Agoraleaks Agoraleaks
– تحية لفخامة الرئيس على المسيرة، لبناء الدولة
***
كلمة رابطة العاملين في الجامعة اللبنانية القتها السيدة كاتيا كيوان: (إعتصام لإقرار سلسلة الرتب والرواتب – 26 أيلول 2017)
- أخوتي، بتوجّه لالكم من القلب، وانا على ثقة انتو اللي تركتم أشغالكم وبيوتكم، وعيالكم، وعم تتحملو حريق الشمس، ما هني الاّ شعب عظيم بيستحق كل تقدير
- باسم رابطة العاملين بالجامعة اللبنانية،
– من موظفين،
– ومدربين متعاقدين
– أجراء
كلنا اليوم هون، جينا لَ حتى نرجع نطالب بحقوقنا جميعاً.
هل سلسلة الرتب والرواتب هي حق من حقوقنا؟ أم شحادة أمام مجلس النواب؟ - تعودنا مع الأسف، بلبنان انو نشحد حقنا..
وننزل ع الطرقات، وننذلْ، ونصرخ حتى ناخود حقنا،
أصلا هوي لالنا، وعاطينا ياه القانون. - بعهد فخامة رئيس الجمهورية العماد ميشال عون، بدي أتوجه وقلو: انو نحنا منطلب منك، تضرب بايد من حديد، وتكسر أيادي الفاسدين، يللي عم تمتدّ عَ معيشة ولادنا، ويللي عم تمتدّ عَ جيوب الفقرا..
نحنا فخامة الرئيس من هون منوجهلك التحية، على المسيرة، لَ تكمّل فيا بناء الدولة،
الدولة اللي بتحترم مواطنينا وحقوقن. - منحب نقول للمسؤولين، يللي حضرتكم انتخبتو من الشعب، وتخرجتو من الصرح العظيم اللي هوي الجامعة اللبنانية، بقلكم: شو ناطرين ما بتعطو الشعب حقوقو.. هل انتم عم تمثلو فعلاً الشعب؟
- حقوقنا بدنا ياها، وكرامة الشعب هيي اللي بتعطي كرامة للوطن.
نحنا مع التكملة بالإضراب الى حين احقاق كافة المطاليب،
عشتم وعاش لبنان.
