Agoraleaks Agoraleaks
– صلّو لرنا.. حتى نخلّي هالمسمار يزهّر
رسالة موزعة من شقيق رنا على وسائل التواصل الاجتماعي:
- المجد لله اخواتي
شكر لكل شخص ذكر رنا بصلاتو
رنا وضعا هلق مستقر نوعاً ما..
حالياً نايمي لأنو بعد ما توقف قلبا، نقطع الأكسيجين عن دماغا لفترة طويلة… - هني وعم يجربو يوعوها، ما كانت عم توعا، وضغطا كان عم يطلع كتير،
ففضلو انو ينيموها شي 48 ساعة – 72 ساعة حتى ترتاح عضلات القلب والدماغ
متل ما الله بريد
- الحكما علمياً عم يقولو انو في احتمال انو هيدا الشي أثّر للدماغ من بعد انقطاع الأكسجين،
معقولي يكون في رواسب خاصة بالنطق، بالحركة او بالإدراك.. - انتو وأنا منعرف انو لعند يسوع مش عند حدا
انا ما بحب رنا..
ولا حدا بحب رنا قد ما يسوع بحبا..
ويسوع عندو رنا بالدني.. وما معقول انو يئذيا… حتى لو الشيطان هوي عم يحركش، نحنا بصلاتنا منقدر نحوّل الوجع لسبب قداسة.
منقدر نخلّي هالمسمار يزهّر، بصلاة العدرا، وشفاعة مار شربل - كلكن بتعرفو انو الأحد عيد مار شربل،
بس مش كلكن بتعرفو انو مار شربل شفيعا لرنا، وحبيب قلبا..
بحبا وبتحبو..
كانت عم تعمل تساعيتو، وكانت قاطعة عن اللحمة والدجاج..
طلب مني لالكم
- لكل واحد بيقدر.. يكفي هالستاعية عن رنا
لبيقدر للأحد، لبيقدر للإثنين،
لكانو يجربو يوعو رنا..
لبيقدر، يطوي.. لبيقدر خبز وماي.. او يصوم لل12..
يللي بيقر يعمل أي اماتة صغيري، بكون ممنونكم..
ويسوع يقدسكم، ون شالله أنا ورنا منرجع نتشكّر كل واحد منكم…
بحبكم كتير، وصلولا
