والد الشهيد علي الحاج حسن: أم الغشيم ماتت عنا وثايق.. الضابط الصغير وين كان، قوّص حالو بايدو “درزي”! (Audio)

– لعنة الله على جان قهوجي ونهاد المشنوق، والله يطوّل عمرو لشامل روكز بطل.. (التفاصيل) 

***

مقتطف من حديث والد الشهيد علي الحاج حسن، يوسف الحاج حسن لقناة الـ”OTV”، ضمن برنامج “أجندة اليوم” مع الإعلامية ريما حمدان:

أهلا وسهل فيكم بعرس علي..
شوفيني احكي،
صباح الخير للمقاومين،
وصباح الخير للجيش ولرئيس الجمهورية والسيّد حسن نصرالله، ولقائد الجيش..

• لعنة الله على قهوجي،
  ول وزيرالداخلية المشنوق.. لو في عدالة ودولة، بعلقولك مشنقتك..
  شو بدي قول: هودي المقاومين، وهيدا الجيش البطل، بيرفعو الراس.
  الجيش بضباطو وافراد بيرفعو الراس.
• بدنا نحكيها بصوت أحمدي، متل مابتقول الناس بالبيوت، بالكلام العادي.
  نخطفلك عسكري، اخدولكم ابن بندر، اقلّ شي، بخلي عندي حتى تردّو العسكريين..
  هالقد قلّة الضمير، دبحتو العسكريي وروحتوهم، يا قليلين الضمير.

يا فخامة الرئيس، يا بي لبنان.
يا سماحة السيّد، يا شرف لبنان، ويا ضمير العالم.
فتحو تحقيق، يكون شفاف… في ناس عندا مصاري، منجمع المصاري، بس عملو تحقيق شفاف، وبينو الحقيقة للعالم.

• ما رح نرتاح، ولا نقعد ولا رح ننام.
  ملتهيين بعرس إبننا المشتاقين الو..
• العالم كلها فهمانة، اوعا حدا يفكّر، امّ الغشيم ماتت. يا قليلي الضمير. يا سلام (رئيس الحكومة)، كان عليك تطلع وتصرّخ.. إذا انتا مش رضيان بيللي صار، طلاع صرّخ مش تصرّح، هودي ولادك وولاد عالم وبشر.

تسأله الإعلامية ريما حمدان عن تقديمه طلب وضع تمثال لإبنه الشهيد علي، يقول:

• رفعت طلب، وقدمّتو اليوم لسعادة المحافظ، وبلغّت البلدية.
  عندي نحات كتير قبضاي.. وهيدا التمثال ضروري لجان قهوجي، حتى يكون بمزبلة التاريخ..
• عنا وثايق وعنا وراق، النا 3 سنين عم ندوّر بعرسال..
  الضابط الصغير وين كان وقت اللي اخدو العسكريين. قوّص حالو بايدو “درزي” منعرفك يا درزي.. تأكّد انوم أنا الحاج حسن.
• من اول نهار عم نجيب معلومات، وكيف اتاخدو العسكريي عَ الجرد.
  الله يطوّل بعمرو شامل روكز، البطل وأنا ما بعرفو، بس الرجال بدنا نقول عنو رجال. هيدا ضابط وبطل، وبينشاف الراس فيه.

عن الوثائق

• ما فينا ندلي فيها، بتجي (ريما حمدان) تاخدي ملف كامل، وانتي أول وحدي بالذات.
• ع ساحة البرج، ما رح ننزل..
  وزرا تاخود صور مع “أبو طاقية” و “أبو عجينة”.. باي عين!!!
  يستحو عَ الشرف والتضحية والوفاء..
  وزير الداخلية بلا ضمير، وما بيعرف الله. بدي شوف بعدان لما بموت، ربو شو بدو يعمل فيه…

رصد Agoraleaks.com