جوزيف أبو فاضل في كلام صريح جداً: القانون جيّد للمسيحيين وليس للتيار الوطني الحرّ (Audio)

– انتخابات بالقطعة بكسروان وجبيل والمتن والشمال وزحلة والأشرفية والشوف.. (التفاصيل)
– روكز منو العماد عون.. وبالشمال يتمّ تطويق باسيل من قبل القوات والمردة والقومي والكتائب

مقتطف من حديث الكاتب السياسي جوزيف أبو فاضل لقناة “الجديد”:

الإعدام

• حكم الإعدام ولا مرة شكّل رادع، لأنو المجرم بيرتكب جريمتو إذا عن سابق تصوّر وتصوير
  اللي بدو رخصة “فرد” او رشاش، هيدا بدّو السترة، هوي تحت القانون، ومن هيك أخد رخصة.
  انما اللي عم يقتّل، ما بدو رخصة.
  ما جريمتو أكبر من الرخصة، ما الها قيمة المادة 72 من قانون الأسلحة والذخائر
• وزير الداخلية حكي عن عقوبة الإعدام،
  بس بلبنان ما بتمشي عقوبة الإعدام، خلص
  ما بتمشي ولا بتنفع
• بدنا نريح المجتمع لَ يبطّل يروح على المخدرات..
  اللي عم يقتل 99% منون، ما معن رخص.
• بعلم الأمن: العسكري إذا بيحرس أكتر من 4 ساعات مبنى، ما الو نفع وقيمة.
  لأنو بيعرفو كيف بيتصرف، وكيف بيتنقل. واي ساعة بياكول وبيشرب.
  بعلم الأمن والإستخبارات لم يعد نافع.
• اذا دورية قدام وزير ما بتفيدو بشي، الحواجز ما لازم ينعرف وين محلها
  الحواجز الطيار، هيي الوحيدي اللي بتفيد
  وبتفيد عَ مداخل ومخارج بيروت
• هلق بس اشتغلو كل الأمنيين بلبنان، وصارو ينسقو بهيدا العهد مع بعضن،
  اصبح في إنجازات.
  معمل السيارات نضرب، اللي كان يفخّخ بعرسال

الفساد

• البلد فاسد أساساً
  وما فينا نحمّل الرئيس والعهد
• لبنان مقلع. مش مزرعة
  لو مزرعة بتزرعي بتعطيكي من اللي زرعتيهم

قانون الانتخابات الجديد

• القانون مسيء للتيار الوطني الحر، ورح يخسرو
• دائرة الشمال (البترون – الكورة – زغرتا – بشري)
  بقانون الإنتخاب متل ما هوي هلق، مجحف بحق التيار الوطني الحر، وبحق الوزير جبران باسيل.
  لأنو في 3 قوى بالبترون عَ الصوت التفضيلي:
  – الوزير باسيل
  – القوات
  – النائب بطرس حرب
  إضافة الى الكتائب وغيرهم
  القانون اللي نعمل مش لصالح التيار الوطني الحرّ، انا استغربت كيف وافقو عَ هيك نسبية
• المتن
  التيار الوطني الحر اليوم بيطلعلو 4-5 نواب
  بالقانون الجديد، بمعركة طويلة عريضة بيطلعلن 2 أو 3 نواب
  في اسامي كبيري بالمتن: الصوت التفضيلي لمين بدو يروح، العونية مين بدن يعطو؟
  بيعطو كنعان أو نقولا، ادي ابي اللمع،
  الخلاف بين القوات والعونيي حول المركز الكاتوليكي: ادي معلوف أو ملحم رياشي؟
  انا للأسف، الكل بحللو وبقولو: قاشوش لاق..
• كسروان
  
