الأب مجدي علاوي ينزع الأقنعة ويسمّي الأمور، و”mail”من البابا..!! (Audio)

– فخامة الرئيس سيستقبل “سعادة السما” وقائد الجيش أيضاً وعباس إبراهيم داعم..!!
– منزعجين يمكن لأنو قررت اوهب الأراضي وكل ما أملك للأخ نور والجيش والصليب الأحمر..
– منزعجين لأنو بهتمّ بالمسلمين والسوريين… !!
– فلسطيني مسلم إهتمّ فيّي لما كنت بقبرص.. لما كنت اسرق حتى أكول لما موت الجوع (التفاصيل)

عظة الأب مجدي علاوي (جمعية سعادة السما) مع جماعة الرحمة الإلهية – في قرية الإنسان – المعيصرة: (21 تموز 2017)

• المجد لله
  كتار بفوتو عَ الكنيسة، ناسيين الرحمة،
  كتار بيدعو انّو بصلّو، ويعملو اعمال خير، بس بقلوبن ما في محبة ولا رحمة.
  منّي عم دين اليوم، بس المواقف اللي عم نشوفا: “أي هؤلاء الثلاثة كان قريب ذلك الرجل الذي وقع في أيدي اللصوص“،
  فقال: الذين صنعوا اليه الرحمة، فقال له يسوع: إذهب واصنع أيضا كذلك…
• كرمال هيك عم قلكن يكون في رحمة، لأنو صرنا عم نسأل عن:
  – الطائفة قبل الإنسان
  – اللون قبل الإنسان
  – العرق قبل الإنسان
  – بلد الإنسان قبل الإنسان..!
• كلنا منحمل شعارات، وكلنا منحب الشعارات.. أمّا القديسين اللي سبقونا ما بحبو الشعارات
  كلنا منحبّ الكراسي، والمراكز… أمّا القديسين اللي سبقونا، لا بحبو الكراسي ولا المراكز
  كلنا منحب الوسايط والعزايم، والتبخير ومسح الجوخ، والناس يزقفولنا.. من عدا القديسين…

القديس شربل

• ما عرف لون، ولا دين
  عرف الطاعة، والحب
  تنسّك بالمحبسة… ما أكل من العنب اللي زرعن…
  نام عَ صخرة
  وكانت طاعتو لكنيستو كتير كبيري،
  صلّى وحبّ، وما سأل عن لون او دين أو عرق أو بلد الشخص اللي كان يقصدو ليشفيه…
• شربل غيّر الكون، لأنو حبّ كتير العدرا حبّ ما بينوصف
  وكان كلّو ليسوع
• الأم تريزا كالكوتا، ما سألت… وكل القديسين
  

ليش عم يرجموني

• الكل اليوم عم يرجمو أبونا مجدي، وجمعية سعادة السما،
  ليش؟؟؟
  – لأنو عم نهتم بالإسلام
  ليش؟؟؟
  – لأنو عم نهتم بالسوريين
  أي انجيل بتقرو فيه؟ وأيّا قداس بتقدسو، وايّ مسبحة بتصلّو….!!!
  داعش هيك، ونحنا أخطر من داعش….
• شو الغلط يللي عم يعملو الأب مجدي وجمعية سعادة السما؟
  وين الغلط إذا كنت عم حبّ دون حدود..؟؟
  وين الغلط إذا انا كنت كاهن لالن…!
  وين الغلط إذا كنت عم اخدمن بالمطااعم، والمؤسسات والجمعيات..؟؟؟!!
  وين الغلط إذا انا كنت بالليل والنهار عم يدقولي، وين مكان بروح لعندن حتى اسمعلن، وشوفن وامسح دموعن…

