Agoraleaks Agoraleaks
– ممكن تخطي. بس مش ممكن تقرر انو تروح تخطي..
مقتطف من عظة الأب الياس مارون غاريوس، يتناقلها المؤمنون على وسائل التواصل الاجتماعي:
- ما نسمح لشي بالعالم يأخرني عن قدرة الله 1%
– لا مال
– لا أرض
– لا بيت
– لا طابق
– لا مرتْ عمي
– لا بنتْ عمي
– لا أختي
– لا خيي..
يفصلني عن مقدار حب يسوع المسيح - هيدا اليوم أكيد ممنوع من الصرف بالعالم
هيدا اليوم كلو مش موجود، لأنو العالم… عمّر حدّ مني، بدّي اكسرلو راسو..
حد مني، بدّي خبّر عنو انو مش منيح..
ومنصير نوزّ عَ بعضنا بالمحاكم، ويا حيف عَ الرجال المسيحيي، يا عيب الشوم أتفه من ابليس!!! - المسيحيي اليوم اتفه من الشيطان
لذلك اليوم يسوع عم يناديكم بحرية مطلقة ويقلكم:
الكلام اللي بتسمعو مني بتعتبرو موجّه لالكم أو لاق..
هوي بقول: اذهبوا وافعلوا كما امركم المسيح…
هل منقدر نعيش بكلشي برغّبكم، او قادرين تعيشو بكلشي يخليكن تكونو محررين من كلشي بكبلكم؟
- يا حسرتي عليكم يا مسيحيي ختيرتو عَ بكير!
لذلك،
كل واحد منا بيسمح لشي يكبلو بهالعالم، هوي خاين ليسوع.
وحطو نقطة عَ السطر . - كل شي بتسمحلو يكبلكم بهالدني، انتو عم تنكرو يسوع، ونقطة عَ السطر، خلص الحديث.
ما حدا يحاور.
ما حدا يقول: أبونا أنا إنسان!
مين خبرك انسان.
انت انسان تُوجّت بتاج المسيح، انتا منك انسان عادي.
بتعتبر حالك انسان خاطي، انتا كذاب.
ممكن تخطي.
بس مش ممكن تقرر انو تروح تخطي؛
يعني بتكون خاين كذاب منافق بامتياز، ونقطة عَ السطر.
رصد Agoraleaks.com