  في غريب، وأنا عم احكي بصراحة، وما رح يزعلو مني
  انا صديق التيار الوطني الحر
  تسأله سمر أبو خليل، ولكن مع العماد عون لم يكن غريباً، يردّ  أبو فاضل:
  العماد عون شخصية لن تتكرّر، ما فينا ننكرها
  عندو فكر استراتيجي، ووصل الى الرئاسة
  العميد شامل روكز، صديق وعزيز وغالي علينا كتير، وعليّ شخصياً، لكن هوي منو ميشال عون، في فرق بين شامل روكز وميشال عون، وهوي بيعرفا
  في معركة عند العميد روكز، من يرأس اللايحة، يوجد الدكتور فريد الخازن، ويوجد جيلبيرت زوين، النائب يوسف خليل. في مرشحي التيار..
  انا عم احكي بصراحة، اما اكتر واحد من 29 سنة حامل سيف العماد عون وما زلت.
  الصوت التفضيلي برأيي كان عَ الدائرة افضل. راحو عَ القضاء غلطو، وعندو..
  جبران باسيل الوزير النشيط، يعني إذا كان الواحد بحبو او ما بحبو، فينا ننكر نشاطو وذكائو. نشاط ودينمكية مميزة
  اليوم عم يتم بالشمال تطوق الوزير جبران باسيل، من قبل جعجع والكتائب وبطرس حرب والمردة والقومي…
  انا عم احكي صراحة، وبقصد تطويقو، يعني التحالفات ما رح تساعدو
  هيدا قانون بخلي داخل التيار وداخل العيلة، وداخل الحزب وداخل أي تكوين سياسي بالبلد، كل واحد يقول: اللهم نفسي
  كلوعَ السكين يا بطيخ.
  كلشي بحسابو والعدس بترابو..
• عكار
  في معركة كبيري بين الأحزاب وبين العيل،
  دولة الرئيس عصام فارس، هوي بدو يرشّح زوجتو في حال أراد ترشيح أحد
• زحلة
  ميريام سكاف مع مين بدها تتعامل. اللايحة مسكرة. كيف بدو يعطيها المستقبل، وعندو لايحتو مع التيار الوطني الحر والقوات اللبنانية
  المستقبل بكون مع الأحزاب او معا.
  الشيعة مع مين بدن يكونو.. الـ20 الف صوت لمين؟
  بالقطعة الانتخابات النيابية
  وعندك نواب التيار مين بدو يترشّح ومين ما بدو يترشّح، والصوت التفضيلي بقلب التيار في انتخابات نسبية..
  قانون الإنتخاب منو لصالح التيار، لو نعملت نسبية متل ما نعملت عَ أيام الوزير مروان شربل، بصوتين تفضيليين، كان افضل بكتير.. ساعتا بتريحي العالم. لأنو اليوم إذا واحد متضرر من نايب معين باللايحة، ما بينتخبا..
• الرشوة
  بقولو خفّت الرشوة. لاق غلي الصوت التفضيلي.
  ما بقا في الواحد يلقي ضهرو عَ عامود الكهربا، ويعرّ ويصرخ انو اجا وقت الغدا، عطوني مصاري.. منعرفن كيف بينتخبو بالضيع والمدن
  سنة 2009 مليار $ صُرفتْ..

تقاطعه سمر أبو خليل: مش تارك حدا من شرّك، يردّ:

• مين الو عليي
  انا عم احكي منطق. وقد جنت على نفسها مراكش
  كان في كلبة باليمن، وقبيلة بالمغرب (الها خبريتين)
  خلينا نحكي بالكلب أحسن، في وفا.. جنت على نفسها مراكش لأنو التيار جني عَ حالو، غلطة كبيري للتيار أنا ما بأيدو فيا
• منيحة للمسيحيين، بيوصلو بصوتن،
  بس مش منيحة للتيار الوطني الحر اللي ناضل في سبيل تحرير المسيحيين
  ما بعرف إذا كان حدا عم يستشيرو من جماعة الإحصاء الخ.. بكونو عم يغشوهم؟
  هيدا القانون كل واحد بشدّ صوت صدرو
• الشوف وعاليه
  اذا مختلف الحريري وجنبلاط، مشكل
  جنبلاد/ط متحالف مع القوات. وجعجع وعدوان بقولو الحزب الإشتراكي خط أحمر..

رصد Agoraleaks.com