شُحطت من لبنان

• ساعة اللي نكحتِتْ من لبنان بالحرب البشعة اللي صارت،
  كحشتْ بباخرة مواشي على قبرص،
  ومتِتْ جوع هونيك..
  – جعتْ
  – عطشتْ
  – بردتْ
  – نمت عَ الطريق
  وكانو اللبنانيين بهيديك الإيام، أخدين الشعارات تبعن، الأغنيا قعدو بقبرص، والفقرا بقيو بالبلد.
  اخوة عم يقتلو بعض.. تنذكر وما تنعاد
  
• كنت جوع، وانزتّ بمؤسسات، لأنو ما كان معي وراق..
  – يمكن لأنو كنت مسلم
  – يمكن لأنو كنت أسود
  – ما بعرف شو؟؟
  ما حدا تعرّف عليّ، حتى ابن حيّي… وإبن ضيعتي…
  واللي كان طالع من الكنيسة كنت انطرو إذا بيقدر يعمل معي شي.. ما كان شايفيني…
• ابن الحي تبعي، وإبن الضيعة تبعي،
  اللبنانيي كانو يتركو أكلن بالمطعم، ما كانو ياخدو الأكل معن..
  انا انطر بس اللبناني ياكول بشي مطعم، (يترك الأكل) اركض متل شي، ما بعرف شو بدي قلكم…
  لمين بدّي شبّه حالي ما بعرف.. تإسرق هيدا الصحن، لآكول لأني كون ميّت جوع…
• مرّة وحدي بالنهار كنت آكول بالنهار يا جماعة…
  هونيك نهار وعيت عند شخص: حاططني ببيتو وعم يحكمني ويداويني..
  ومن بعد يومين، قلتلو شو عم اعمل، ومين انت؟؟
  هيدا الشخص فلسطيني يا جماعة. ومسلم.
• الإنسان بينقاس مش بلونو، أو دينو، او بعرقو…
  إذا كل النهار بالكنيسة وصلّي وصوم واعمل مسابح، واقرا بالإنجيل، وأنا ما بحب خّيي الإنسان؟؟؟ أيا مناولة وأيا قداس بصلي وعندي حقد

الأقنعة

• نحنا عنّا أقنعة..
  بالكنيسة منرشح زيت كلنا سوا
  بس نطلع من الكنيسة، ما منخرطش، منقوّص عَ بعض، ومنحاسب بعض…
• عم قلكم هالشي، من ورا وجع
  عم اركض بالليل وبالنهار، حتّى أمّن اكل وتياب، وحاجيات وماي، وغراض.
  عم افتح دير جديد لأن ديورتنا فولّت وبطّل في مطارح…
• احد اللي بروحو عَ الكنيسة يومياً، وملتزمين بالكنيسة حدّ الدير تبعنا.
  هيدا الدير ما في ملعب للولاد.
  ضاقت بعينن.
  شكاوي عليّ ما تصدقو قديه.. الولاد عم يضجو.. فوضى..
  اضطرينا نجيب لأنو ما عندن كهربا، نجبلن موتور من يومين. اضطريت بأرض هيدا الزلمي (اللي ما بخلينا ابداً نستعملا لشي) حطيت خزان متر بأرضو، قام قيامتو عليّ، وتشكّى عليّ..
• بروح عَ القداس…!
  أيا قداس منن بقدّس؟؟؟
  بتعرفو ليه، لأنو الولاد أكتريتن مش مسيحيي
  ولأنو الولاد اكتريتن مش لبنانيي
  بكرا بس يطلع عَ السما بقلو: طوبى لك لأنك بتحبّ بس الموارنة
  بدّو يعطي وسام الأرز اللبناني..
  يا عيب الشوم؟؟؟ حيث يكون كنزكم يكون قلبكم
  
