بول زيتون: مناخود 1000 ليرة ربح وخايفين.. ليستقل جمال الجراح ونتمنى من عون التدخل (Audio+Video)

– ما ترخص الفاتورة، حطّ مكنات اللي بتحسب الثواني.. (ميلفين خوري)

***

بعدما اقفل باب وزارة الاتصالات امامهم مع كل موعد طالبوا به، خرج العاملون في قطاع الخليوي والاتصالات عن صمتهم وخاطبوا الوزير جمال الجراح عبر الاعلام مؤكدين انها ظاهرة غريبة وجديدة الا يستقبل وزير الاتصالات النقابة، ومطالبينه بتأمين الحماية لاصحاب محال الخليوي الذين أسسوا القطاع وحملوه على اكتافهم.

يقول رئيس نقابة قطاع الخليوي والإتصالات بول زيتون:

• أصحاب محلات الخليوي مفروض يكون عندن ربح على كارت “التشريج”، ممنوع صاحب المحل ياخود 1000 ليرة بخوف.
• نحنا منعرف انو غير شرعية، ولكن عم ناخدا بخوف.
  وعم يطالب وزير الإتصالات، وزيرالإقتصاد من خلال وزارة الاقتصاد ينزلون ويعملو زبوطا بأصحاب المحلات، بالوقت منو قادر يحافظلنا على ربح فيون.
• اللي ببيعو غاز، الدولة محافظتلن ربح شرعي
  يللي ببيعو بنزين، الدولة محافظتلن على ربح شرعي.
  نحنا كأصحاب محلات للخليوي بلبنان، شو المطلوب منا يعني؟ نشتغل عند الدولة مجاناً!!

لبنان ليس متطورًا في الانترنت كما يشيّع الجراح، بل يشهد تراجعًا اليوم لا مثيل له، اكد رئيس النقابة بول زيتون الذي قال للجراح: تتباهى انك تخفض تسعيرة الاتصالات، فأرنا أين هو هذا التخفيض في حين انكم تعتبرون ثانية المكالمة وكأنها دقيقة.

يقول:

• بكل بساطة في مكنات موجودة بوزارة الإتصالات، بتحتسب الثانية بدل دقيقة. ليه بعد لليوم ما ركبناهم؟؟ شو الهدف منن؟
• ما بدنا نرخص تكلفة الخليوي، خليها متل ما هيي، ولكن ركبولنا المكنات اللي بتحتسب الثانيبة بدل الدقيقة.
• فيشي مش منطق، يعني ما بقدر قول “Allo” ويقطش الخط ونحسبا دقيقة…!!
  بس تركبو هيدي المكنات، معالي الوزير الفاتورة لحالا رح تنزل اكتر من 50%.
  اليوم المواطن عم يدفع أغلى تكلفة بأرتّ خدمة موجودة، للأسف صارت الشبكات مهرية.

ولأن الامور لا تبدأ بتغريم اصحاب محال الخليوي ولا تنتهي عند فشل وزارة الاتصالات اليوم في ادارة مختلف القطاعات المتعلقة بها، كانت المطالبة بالاستقالة.

يقول بول زيتون:

• وزارة الإتصالات، إذا مش قادرين نحافظ عليا متل ما هيي، بالحدّ الأدنى ومش قادرين نطورها، معليه بكل تهذيب واحترام الأفضل انو نستقيل، على انو نوعد العالم بتطور بالقطاع،ونحنا عم نرجعو لورا.
• اليوم أسوأ خدمة صارت بوزارة الاتصالات هيي اليوم.

أصحاب محال الخليوي الذين شكروا وزير الاقتصاد لتريثه قبل تسطير محاضر ضبط بحقهم، طالبوه بأن تكون تسعيرة بطاقات التشريج بالليرة اللبنانية بدل الدولار اذ انها منتج وطني محلي، مناشدين رئيس الجمهورية الاطلاع على هذا الملف عن كثب لانهم يعيشون بظلم وخوف.

https://www.youtube.com/watch?v=fe-lLLvfg0c

المصدر: OTV
رصد Agoraleaks.com