Agoraleaks Agoraleaks
– عن سر الإعتراف: شو زنيت مرة أو 50، مع مرا مجوزة أو مع شبْ… !!
***
مقتطف من حديث الأخ عمانوئيل في دير “فيرونيكا جولياني”: (القصيبة – 28 آب 2017)
القديسة مريم ليسوع المصلوب
- أمها من لبنان، دخلت دير الكرمل، وقداستها تشبه قداسة فيرونيكا جولياني.
بعمر 12 سنة دُبحت، وكبوها بمغارة، اجت العدرا لعندا وشفيتا.. - خبرتا انو بدها تفوت عَ ديرالكرمل، وبدها تنتقل من فلسطين للبنان لفرنسا..
كان عندا تواضع لدرجة انو يسوع كان يسميها “العدم”
بالنسبة النا، كلمة عدم شي سيء. بالنسبة لالها وللحياة الروحية العدم هوي الحدّ الأقصى اللي ممكن انسان يوصلو، قمة التلاشي. يعني ماتت هيي وصار الله عايش. - الشيطان يللي انسمحلو يسكن فيا 40 نهار،
وكل هالشي موثق، المطران موجود، والكاهن موجود، والراهبات موجودين.
لما سكنها “يوسيفوروس” (رئيس الشياطين) لمدة ساعة، ما قدرو يخلوها تتذمّر تذمر صغير من الله.
شوفو قديه الشيطان بيكره التواضع - سلاحنا الأقوى هوي التواضع، عكس الحكمة البشرية.
العدرا دعست رأس الحية بتواضعا، مش بعظمتها.
بعد العدرا الكنعانية هي الأقوى بالتواضع
- قلها يسوع، ما جيت لصغار الكلاب،
كلمة جارحة لأقصى الدرجات، وهيي راكعة عم تتوسّل يشفيلا بنتا.
تذللت أكتر واقلتلو: “ايه نعم” معك حق، بس كلاب الصغار بتاكول من فتات مايدة اسيادها.
شو بقول الرب يسوع: ما شفت ايمان متلا بإسرائيل، روحي اللي بدك ياه صار. بنتك شفيت.
كان فيها تجاوبو متل ما كلنا منحكي: اههه فتكرناك الله. شو عم تحكي؟؟ حلّ عنّي..!! المتكبر هيك بيعمل. - 99 % من خلافات العيل والأزواج وراها التكبر المعشعش بالإثنين.
اخوتي الأحبا القوة هيي بالتواضع، والتذلل.
نحنا منستكتر نركع قدام القربان. في قديسين كانو يجو ركوع.
مش تيشوفوهن الناس. لأنو هيي النية بتعمل الفرق.
في ناس بتعمل ظواهر تقوى، بس ليشوفوها الناس، والرب يسوع حامي عنن، هودي متل الفريسيين، بحبو يسلمو علين الناس… - وين بيجي الفرق بين سجود وسجود، بالتواضع والإنسحاق.
الفرق منلاحظو لما بصير في موقف متل مع الكنعانية: لما بينعطا ملاحظة الشخص، أو تأنيب. إذا قبْ كلو سوا، بكون تقواه ظاهري. وإذا تواضع بعمق اعماقو متل الكنعانية، بكون خشوعو داخل، متل القديسين. - في قديس مرة بهدلو رئيسو امام كل جمهور الدير.
وهوي راكع، موطّآ راسو، وعم يطلب السماح من الريّس. (منا هينة)
بس خلصت البهدلة، اجا لعندو واحد من اخوتو بالدير، قلو: كيف تحملت، كبف تضلك هادي، انا وشرقطت،
قلو: يا حبيبي، لو بتعرفني، انا بستاهل اكتر من هيك. - ما تفكرو انو بكترة الصلا. في انسحاق داخلي.
في مسيرة مع الرب يسوع عميقة، ومتواصلة. ودون تواضع ما فينا نكون أبناء مريم لو صلينا 100 مسبحة.
التواضع
- العدرا برسالتا، قبل ما تحكي عن كل قوة الوردية، بتحكي عن التواضع.
إذا مش عن نصلي بتواضع وانسحاق، ما في نِعَم.
كنت عم فتش عن نية تانية، ما لقيت. اهم شي هوي التواضع. - مار انطونيوس الكبير شاف برؤيا، الأرض كلها فخاخ من الشياطين.
مليانة لدرجة الشمس ما عم تضرب ع الأرض. قلو: يا رب من يخلص؟؟
بيسمع صوت عم يقلو: المتواضع - هالقديسة العظيمة (مريم ليسوع المصلوب) سرقت قلب الله بالتواضع.
كل رؤساء الشياطين سكنوها لمدة 40 يوم، ما طلعلن منا كلمة تأفف وتذمّر.. عايشي مع يسوع.
صارو يبكو ويقولولو: طلبنا 40 يوم نجربها، ما بقا بدنا (كما المسيح تجارب الشيطان له) يسوع كان يقلن: بتبقو حتى ينكسر كبريائكن. - نحنا المريميين، اللي بدنا نمشي ورا العدرا،
بدنا نحاول بالصلا والإماتة، انو نخلق قوة خلاص للنفوس، بدنا نطلب نعمة التواضع.
هدية
- اجانا هدية كتير ثمينة لدير فيرونيكا جولياني (القصيبة) وهيي: طفلة مريم صغيري عملوها، خياتا للقديسة فيرونيكا، هديونا ياها للدير بلبنان، من قبل راهبات بايطاليا، بدير اللي ولدت فيه القديسة فيرونيكا.
- انا بعتبرا ذخيرة، لو ما هيي ذخيرة.
يعني بعد ما طلع الفيلم، الراهبات قد ما حبونا، فكرو بشي ثمين جداً يهدونا ياه. هديونا الطفلة مريم.
الإعتراف
- مش فقط للخطايا التقيلة، بدنا نعترف عن الأخطاء الصغيري، وبدنا ندعسا بكرسي الإعتراف. والحلّة بتعطينا النعمة.
- بقدر ما بكرسي الإعتراف، نقرّ بخطايانا بانسحاق، وتواضع، وأرجوكم انتبهو بوضوح، وبقدر صدقنا والشفافية (لو منخجل منا) منقدر نسحق الخطايا، وبقدر ما بتجينا النعمة.
شو زنيت؟؟
زنيت مرة، او 50 مرّة!!!
زنيت مع وحدي مجوزة، او..
زنيت مع شب او بنت.. في فرق كتير كبير..
ما نقعد نخبي.. التخباية عن قصد، قادرة تجعل الإعتراف باطل.
التوضيح في إرادة حتى ما يرجع على الخطية. وبالتوضيح وإقرار بالخطايا، منركب جوانح منطير فيها بكرسي الإعتراف.
***
مريم ليسوع المصلوب: راهبة مسيحية ولدت في قرية إعبلين في الجليل شمال فلسطين عام 1846 لعائلة من الروم الكاثوليك. وتوفيت في 26 آب 1875.
رصد Agoraleaks.com
