كريم بقردوني يحذّر التيار والقوات: ضروري أن يجتمع جعجع وباسيل دورياً… (Audio)

بقردوني لجعجع: ما عنا مصلحة نمشي مع الخاسرين بالمنطقة
– بلبنان فقط المستشفيات والمدارس مشروع ربح.. وعَ الكنيسة واجب تتحرك، والإعلام فالت ومتروك
– المسيحيي بحاجة يفكرو مع بعض، يحللو مع بعض، ويوضعو برنامج واحد (التفاصيل)

مقتطف من حديث الوزير السابق كريم بقردوني لقناة الـ”OTV” ضمن برنامج “يوم جديد”:

الوضع في لبنان

• بهل 10 اشهر الأخيرة، في حركة تقوم على رؤية جديدة، وباسلوب جديد.
  – لما اجا الرئيس عون، قصة اختياررئيس حكومة اخدت يومين.
  – تشكيل حكومة اخد اسبوع
  – لأول مرة من سنة 1926 رئيس الجمهورية بيستعمل صلاحياتو بالمادة 59 (تأجيل لشهر انعقاد مجلس النواب)
  – اقرار قانون انتخابي، وانتقال من منطق الأكثرية الى المنطق النسبي (بمعزل المآخذ عَ القانون)
  – الرؤية الجديدة عند الرئيس عون، بجمع اطراف الإنتاج للتحاور والتفاوض، لايجاد حلول بالمشاكل الإقتصادية والإجتماعية

• ما لا يسير بوتيرة جيدة، ومش عاجبني. الشغل عَ موضوع الفساد ومكافحته. وهيدا الشي أخطر وأهمّ موضوع
• الفساد والتكفيريين واسرائيل: 3 مواضيع برأيي يشكلون خطر عَ لبنان. وبذات الخكورة
• التحولات اللي صارت جيدة خلال 10 أشهر.
  الناس متأملة كتير، وشو عملتلا رح يطلع قليل

سلسلة الرتب والرواتب

• ادعو الجميع ليشارك في لقاء رئيس الجمهورية، واهمية يللي عم يجري..
  في تشاور بين الدولة واطراف الإنتاج المعنيين، شغلة مهمة كمبدأ حكم.
• اذا بصرلن رجال الأعمال انو هلق ما يصير في زيادة، بفضلو.. وعندن منطقهم
  السلسة صارت زاركة الكل. وما حدا بيقدر يقول لاق.
• عنا مشكلة بين:
  – تعطي حقوق العمال
  – تحافظ على وضعية الإقتصاد، سيما بمرحلة لبنان: لا في شغل بلبنان. وما في أعمال، وما في شركات. وما في استثمارات خارجية..
• السلسلة لا بدّ منها، صارت شغلة نهائية، فيك بالضرائب تغّير، ولكن بالسلة ما بتقدر تغيّر

يسأل الإعلامي جورج ياسمين: لكن في شخص بضلّ يصرخ ويعيّط بالهيئات الإقتصادية، “أوعا تزيدو” ونحنا مخروبين، ونحن.. هيدا الزلمي هوي نفسو، نافض المؤسسة تبعو والشركة تبعو بكذا مليون $ لتغيير اثاث.. معليه ما يستهبلو العالم. اللبنانيين عصب البلد، مش العرب والخلجان. الحركة السياحية جيدة، وما في اوتيل منو مليان.  البلد جيّد، بس لو بوقفو شوية نق، وسرقة.. يعقّب بقردوني على كلام ياسمين:

• ما بقا يقدر يضهر من السلسلة. الزيادة ستتمّ.
  المصارف: نحنا اكتر مصارف بالعالم بتربح مصاري. طيب هودي بيقدرو يحملو.  أهل الأعمال عم يكبرو مشكل الضرايب، بركي بوقفو مسألة السلسلة.
• في شغلتين بلبنان، مش موجودين بكل دول العالم: المستشفيات والمدارس.
  – ما في مكان بالعالم مستشفى متل لبنان، بيكسبو.. بالخارج معظم المستشفيات بدهن مساعدات من قبل الدولة
  – ما في مدارس بالعالم، بتربح قد ما بيربحو مدارسنا
  لازم يجي ردّ حقيقي عليون، وينحطو قدام واقعن، لأنو يزيدو هلق اقساط ما في اي سبب. بيقدرو يحملو برأيي مرتين وتلاتي زايدة رواتب، وبضل يربحو، وإذا ما ربحو، بصيرو متلن متل غيرن
• ما في بالعالم، تعمل مشروع مستشفى حتى تربح!!! بلبنان اكتر شي بربّح مشروع مستشفى ومشروع مدرسة.
• المستشفيات لازم يكترو، بس مش هني بدن يقولولنا: وقفولنا السلسلة ، ما منقدر ندفع.

