Agoraleaks Agoraleaks
– الموضوع مختلف بين القوات والعميد روكز…
– ما منقدر نخوض حياة سياسية سليمة بالمستقلين، مع احترامي لالن، بل من خلال الأحزاب…
مقتطف من حديث مرشح القوات اللبنانية في البترون فادي سعد لقناة الـ”NBN”:
- القانون الإنتخابي جديد بشكل عام، وقانون جديد عَ الكلّ
قانون عندو حسابات مختلفة عَ الكلّ، ونتايجو رح تكون مختلفة وجديدي، وبدها حسابات من نوع آخر.
من هيك منشوف كل المكونات السياسية منكبّة لحسابات الها علاقة بالأرقام، ومن تاني ميل الها علاقة بالسياسة، وهالشي أوقات عم يتفسّر بغير محلو، بما يخصّ التحالفات والتفاهمات. - بدي شدّد على شغلة:
التفاهم اللي صار بين القوات والتيار ما في رجعة عنو، بغضّ النظر إذا كنا على لوايح موحدّة، أو لوايح مختلفة
- بعد المطارح افضل للفريقين نكون ع لوايح وحدي، ومطارح أخرى افضل نكون عَ لوايح مختلفة.
- قانون النسبية بيسمح لكل فريق سياسي، ياخود حجمو متل ما هوي. لا زيادة ولا نقصان.
نحنا والتيار الوطني الحر متفاهمين عَ كتير مناطق.
بيسوا نكون ع نفس اللوايح ونربح اكتر، وبيسوا نكون عَ لوايح مختلفة وكل فريق يكون عندو عدد مقاعد اكتر - العملية الانتخابية اليوم عملية حسابية، وشوي معقدة.
وكل فريق عم يدرس وضعو حتى نشوف كيف بدنا ناخود نتيجة معينة، لأنو هدفنا منو الوصول الى السلطة ميشان لذة السلطة. الوصول الى السلطة بأكبر عدد من النواب لحتى نقدر نحقق مشروعنا - إذا ما كنا عَ ذات اللوايح ببعض المناطق، مش معناتا مختلفين.
فينا نكون متحالفين ببعض المناطق، ومش عَ ذات اللوايح. لأسباب الها علاقة بالحسابات، لأنو القانون النسبي بيسمح هامش من المناورة، اللي بخلي كل فريق يسمح ياخود مقاعد بتخصو…
- انا بعرف مزبوط فريقنا السياسي كيف عم يفكّر،
وكيف عم يتواصل مع الآخرين.
نحنا والتيار بالتفاهم لا عودة عنو - لا مرة ادعينا، انو نحنا فريقين دايبين، وصرنا فريق واحد، وعَ الأكيد نحنا ما عم نخبّي وعم نحكي جهاراً،
في مواضيع ممكن نكون مختلفين عليا، وبرأيي في مواضيع ما عم نحكي عنا، وكمان مختلفين عليا.
مش معناتا في خلاف سياسي، في اختلافات يومية الها علاقة بالتعاطي السياسي اليومي - اللي بيننا وبين التيار تفاهم سياسي
اللي عم يصير بيننا وبين الآخرين، يوم من الإنفتاح
اللي صار مع بنشعي، هوي انفتاح، ونحنا من أول ما بلشنا المصالحة، وصولاً للتفاهم ولدعم العماد عون لرئاسة الجمهورية، لقانون الإنتخاب، ولا مرّة كنا مفكرين متل ما البعض عم يوحي، انو بدنا نختزل كل المسيحيين. - تفاهمنا مع التيار طوى صفحة اليمة فيا دم ودموع، وكانت دموية بوقت من الأوقات.
اليوم منتأمل ينضم للتفاهم كل الشرائح المسيحية وغير المسيحية، وبدي سمّي المردة أو حزب الكتائب..
رداً على سؤال تغييرات لتفاهم معراب، يردّ سعد
- عم نخوض الانتخابات بذات المناخ بس مع عدم الوقوع ببعض المطبات اللي وقعنا فيا بالإنتخابات البلدية.