• نريد رحمة لا ذبيحة، بهيدا الوقت العالم عم تاكول بعضااا
  الغيرة بدل ما تكون من أجل بيت يسوع، الغيرة على بعضنا، والغيرة من بعضنا…
  الحسد عم يقتلنا..
  أبونا مجدي مش منيح، عَ راسي وعيني..
  أبونا مجدي غلطت، عَ راسي وعيني..
  أبونا مجدي مش آدمي، عَ راسي وعيني…
  بس شو ذنب الناس العايشين عندو بالمؤسسات؟؟؟
• بدكم تلغو أبونا مجدي، اهتمو باللي عند أبونا مجدي..
  يعني اليوم بصرخ هيدا الصوت، ما بعرف هالقد متضايقين من وجودي؟
  طلعنا جمعية مش رسمية بهالبلد؟؟
  ما بعرف شو بصنفونااا
  ليش لأنو أخدت الأكثر حاجة!!!
  لأنو أخدت المؤسسة اللي ما بتاخدن ولا أي مؤسسة بالبلد؟
  لأنو حبيت من دون حدود؟؟
  لأنو مبارح احتفلنا بشخصين، ناسيتن دولتنا الكريمة وتاركتن 39 سنة بالحبس.. وكان حبسن سنة..
  لأنو أبونا مجدي، مجنون متل يسوع، وراح يفتش عن الخاطي والتعبان، والمريض…
  لأنو أبونا مجدي بحب كل الناس. وبدّو يخدم كل الناس؟

بتعرفو شو اللي زاعجن

• اللي زاعجن، لأنو الناس عم توهبني أراضي كتير
  ومساعدات كتير
  ومصاري كتير
  لأن العالم كلها حدّي..
• نحنا اليوم لازم نكون بمطرح تاني، كان لازم نفتح ديرنا الجديد، لأنو نحنا بحاجة..
  عندي في كذا ولد عَ الطريق..
  بس اخدت 3 ولاد من المخفر، نيمتن عَ “Sofa”.. وبنت عمرا 10 سنين، أكلت قتل ليوم القتل، مورمّة وهيي بالمستشفى. وما حدن بيستقبلن.
• انتو بتعرفو كنا بدنا نفتتح دير الرحمة الإلهية،
  وانتو بتعرفو تّ نفتتح الديورة، بدنا ناخود إذن من هيدا، ونبوس ايد هيدا، وأنا مش معوّد لا بوس ايد هيدا ولا آخود إذن من حدا.
  لأنو مش عم إعمل شي غلط، ورح ضلني هيك….

•  ما بدي بوس ايد حدن، حتى اعمل عمل اجتماعي.
  بأخروني جمعة وجمعتين. ما في مشكلة..
  بس رح نكفي
  انا وانتو على الموعد بِ 8 آب، الساعة 7 عشية رح نفتتح دير الرحمة الإلهية.
  رح يكون في 29 مركز لسعادة السما.
  ورح نفتتح بعد جمعة المصبغة لأنو في كتير عالم تيابن بدها غسيل.
  ورح نفتتح بيتزا “ديليفري” للبيْ يفوّت بيتزا للبيت.. ورح ينبسطو ولادو قد الدني…
  ورح نفتتح Club بالحازمية…
  وهودي خلال شهر.. خلّي يوقفونا.
  اللي عندو شي عند أبونا مجدي. يجي ياخدو من أبونا مجدي. مش من جمعية سعادة السما.

