Agoraleaks Agoraleaks
– الحدّ الأدنى 600$ والشقة للشب 150-170 الف $.. لأيمتى؟؟؟
مقتطف من حديث النائب نبيل نقولا لقناة الـ”nbn”:
- من 20 سنة لليوم الحياة عم تغلا، والوضع الاقتصادي عم يتغيّر، وبعدا معاشات الناس هيّي ذاتا
- انا عملت إحصاء صغير، ورحت عَ “السوبر ماركت” قلت بدّي جرّب شوف كيف الإنسان يمكن يعيش؟
بلاقي شخصين وطفل ببيت، من دون المدرسة، واي شي تاني، بيطلع تقريباً بحاجة لحوالي مليون 850 الف ل ل، لحتى يأمن احتياجاتن،
بعد ما عم يضهر، ولا دفع مدرسة..
وبقولو حدّ الأدنى للأجور بلبنان 600 الف ل ل،
يعني شو عم نقلو للمواطن..!! - وإذا راح أي مواطن لَ يشتري شقة، اقلّ شقة بـ150 – 170 الف $،
وبيطلبو منو انو لازم يكون معاشو ب 2000 $ وما فوق، تَ يعطو قرض..
فيشي مش مزبوط، وانتا عم تقبض 600 $..
شو يعني، بدو يروح يسرق؟ - ما فينا نحنا النواب، نغمّض عيوننا، ونقول مش قاشعين شي.
انا إذا عندي قرابتي، جاري، رفيقي، عم يوقع بالهمشكلة هيدي، فينا نتجاهل الموضوع؟ - اليوم بعد التمديد للنواب 4 سنين
وتمديد 11 شهر زيادة، إذا ما بدنا نبرهن للناس، انو المشكلة ليست في الأشخاص، بقدر ما هي المشكلة بالنهج.. بكون في تفشيل للعهد، وتفشيل لحلم الناس - كلنا سوا بدنا نحط أيدينا ببعض،
لأنو العجنة هيدي لإقتصاد البلد ومستقبلو، مش واحد وحدو بيقدر يعملا
هذا وأكدّ نقولا أنّ إهتمام الرئيس عون اليوم منكبّ للوضع الإقتصادي أكثر من السياسة، لافتاً الى أنّ فخامة الرئيس يولي الأهمية القصوى لمحاربة المخدرات لأنها تفتك بالشباب.
رصد Agoraleaks.com