بالإنتخابات النيابية بدنا نجرّب ما نوقع بذات المطبات،
ونحنا ما ادعينا انو بدنا نوصل لانتخابات مثالية - موضوع انو الحياة السياسية ما بتمشي الاّ بالأحزاب، هيدا موضوع آخر..
بس على الأكيد منا مستحيين فيه.
لا حياة سياسية ولا مستقبل سياسي بأي بلد، من دون الأحزاب.
أياً تكن الأحزاب. اللي منو حابب يكون بالقوات او بالتيار، يفوت بأي حزب.
بس ما منقدر نخوض حياة سياسية سليمة من خلال مستقلين، مع احترامي لالن، لأنو المستقل قد ما يكون، ما بيقدر يوصل مشروعو، لأنو وحدو
- حادثة اهدن وكل اللي تبعها، صفحة بالنسبة لالنا طويناها بس طلعنا من الحرب،
كل الوقت مادّين ايدنا لنوع من المصالحة مع المردة وصارت،
الخطوة مع بنشعي ما الها علاقة بالإنتخابات النيابية الجايي، هيي خطوة انفتاحية ما بتأثر أبداً على علاقتنا بالتيار - بقانون النسبي، بيللي منفهم فيه بالشق التقني،
نحنا لو كنا والتيار بلوايح وحدي، تنقول بالبترون، القانون النسبي الجديد، عم يخلق نوع من المنافسة ضمن الصف الواحد.
إذا كنا أنا والوزير باسيل عَ لايحة وحدي، ما بالنتيجة رح يكون في تنافس عَ الصوت التفضيلي، تنقدر ناخود أوّل وتاني صوت تفضيلي، لحتى ناخود مقاعدنا..
رح روح عَ مقاعد معقدة أكتر، تنفترض التيار الوطني الحرّ بكسروان رح يرشح اكتر من مرشحين أو تلاتي، رح يكون في تنافس بين المرشحين ضمن الفريق الواحد، مش بس ضمن التحالفات.
هوي القانون النسبي بحدّ ذاتو ما بعرف إذا هيدا أمر إيجابي أو سلبي،
بيخلق تنافس حتى ضمن الفريق الواحد.
من هيك ما نخلط الأمور ببعضا، نحنا والتيار متفاهمين، فينا نكون ع لوايح وحدي، وفينا نكون لاق.
وحتى كنا عَ لوايح وحدي، رح يكون في تنافس، الو علاقة بالحصول على اكبر عدد من الأصوات التفضيلية. لأنو بالنتيجة مش رح ندوب ببعضنا، ومش رح فضّل حليفي بالتيار ياخود أصوات اكتر مني ويربح وانا اسقط… - كل واحد منا رح يكون عندو حركة حتى يكون رقم واحد بمنطقتو،
وكل فريق رح يكون عندو برنامجو رح يترشّح عَ اساسو.. وقانون النسبي بيسمح يكون لكل فريق برنامجو واستقلاليتو… - اليوم البعض انو التقارب مع الوزير فرنجية هوي كيدية ونكاية بالوزير باسيل، مش مزبوط.
انو اليوم نحنا متفاهمين مع الوزير فرنجية اكتر ما متفاهيمن مع الوزير باسيل؟
التيار الوطني الحر اقربلنا بكتير بالسياسة من المردة، ولكن في انفتاح على المردة أو بيننا وبين الكتائب، او حركة امل، او حتى بيننا وبين حزب الله، عم روح لأكتر حزب مختلفين معو بالسياسة - العلاقة مع التيار، كل يوم عم نشوف وين الشوائب فيا، وكل يوم عم نتواصل لنزبّط أماكن الخلل..
ورداً على سؤال حول إمكانية التعاون بين التيار في كسروان – جبيل، ووجود المرشّح العميد روكز، قال فادي سعد:
- الموضوع مختلف بين القوات والعميد روكز،
هوي متمايز شوي عن التيار الوطني الحرّ،
بعتقد بعد بكير حتى اقدر جاوب عَ هيك سؤال، ما فينا الا نكون صادقين، بعد ما نبحث الموضوع، وكل حادث الو حديث، وقت اللي بيترشّح باتخابات فرعية منرجع منشوف
رصد Agoraleaks.com