الله يراني

• تبرهلنكم قديش الله معنا،
  1- فخامة الرئيس رح يستقبل سعادة السما بالقصر الجمهوري جمعة الجايي
  السيدة الأولى رح تستقبلنا معو
  2- الجمعة اللي بعدا، قائد الجيش رغم كل مشاغلو رح يستقبل جمعية سعادة السما عندو
  3- الأحلى من هيك، خبرية كتير حلوة، اللواء عباس إبراهيم بدقلنا، وبقلنا، انتو الجمعية اللي شفتا مميزة بلبنان، بهنيكم، ورح ساهم معكم لتشترو الأرض. واللواء عباس إبراهيم مش مسيحي
  4 – الأحلى من هيك.
  قداسة الباب فرنسيس بعتلي email مبارح بـ 13 أيلول رح يستقبلني بالفاتيكان…
  13 أيلول (ليلة عيد الصليب) يا جماعة… ليكو هيدا النهار!!
  حب يحمل عن جمعية سعادة السما وابونا مجدي هيدا الصليب..
  وبـ15 أيلول برجع بروح لعند إمّي عَ مديوغوريه، تروح اشكرا
• لو العالم كلو سوا وقف ضدّ هالمشاريع
  ما حدا بيقدر يوقف بوجّ يسوع. لأنو هيدي مشاريع يسوع.
  قد ما يعملو وقد ما يلوفقو.. وقد ما يحطو عصي بالدواليب، ما حدن بيقدر يوقف هالمشاريع. هيدي مشاريعو
• المطلوب منا نكون السامري يا جماعة
  نهار اللي بتسألو، كل اللي جمعتون بتروحوهم، متل لعبة المقامرة
  كل مرة منسأل شخص عن لونو، أو دينو، أو بلدو، بتكونو روحتو كلشي…
  ما تخافو تحبو كل انسان. ما تخافو انو تغمرو. ما تخافو تتساعدو انتو وياه.
  بقلنا يسوع: ما الخاطي متلك متلو
  ما الخاطي عندو رفيق، بيسهر معو، بدَينو وبساعدو…
  وأنا هيك ذات الشي…
  تروك الـ99 خروف، وفتّش عَ الخروف الضايع.
  هيك يسوعي..
  يسوع بقلي: سمعت احبب قربيك وأبغض عدوك. اما انا فأقول لكم، فأحبوا أعداءكم. وباركو لاعنيكم.
  هيدا إنجيلي. حبو بعضكم كما انا احببتكم. كيف يعني؟
  ندائي لالكم، خلونا نحب من دون حدود.

الجيش

• انتا يا رب وانتي يا مريم، غمري جيشنا.
  غمري القائد تبع الجيش.
  وكل عناصر جيشنا. رديون عند ولادن. وعند زوجاتن. وبياتن واماتن بألف خير.
  حميه هيدا الوطن، ورئيسو ومؤسساتو…
• أكتر من هيك بقلكم،
  يمكن،
  يمكن،
  يمكن،
  الإنزعاج كان، ساعة قررت اوهب كل ما أملك من جمعية سعادة السما لـ:
  – الأخ نور
  – للجيش اللبناني
  – للصليب الأحمر اللبناني
  يمكن هيدا كان انزعاج… بس ما في اهم منن حتى اوهبن هالإشيا، يللي هني بحبو بدون حدود
• كرمال هيك بقول:
  صلاتنا للوطن، ولشرقنا، ولكل الدول، ولكل الإرهابين متل ما يسوع هِدي “شاوول” يهديُن. متل ما هِدي مار ضومط، يهديُن.
• لا الحرب
  ولا السلاح، ولا أي شي، بيقدر يحرّر أوطاننا وشرقنا من هالشي.
  منرفع بصلاتنا نواياكم الخاصة، وربنا يقدسكم. ويحمي ويبارك ويعطي كل اللي عم يصلو ويساعدو ويزورو جمعية سعادة السما.
  آمين…

رصد Agoraleaks.com

يقول الاب مجدي ممنوع ان يموت اي أحد جوعا في جمعية سعادة السماء : فهنا تجد لقمة عيش كريمة وسعادة مفقودة وفرحا يبحث عنه كثيرون…

ان مطعم سعادة السماء فرع برج حمود بحاجة الى:
معكرونة، عدس عريض، فطر 
ذره، فول ، بازيلا
رب البندورة، رز أميركاني
برغل خشن، تون ، كبايات بلاستيك
صحون بلاستيك ، زيت ذرة
Nescafe، بن 

للمساهمة الرجاء الاتصال بالاب مجدي 03/125347