الأب مجدي علاوي: مجيء امّ الكل رح تعطينا “Push” قوي، وشبْ مسلم ومسيحي قدمو مصريات شغل “ValetParking”حتى.. (Audio+Video)

– ما حدا فوق راسو خيمة، #محبة مش بحبّة
– صار في اتصال من القصر الجمهوري، ومن وزارة العدل، ووزير الإعلام وكل الوزارات، وشي رائع جداً عم يصير

مقتطف من حديث مؤسس جمعية “سعادة السما” الأب مجدي علاوي لقناة الـ”OTV” ضمن برنامج “أجندة اليوم”:

• ما حدا فوق راسو خيمة، لأنو عنجدّ دق ناقوس الخطر،
  لأنو نحنا بوضع كتير بخوّف، أخطر من الإنفجارات ومن الإرهاب ومن النووي
• الإنفجار مش قد انو مدمن بقلب البيت،
  من ورا اتصالات الأهالي، ومن ورا أمهات عم تقلنا “عملو معروف”، عمول لشي لإبني،
  ابني مش مقتنع، بالنسبة لالو سيغارة “الحشيشة” منا شي، وبقول ما بأدمن عليا، وما بتعملو شي
• أكترية ولادنا يللي هنّي بصفوف “البروفيه” والصفوف اللي ما فوق، مفتكرين أنو سيغارة “الحشيشة” متل ما كانو نحنا يقنعونا نحنا وصغار، إذا بتاكول زعتر عَ الريق بتجيب عَ المسابقة 20/20.. !!
• بالنسبة للشباب، الحشيشة بتبيعد عنون السرطان، وما بأدمن عليها،
  وهيي بتخليه يحفظ ويكون نشيط ويدرس، وبصير عندو ذكا الخ..
• عاطيين الشباب فكرة عن الحشيشة، فيها وهم،
  طبياً، سيغارة الحشيشة،
  – بتأدمّن عليا
  – بتضرب خلايا الدماغ
  – بصير عندي مرض bipolaire
  – وكترة استعمالا بصير عندي مرض اسمو انفصام بالشخصية، وهيدا الشي بياخود منك كل حقوقك المدنية
  اجمل شي عند الشبْ انو يتجوز، او يكون عندو دفتر سواقة، ببطّل عندو ياهن،
  وبدل ما يكفّي علمو ويتخصص، ويكون عندو مصاري بالبنك، ابداً بينحرم من كل هالإشيا..

• مفهوم شبيبتنا غلط، وعم يوهمو حالن، والخطر الأكبر بوجود مادة بالسوق عم تئذي،
  شبابنا عم ياخدوها، وما حدا بوقفن، لأنو ما في test لإلها، وما بتبيّن بأي فحص.. ويللا شبابنا ماشيين
• عند اقل دقيقة شبابنا، لأنو ما في أشغال، وما في دراسة، وما في حوار بالبيت، فشّة خلق يللا “حشيشة” متل الأرغيلة ماشية اليوم
• لاق “الحشيشة” منا فشة خلق، بتفوتك بـ”تونال” (Tunnel) ومش عارف لوين بتوصل،
  هيدا النفق اسمو نووي، ما بعرف ايمتى بينفجر فيي وبعيلتي،
  والعدد كبير، والأعمار صغيري، إحصاءات قوى الأمن الداخلي شي بخوّف
• نحنا اليوم الدولة الوحيدي، اللي ما بتخصص ميزانية لمكافحة المخدرات.
  حبيش ما عندن العتاد الكامل، وما عند العديد، ومشكورة قوى الأمن عم يكون في شهدا منا من ورا المخدرات..
• اليوم بدو يكون في حل جذري ع صعيد كل المسؤولين،
  مش بس الوزرا مسؤولين، والمدارس، الأهل مسؤولين، والمجتمع..
  الأهل بس يسهرو ولادن، ايدين عَ قلبن. وهلق إذا بروحو عَ الجامعة أو الـ”Mall” أيديهم ع قلبن تَ يرجعو عالبيت،
  ما منعرف شو عم يصير، مين بيعزمن عَ شي، ما عم نشوف شو كل يوم جرايم قتل…

• انا اليوم من خلال الـ”OTV” ووزير السياحة ووزير العدل بدعيهم انو كل دول العالم بتسكّر الـ”Pub” عَ الساعة 1 بعد نصف ليل، وبعد الساعة 12 بتخفّف موسيقى، نحنا بتبلّش 2 بعد نص ليل، لَ الساعة 7 الصبح حتى نرجع عَ بيوتنا
• إذا منشوف حوادث السير عَ وج الضو. كلها فيها قتل.
  إذا منشوف السرقة والإغتصابات، والتحشيش وتوزيع المخدرات عَ وجّ الضو..
  بنتي عمرا 15 سنة، بتفوت عَ Pub، بتقلي وين في رقابة؟  بالفعل في خطر نحنا عايشين فيه.
• المحلات الواقفي عَ الطرقات، قمنا “الأرمات” لأنو بيعملو حوادث، حطينا محلن “ناولني عَ الطرقات”،
  مين عم يراقبن، وشو عم يعطو ولادنا؟ القاصر بيقدر ياخود دخان. وكحول.

