بالكواليس الرئيس عون هدّد باسقاط النظام برمته.. فأجبر الجميع اقرار قانون الإنتخابات.. (تفاصيل هامة – Audio)

– عَ كل الزعما طير.. ما قادرين يتوقعو النتايج!!
– ما فيشي اسمو تحوّل جيني فوري، بنام “Cocon” وبيوعا فراشة

مقتطف من حديث مستشار رئيس الجمهورية العماد ميشال عون جان عزيز لقناة “الجديد”:

عن كيفية إقرار قانون الانتخابات

• في الوقائع هو مشروع العماد عون،
  بالتكتيك كيف وصلنالو؟
  كيف بالكواليس؟
• اللي بيعرفو بالسياسة، بيعرفو موقف رئيس الجمهورية، انو هوي من أنجز هذا القانون
• بالإذن من الإعتبارات اللي بتفرض ما احكي، كإعلامي، أقول:
  ب 20 ك 2 – 2017، صدر معلومات عن رئاسة الجمهورية، (وهيدا الدقيق) بس يطلع من رئاسة الجمهورية معلومات بتكون دقيقة، أمّا المصادر والدوائر كلها بتكون اجتهاد حتى ما نقول شي تاني.
  صدر انّو رئيس الجمهورية، لن يقبل:
  – لا بالستين
  – ولا بالتمديد
  هيدا الموقف شو معناتو، انو إذا حدا بدّو يصرّ على إنو يا تمديد، يا ستين، النظام كان كلو سيسقط.
  هذا الموقف أدّى الى ادراك قسم من اللبنانيين، انو ما فينا نلعب مع ميشال عون، بستين او تمديد.
  من ثم تطورت الأمور، طُرحت المشاريع، وصل للحظة صدر معلومات عن رئاسة الجمهورية (مش مصادر) بتقول:
  إنو إذا ما توصلتو لقانون قبل 20 حزيران، هناك مادتين بالدستور:
  25 – 74 بتفرض عليي اجراء الانتخابات وفق القانون النافذ..
  شو يعني؟ يعني الستين
  هذا الموقف، اقنع فريق وقسم آخر من اللبنانيين (السياسيين) إنو ما فينا نلعب مع ميشال عون، انو نفرض عليه اللي بدنا ياه..
• إطوووا وجمعو الموقفين عَ بعضن،
  موقف أقنع قسم،
  وموقف تاني أقنع قسم تاني، وصلنا لإقرار قانون جديد بدوائر 15، كما أراد ميشال عون من 5 سنين قبل.
• تهديد بسقوط الطائف،
  والتهديد بالعودة الى الستين.. بتحالفات التيار الخ..
  أجبرت على حصول الإجتماعات الليلية، وصدر القانون كما طرحه ميشال عون

• لو تركت العملية للطبقة السياسية الحالية، كانو مددوا لسنتين ولأربعة.
  شو بدنا نضحك عَ بعضنا.. ايه هيدي طبقة صرلا من 1927، أي من 91 سنة عالقد بتعمل قانون انتخابات يعطيها النتائج قبل الإقتراع
  ع الأقل من الستينأت، منروح لقانون انتخاب بيعطيكي نتايج اسماء 110 نواب سلف، وشي 10 للـ 18 بدك تتحزريهم
• اليوم عم نعمل قانون بقلك عن 10 معروفين، و118 نايب مجهولين،
  هيدا الأمر ما كان متروك لحسن سجية وبداهة ونيّة البعض.
  ايه حاولو يمرقو التمديد، شو نسينا انو بـ13 نيسان كان في جلسة لتمديد المجلس النيابي، ومع اقتراح قانون مفصّل..
• هلق متل على رؤوسهم الطير، كلن ساكتين مش عارفين أي نتيجة،
  لا بل اي مرشح يمكن ينجح من عندن، وبدن يروحو عَ انتخابات.
  بالنهاية بالمجتمعات البشرية، ما فيشي اسمو التحوّل الجيني الفوري، بنام “Cocon” (شرنقة) وبيوعا فراشة
  لاق، المجتمع بدّو وقت.
  ونحنا مجتمعنا بدّو وقت لَ يتطوّر، وهذا المسار بدأ، وأول خطوة فعلية فيه هذا القانون،
  متل ما سماه رئيس الجمهورية: هيدي أوّل ثورة بلا دم في المنطقة
  ثورة ستُغيّر النظام والطبقة السياسية في لبنان
• أيا فريق بلبنان قادر يتوقع من سيفوز بالإسم،
  زعماء الطوائف.. النائب جنبلاط هوي أكيد بيطلع نايب، هل بيقدر يتوقع مين الدرزي التاني؟
  مستحيل!
  سعد الحريري هوي اكيد نائب، هل بيقدر يتوقع السنّي التاني؟؟ مستحيل!
  الكل عارف، نعم هذا القانون، هو قانون متل ما قال رئيس الجمهورية، أوّل ربيع فعلي…

رصد Agoraleaks.com