شقيق الشهيد علي المصري يتوعّد جان قهوجي: ناطرين التحقيق.. ولأبو عجينة وطاقية بكرا ما تقولو غدر (Audio+Video)

– قلي حاش تتعذّب، درلي بالك عَ الولاد. وعَ امي. وقطعو الأمل..

***

حسنين المصري شقيق العسكري الشهيد علي المصري يتوّعد قهوجي سيبكي على أولاده، ونحن بانتظار الإنتهاء من التحقيقات، ويقول ضمن برنامج “أجندة اليوم” للإعلامية ريما حمدان:

• انا ببصم بالعشرين انو لازم يتعاقب جان قهوجي.
  ما تعاقب جان قهوجي، الاّ شي نهار يطلع قدام حدا من قدام بيت المصري،
  متل ما بكّى ع ولادنا، وجرحنا، نحنا نحنا بدنا نبكيه ونجرحو..
• هيدا تهديد مباشر لجان قهوجي.
  طلع ابنك قدامي، بتعتبر بكيت عليه.
  طلعت مرتك، بدك تبكي عليها.
  طلعت بنتك بدك تبكي عليها.
  بس نحنا ناطرين وملتزمين. ما بحكي معن، طالما في إجراءات آخدا قائد الجيش جوزيف عون، ورئيس الجمهورية ميشال عون.
• وقت يللي بدن يقولو، ما طلع شي بايدي، وانو عاقب جان قهوجي.
  ساعتا نحنا الحق مناخدو

المسؤولون

• باسمي وباسم العيلة، عم قول:
  – أبو طاقية بيتحمل مسؤولية. ولادو بيتحملو مسؤولية.
  – أبو عجينة بيتحمّل مسؤولية، وولادو بيتحملو مسؤولية.
  عبكرا نعمل شي شغلة، يصيرو يقولو: ليش ما قالو، غدر..
  نحنا مش من النوع اللي بيغدر
  انا من يوم تسربّت صورة شقيقي علي المصري (الشهيد)، وللتوضيح، قبل ما تتسرّب الصورة، حكي معي خيّي، قلي:
  حاش تتعذّب، وكنت بوقتا خاطف تنين من عرسال.
  قلي حاش تتعذّب، درلي بالك عَ الولاد. وعَ امي. وقطعو الأمل.
  بيوقع التلفون منو عَ الأرض. (وهيدا كان الو مخطوف شي 6 – 7 أشهر)
  بسمع واحد بقلو: هيك بتقلو لخيّك..!!
  تاني نهار تسربّت الصورة، فبعتتلن انو خيي استشهد. 
  أنا قلت من وقتا رَوَّحوه..
  الساعة 5 الصبح، بدقلي داعشي، بقلي: انتظر مني صورة عَ “الواتس أب”، بدي حطلك راس خيّك ع عصايي، وابعتلك هيي. قلتلو: يحرق الإيدين اللي بتصلي فيون.. وسكرّت الخط.
• انا معي تسجيلات صوت لخيي.
  وفي تسجيلات صوت بدّو تغذية، وبدو البسة. وابعتلو ياهن. وابعت تشريجات للتلفون.
  وما حطن بالجو لجان قهوجي، ولتمام سلام، ورحت لعندن مشوارين، وما رجعت روح لعندن.

رصد Agoraleaks.com

https://www.youtube.com/watch?v=IPv8m9UHQzg