ورداً على سؤال حملة دعوة اللبنانيين لمساعدتهم في شراء أرض لإقامة مقرّ لمساعدة مرضى مدمني المخدرات، يقول:

• بلش مشروعنا من 9 سنين بخيمة،
  وهالخيمة شفي منا 6 أشخاص. واليوم صارو مسؤولين، وواحد منن اكليريكي.
  اليوم ليه ما بدنا نكفي بالمشروع ونكبرو
  اليوم عنا 280 شخص عَ لائحة الإنتظار.
  ونحنا 60 شخص بالمركز.. تنقدر نعمّر لازم تكون الأرض باسمنا، كرمال هيك مضطرين نشتري الأرض
  إذا كل 10 اشخاص بالشغل بالمدرسة بالجامعة، وكل واحد دفع 8 $ ، هل الـ80 $ قادرين في يشترو متر أرض ببيت سعادة السما، حتى نستملكا ونعمّر ونجيب اللازم عليا
• الأرض كبرا 47 الف متر. يعني بدنا 47 الف شخص يساهم.
  منا كتير صعبي ابداً. نحنا بأول نهار وصلنا لـ 1837 متر
• بخصوص التعمير، سبق وعمرنا إشيا، كمان هينة، ناس قدمّت ترابة، وناس قدمو حديد، وناس اشغالن، وايدين.
  اليوم الصعوبة هيي بالأرض، وما فيشي صعب عند ربنا.
  انا بلاقيها كتير هينة. نحنا عنا مهلة ل كانون الأول.

كيفية المساعدة

• فيون يتصلو على الأرقام التالية، ويتبرعو:
  – 78.998111
  – 78.998222
  – 78.998333
  – 78.998444
  – 78.998555
  وفي Donation Online بجمعية سعادة السما، وفي كمان
  sms على رقم 1123، فيك تساهم ب $ واحد، يمكن ناس ما بتقدر تساهم الاّ بدولار واحد، بارسال رسالة فارغة لجمعية سعادة السما

الناس طيبة

• من يومين، شفت شباب بيشتغلو “Valet Parking” كان عندي قداس، شبين مسلم ومسيحي بإحدى المطاعم اللبنانية،
  اللي طلعوهن خلال النهار اشترو فيون مترين ارض.
• في مدام ما عندا امكانية، عطيتني “اسوارتا” من ايدا، هيي ارملة.
  في عيلة عطيتني “القجة” تبعا، وفي ناس عم يعملو “Cake” ببيوتن تنبيعن، ونشتري متر ارض،
  والعالم من برات لبنان من اميركا أو كندا او استراليا أو السويد عم يتبرعو ومتعاطفين معنا، وبدن المركز يبقا، وعم يعلو المستحيل تتنشرى الأرض.

وماذا عن مساعدات الدولة، يقول الأب مجدي علاوي:

• فيشي كتير مميز رح يصير نهار الجمعة.
  من 9 سنين وناطرين الدولة تتحرك. في زيارة مميزة لالنا. ورح تعطينا Push قوية، وهني من الأول عم يتحركو

تسأله الإعلامية ريتا نصور، هل هي سيدة أو رجل، يردّ: هيّي سيدة، ام الكل (السيدة الأولى).. ويضيف:

• انا اليوم عندي تفاؤل، قبل كنت دايماً نقْ، وقول: لاق مافيشي رح يزبط،
  صار في اتصال من القصر الجمهوري، ومن وزارة العدل، وكل الوزارات، وشي رائع جداً عم يصير.
  الكل عم يسمعلنا، والكل اخدو افكارنا وكتبوهم، وفي اهتمام بالإحتياجات تبعنا
• عندي تفاؤل مميّز،
  أكيد عندي ايمان وامل ورجا بربي كتير، بس عَ الأرض ما كان عندي امل من شي اسمو رجال سياسة.
  السنة لاق. ووزير الإعلام أول من قال: بدي اعمل شي ثابت ضدّ المخدرات
• اكبر مركز بساع 60 شخص. ونسبة المتعاطيين والموقوفين بالسجون كتير كبيري،
  الحل مش بسجن المتعاطي،
  وحتى المروّج كان مدمن. تيجيب بضاعة سرق، بطل في يسرق. صار بدو يروّج، حتى يطلّع مصاري.
• وجع الإدمان ما بينوصف، حتى المدمن ما بيتمنى لعدو ياخدا.
  الله خلقنا منشبهو، ما خلق مدمن، وسارق، وقاتل.
  خلينا نعطيه فرصة، واليوم القانون تحدّث، بطّل صار مجرم، صار مريض، من هيك لازم نعطي فرصة
• الهاشتاغ تبعنا:
  #محبة مش بحبّة
  #بلاها، وبلا بلاها
  #ممنوعة لأنو ممنوعة

رصد Agoraleaks.com

https://www.youtube.com/watch?v=tBlqHU89C08