Agoraleaks Agoraleaks
– يا شيخ سعد عَ أساس متفق مع التيار..!!
شَكا أحد المواطنين من جرود قضاء جبيل بفيلم مصوّر، تعديات النائب السابق فارس سعيد لعقاره، كاشفاً وجود تعديات بالجملة، وقال:
- في عندي بمنطقة “المنيطرة” بجرد جبيل بتحدّو الطريق العام،
بيوصل واحد بيسفق “Kiosk” مطعم مع “تيراس”، بيفخط الزفت بيعمل “جورة حمام”، بيوصلا بقسطر “التلفون”،
بسكّر واجهة العقار، وببطل فيني اقطع…
النايب السابق فارس سعيد بيفتتح المطعم، وبيعلن النصر على الأملاك العامة، وأملاك الغير - منتشكّى عند الدرك، للمديرية، لمكتب وزير الداخلية .. ما حدا بردّ علينا،
بقولولي في واسطة، وما فينا نعمل شي، ومعك حق… - منستفهم بيطلع انو وزير الداخلية داعم فارس سعيد، وعامل “Block” عَ مغافر الدرك، كرمال الخواجة فارس سعيد يِلَقوطْ أصوات قبل الإنتخابات
- جماعة فارس سعيد، بيحفرو بيارة ارتوازية بلا رخص..
بفخطو الجبال عاملين مرامل بلا رخص..
حرش غابات شوهو..
أثارات مار جريس الأزرق ، والكرسي البطريكية المارونية اللي كانت من 1000 سنة، ركبتْ المرامل حواليا - دعّسو الآثار، وكسرو التصوينات، والطرقات، بعمرو بيوت بلا رخص،
بيعملو مطاعم عَ الطرقات العامة - يا شيح سعد،
عَ أساس متفق مع التيار الوطني الحر، وعم تكافحو الفساد
لشو بعدك قانيه،
جابو غازي كنعان من 20 سنة، وعملو نايب مرة.
راح نطّ إجا بحضنكم، وبعدكم مسلطينو علينا..
لا شغلة ولا عملة.. غير انو بيقبض معاش نايب سابق، منجيوب الشعب اللبناني.. - عامل حرتقجي عَ بلدية العاقورة،
ومعلّق الناس ببعضا بالمجدل
عامل فتنة بأفقا
بدق سفاين بسرعيتا وبالغابات، ويانوح
بحركش بلاسا
ما في غير بقرطبا مطرح ما ساكن، عاقد “Papillon” وقاعد عاقل
- يا حضرة وزير الداخلية، البير الإرتوازي بدّو رخصة من وزارة الموارد المائية،
المرملة بدها رخصة من وزارة البيئة
الطرقات العامة من صلاحيات وزارة الأشغال، والمحافظ
البيوت بدها رخص من التنظيم المدني… أو أنو معك وزارة الداخلية وقوى الأمن وماسك بتسنّ القوانين عَ ذوقك - عامل متل سيسي سيكو، اللي حكم دولة زئير، بيعمل اللي بدو ياه
خلينا نفصلّك بدلة جلد نمر، متل سيسي سيكو، ونحملك وتقعد عَ كرسي ونقطع فيك بساحة النجمة،
ما انتا عَ أساس شعارك “العبور الى الدولة”
يا خيّي قبل ما تعبر، ونضيعك.. هيدي الطريق العام مقابل عقاري، اذا كانت ملكك ووارتا من جدّك، جيب الصك وجيب مساّح تاقسم انا واياك..
لاق ولاق، عمال معروف، ترك مخافر الدرك يعملو شغلن،
يفكو التنك وجورة الحمام عَ باب عقاري، بدّي اقطع..
إذا فارس سعيد بدو يلقط أصوات، خلّي يركّب التنك و”الشجمة” عَ الطريق قدام بيتو بقرطبا، او قدام بيتك بالصنايع، مش بأملاك العالم - للشعب اللبناني بدّي قلن، سنة الجاي في انتخابات، هودي الجماعة إذا رجعو عَ السلطة رايحين الى مزيد من الإنهيار الاقتصادي والبيئي، والفساد والتلوّث، والغوغائية، وح يضلن ولادكن يتقوصو عَ الطرقات.. ورح تضلكم تموتو ع بواب المستشفيات.. ورح تفتقرو اكتر، ورح تهاجرو من لبنان. هيدي شغلة واضحة متل عين الشمس…
المصدر: وسائل التواصل الإجتماعي
رصد Agoraleaks.com
https://youtu.be/QlF8e9PS6To
