عم طالب ضمن الإستقامة الوطنية، والإدارية… (يضحك فرنجية)

يقول له غابريال مراد: لكن من يطالب بها، ما بتجي بتحملو الوِزِر، بتحمل الوزر لمن لا يريدا:
– طرابلس هي المأزق وليس كسروان
– الرئيس الحريري لا يريدها لأسباب معينة.. انت ابن الشمال عندك المعطيات.

يقول فرنجية: لأنا برأيي في شخص طالب فيا، وقاتل كرمالا، هوي دولة الرئيس بري..

 يردّ عليه غابريال مراد: تكتّل التغيير الإصلاح طالب بالإنتخابات الآن، والرئيس بري اللي قال بتخبزو بالأفراح، وليس العماد عون او جبران باسيل.. الا تنمّ على نية انو ما بدّو ياها، وهوي جزء من طاولة الحكم..

يقول سليمان فرنجية:

• ممكن يكون في أفرقاء سياسيي ما بدها تكشف وراقا قبل الانتخابات النيابية
• يمكن في افرقاء متضررة، ما تقدر تستعيد التمثيل.. ممكن

يسأل عن العلاقة مع القوات اللبنانية، يقول:

• نذهب الى التطبيع مع القوات
  المراحل اليوم تطبيع، ونخليها مفتوحة على مصراعيها
• بالإستراتيجيا ممكن ما نتفق معن،
  نحنا عنا مبادئنا ورؤيتنا تختلف عن رؤيتن،
  لكن في كتير أمور قادرين ننتفق عليا
• من هلق للإنتخابات في 7 اشهر، وبنهاية المطاف ما حدا بيعرف وين منوصل بالعلاقة، ولكن عم يكون في كتير وضوح وفي كتير جرأة بمقاربة الملفات.. (المهم تطبقو مثل الجلسات بالأمانات)
• آداءنا بالوزارة ملفت انو يشبه آداء وزراء القوات اللبنانية…
  بالنهاية التعاون والإنفتاح ينعكس إيجابا على الشارع، (ما عَ أساس تحالف التيار والقوات هدفو إلغاء المردة!!) ونحنا كمسيحيين عنا أزمة…

وعن قصة الزفت واستخدامها كنفوذ موجّه ضدّ التيار الوطني الحر، يقول، حلفائنا هم:

ما في هدر ولا في فساد بموضوع الزفت… وتيار المردة وفرنجية منو بحاجة لزفت ليفوت على المناطق، والتيار الوطني الحر بيعرف حجم منيح حضور سليمان فرنجية ووزنو، والحرب اللي شنّت لإبعاد فرنجية عن العماد عون كانت دليل ساطع على قبول شعبية التيار الوطني الحر لسليمان فرنجية، واتهم فرنجية بفترتا انو رح يكون وريث ميشال عون (الله يطول بعمرو)، ومن يستطيع ان يدخل الى قلوب التيار الوطني الحر وقلوب اللبنانيين ليس بحاجة الى زفت..

يعلّق مراد: هذا الكلام نتركه للرأي العام، لا نؤيده ولا نعارضه،  ونحن لا ندين الوزير فنيانوس ولكن لا نبرئه.

واعتبر فرنجية ان بعض محيطي فخامة رئيس الجمهورية لا يريدون ان يكون الوزير فرنجية من المقربين له.. مشيراً الى ان:

• جمهور التيار الوطني الحر عزيز، وكوادر التيار الوطني الحر فرداً فرداً، (صح)
  
• الرئيس ميشال عون هيبتو، وموقعو، وحضورو، ونظرية الرئيس القوي انطلقت من بنشعي.. (صح)
• وسليمان فرنجية لم يغدر بترشيحو، وبعدان صار اللي صار.. (صح: لست مرشح إن كان الرئيس عون مرشّح)
• ومع انتخاب الرئيس عون، طلع قال فرنجية قال: خطنا انتصر. (خط العماد عون الإصلاحي اللي انتصر، ولم يعد يوجد فريق 8 آذار قالها فرنجية من دارة جنبلاط)

.. بتتذكّر شو كان ينقال عن سليمان فرنجية قديماً، انو فرنجية القريب جداً من قواعد التيار الوطني الحر، ثمن من عمل ليحصل الخلاف ومع جمهور التيار الوطني الحر..

يللي بقدر قولو انا:

• انو نحنا ما اختلفنا مع الجمهور، وكتير من القوى الموجودي داخل التيار الوطني الحرّ،
• لم نسيء الى شخص العماد عون،
• وما خلينا غيرنا يصطاد بالماء العكر (ميشال معوض: يُقحم بري بالمناطق المسيحية..)

رصد Agoraleaks.com