ونقل ياسمين دراسة علمية، تلحظ أن تكلفة الأهل لأي ابن لها بالجامعة (4- 5 سنوات) يدفعون حوالي 150 الف $ (طب أو هندسة.. ) في الخارج بأهم جامعات لا يدفعون تلك المبالغ… وبالتالي الأهل يدبحون حالن ليعلموا ابناءهم، ويبيعون اراضهم، ورزقن.. وآخر شي بيحمل حالو وبفلْ… بعد 25 سنة، من ستعلم هذه الصروح الجامعية، وخصوصاً المسيحيين، رغم انّ الهجرة المسلمة ازدادت عن المسيحيين مؤخراً؟؟؟

• الكنيسة مسؤوليتها كبري، لأنو ممتلكاتها بلبنان منتشرة. الكنيسة قادرة من اي مصرف، او مركز تمويل، تقدر تعمل مستشفيات تقريباً 70% من اللبنانيين تغطيلن حاجياتن.
• الثروة الجغرافية تبع الكنيسة لا يعادلها أحد. لهالسبب بدها تشتثمر ارضا. وبهالمحلين: مستشفيات + مدارس، ولكن بتكلفة شبه مجانية لرعاياها. ويمكن لها أن تلعب دور ايجابي بالمساكن.
• بعد الكنيسة، في الدولة. ولكن بالدولة، المصالح متشابكة لدرجة مابيقدرو ياخدو قرار.
  في لوبي حقيقي غيرمعلن، ما منعرفو. وبرأيي وحدا الدولة بتقدر عليون.

• بس عملنا معركة العماد عون رئيس جمهورية. حتى يصير في دولة أقوى من المافيا.
  وبعتقد هيدي هيي المهمة الرئيسية للرئيس عون
• الأحزاب والتجمعات، مسؤوليتها كبيري، وما عم تقوم بواجباتا كنقد ذاتي.
  عطيه للبناني: مستشفى ومدرسة، وأنا برأيي ما بيطلب شي. وبصير مجتمعنا أفضل.

عن علاقة التيار والقوات

• لا شك، بما عُرف بتفاهم معراب، كان خطوة متقدمة جداً. وأراحت كل الأوضاع الداخلية، ومش بس المسيحيين. اراحت اللبنانيين بشكل عام
• تفاهم معراب، اعاد الدور لرئاسة الجمهورية بوصول العماد عون رئيس.
  القوات اللبنانية كانت بهيدا الوصول، عم تجرب يصير في تحالف بينا وبين التيار الوطني الحر، لَ يقومو بالإنتخابات سوا. وبصيرو تكتّل ضخم بمجلس النواب.
• بالقانون يللي طلع، بيتبيّن: انو ما في مصلحة يتحالفو بين بعضن.
  وبالتالي بس ما تكون المصلحة مشتركة للتحالف، في مشاكل رح يواجهوها جديدي، وكل واحد رح يصيرعندو مطلب جديد
• انا ارتحت انو صار في اجتماع باللقلوق، لكن لازم ينعمل بين التنين مشروع حكم. برنامج سياسي، يتفقو عليه ويناضلو من أجلو، اذا ضلو بالقطعة هيك. رح يضل في مشاكل والقواعد مش مرتاحة.
• بدن يشتغلو على مشروع متكامل، اسمو 6 سنين. ويصير عندن مشاريع مشتركة ويعملو معارك مع الآخرين، مش بين بعضن.
• ادعو لوضع لجنة بأعلى مستوى رؤساء الحزبين. ويوضعو مشروع لخمس سنوات مقبلة. ويكون في برنامج عمل، ويخوضو الإنتخابات، لو كل واحد من جهتو، يكون في برنامج مشترك.
• أنا مع انو المسائل أن تتمّ بين سمير جعجع وجبران باسيل، ومباشرة، وبشدّد على كلمة مباشرة، لأنو فيشي مقطوع أو مش متواصل بين جبران وجعجع
  
• اجتماع اللقلوق، لازم يكون بين جبران باسيل وسمير جعجع. باللقلوق، او بمعراب، أو مطرح ما بدن، المهم يصير..

تواصل مستمرّ

• لازم يكون في تواصل مستمرّ، اجتماع اللقلوق كأننا بمرحلة ما قبل التفاهم.
  لازم تحولو التفاهم، للبرنامج، ولازم يصير في اجتماعات دورية.
• الجبهة اللبنانية كان فيها قيادات سياسية كبيري. (القيادات الحالية مش اهم منن)
  يعملو اجتماع اسبوعي، وما يكون في ضرورة للإجتماع، ويصرو على التواصل فيما بينهم. حتى الناس تشوفن مع بعضن.
• يقعد جزء، وناس تتناقل بين التنين مش زابطة.
  اقتراحي العملي، ينظم اجتماع ما بين جعجع وباسيل اسبوعي أو شهري. وهذا ضرورة جداً. هلق خلال الأسبوع، او الشهر بصير في تواصلات اخرى، الأمور بتقتضي هيك.

