Agoraleaks Agoraleaks
– بيستحو من حالن إذا غيرو بين ليلة وتانية
مقتطف من حديث الإعلامي جورج قرداحي، لقناة الـ”nbn”:
- صار الجو في البلد أكثر راحة وانفراجاً بين كل المكونات اللبنانية.
مش بين ليلة وضُحاها، تلاقي الناس غيّرت مواقفها، مش معقولانو تطلبي من ناس، ومكونات كانت في 14 آذار، وكان عندها مواقف حادة تجاه سورية والمقاومة، تنتظري منها بين ليلة وضُحاها ان تُغيّر مواقفها - التغيير آتٍ ولكن بخطى بطيئة، وانا متفائل.
ما في قائد سياسي ما بكون عندو فكر براغماتي،
البراغماتية بلش يمارسها رئيس الحكومة سعد الحريري بكتير من الحكمة،
أنا بهنّي لأنو عم يعالج موضوع الزيارات الى سورية، ومواقفو ايجابية جداً ومتقدم
عن الإعتراضات حول التنسيق بين سورية ولبنان
- مواقف المعترضين فيها دفن رأس بالرمال حقيقة، لأنو التنسيق موجود، والتعاون موجود. وفي سفارتين، سفارة سورية بلبنان، وسفارة لبنانية بسورية، ومؤخراً تم تعيين سفير جديد بسورية.
- ما بدنا نضحك عَ بعضنا،
في مكابرة. بس بدها تزول. وما فينا من ناس يغيرو موقفن، لأنو رح يستحو من نفسن إذا بغيرو موقفن بين ليلة وتانية - نحن نصدّق الحريري أنه يعمل مصلحة لبنان.
ونحنا ماشيين معو بمصلحة لبنان. ورح نضل ماشيين معو، إذا كان مآمن بمصلحة لبنان. ونحنا منعوّل عليه انو يساهم مع الناس الطيبين، لأنو هوي مش ملوّث، يساهم بتنقية السياسة اللبنانية من الفساد ومن الفاسدين، ومن الطامعين، ومن السماسرة، واصحاب المزارع. - بدنا مجموعة شباب يكونو بالحكم، بس يكونو انقياء ونضاف، لحتى نقدر نزبط البلد من الفساد.
وعن وجود أكثر من رأي داخل المستقبل، يقول:
- اكيد، هوي سبقن بخطوات،
بس هني لاحقينو.. هني بعد مش عم يستوعبو. - هوي شجاع، بالموقف اللي اخدو بانتخاب الرئيس ميشال عون، وبعدان بالمواقف اللي عم ياخدا هلق، فيها مش مسايرة لحزب الله، ولكن فيها نوع من الحفاظ على الوحدة الوطنية، ومنع التوترات.
- في شجاعة، هلق كل واحد بفسرها وبفسّر اسبابها متل ما بدو.
لكن هوي سبقهم للآخرين. الآخرين عندن مواقف منتحجرة. هوي مواقفو بينّت أكثر ليونة، فبقا كان سباقاً وبعتقد رح يلحقو
رصد Agoraleaks.com