الإعلام

• الإعلام مش منظّم، ومتروك.. السايتات متروكة.
  الإعلام خطر، وما حدا عم يهتم فيه. وفلتان..
• انا بقول، القانون بلبنان ما عم يتطبّق. والقانون بخصوص احترام رئيس الجمهورية ما عم يتطبّق.
  بدنا ع مستوى الإعلام، يصير في توحيد، والإعلاميين يصيرو يشتغلو بين بعضن. لأنن الأكثر التصاقاً مع الرأي العام. والأحزاب والقيادات لما ما بتعود ملتصقة من خلال اعلاما. بصير عندا مشكلة.

عن كلام طال رئيس الجمهورية، لا يطلقه أبناء السوء في الخمارات، واعفاء رئيس الجمهورية من ملاحقة إحداهن، يقول بقردوني:

• يحق للرئيس أن يعفي،
  لكن في وقت من الأوقات، القانون لازم نطبقو، ولو رئيس الجمهورية بدو يتسامح
• اذا ما في قانون، بالنهاية التسامح ما بحلّ محل القانون
• السايتات اليوم بدو ينوضع قواعد جديدي.
  سايتات الأحزاب لازم ينشغل عليا. حتى تصير الأهمّ. هيي الطاغية. وهيي اللي عم تعطي مزبوط رأي الأحزاب.

جعجع

• مرات الدكتور جعجع، بياخود وجهة.
  ولما بياخود وجهة. بطوّل ليرتدّ عنّا. وبتكون خطأ، وبيوقع هوي بالخطأ.
• جعجع ما وقف كفاية قدام التحوّل بالمنطقة.
  لما كان النظام السوري عم يسقط كان كلامو مبرّر..
  اليوم: لما منلاقي، انو الجيوش وزائد المقاومات، هيي اللي عم تربح في كل شيء. مثال على ذلك:
  1) العراق: الجيش العراقي + الحشد الشعبي ردّ الموصل، يعني نهاية داعش والنصرة
  2) سوريا: الجيش السوري + الحلفاء انتصرو بحلب. يعني نهاية داعش والنصرة
  3) لبنان: الجيش اللبناني + حزب الله انتصروا بعرسال وبقية الجرود..
  هيدي التغيرات، يعني في غالب جديد. ومنتصر بالمنطقة. وخاسر بالمنطقة. ونحنا بلبنان ما عنا مصلحة انو نمشي مع الخاسرين
• جعجع عم يجرب يردّ التاريخ لورا، وما بيرجع. بعد حلب مش متل قبل حلب. (سورية)، وبعد الموصل مش متل قبل الموصل. (العراق)، وبعد عرسال والجرود، مش كبعدو (لبنان).

الوضع المسيحي

• نحنا محتاجين لبعضنا نفكّر معاً، نحلل معاً. ونعمل مشروع معاً.
  ضروري الحزبان الكبار اللي عنا. يفكرو معاً ويحللو معاً، ويوضعو خطوط معاً

ورداً على سؤال: هل يقبل جعجع بانو يربج جبران باسيل بانتخابات البترون، ويتكرس زعامة شعبية، لها مشروعية نيابية، وتؤسس للوصول الى رئاسة الجمهورية؟؟ يقول بقردوني:

• ايه بدو يقبل.
  كمان بقلك، لبنان ما بحياتو عرف عند المسيحيين آحادية.
  حتى بوقت الحرب. بشير الجميل بالآخر قدر مسك تقريباً لوحدو. وضل في داخل القوات المتن خارج عن سلطتو.. (على الأقل)
• عند المسيحيين دايماً في قوتين، ومرات في تلات مرشحين قوايا ومهمين..
  هيدي مش جديدي، ولكن يعرفو يتعاطو مع بعضن بشكل انو يتقبلو التنافس.
  بالآخر يتفقو على حدا بيناتن.
• القرارات الرئيسية منها قرار رئيس الجمهورية، لازم يتفاهمو عليه تيجيبو الأكثر تمثيلاً، والأكثر ضرورة للمرحلة المقبلة
• المارونية السياسة مدرسة كبيري، خلافاً لأي اعتقاد.
  لما كانو ينتقدوها، لأنو ما كانو يعرفو متلا.. انو ايه إذا انت ربحت، مش قوم أنا قول: لاق ما ربحت…
• ما حدا بيقدر يزيح حدا. في حدّ ادنى من حضور ووجود لكل من الشخصيات المسيحية. اللعبة مين رح يعرف يكبّر حجمو مع تحالفات من خارجن، تيقدر يصير انجح باللعبة، ولازم نتقبلها، وما نعتبرها كارثة.
• ضرورة اجراء الإنتخابات معاً بين القوات والتيار، حتى يكون الوضع مرتاح.

مستقبل لبنان والمنطقة

• صعب، والمنطقة كلها عم تتغيّر.
  رئيس الحكومة عم يتصرف يبقا 6 سنين، مع هذا رئيس الجمهورية

المنطقة حالياً عَ ابواب تسوية قريبي. قد تكون سنة الجايي، او لبعدا. وقبيل التسويات بتصير التصعيدات الأكبر.

رصد Agoraleaks.com