Agoraleaks Agoraleaks
سيدة من يحشوش تشكر القديسة رفقا: صلا بسيطة، من دون ما نتفلسف بايماننا، “الله كريم”
ضمن النعم الذي يغدقها الله على الناس وعلى اللبنانيين.. قناة الـ”OTV” نقلت شهادة حيّة لسيدة من يحشوش، تقول:
بشهر شباط كان عندي وجع كتير قوي بمصاريني، طلب الحكيم اعمل ناضور. طلع في بكتيريا والكالسيوم عالي. عملت تخطيط للغدة، وطلع لازم اعمل عملية.
صليت كتير وببساطة، (وصراحة أمي يللي صلّت اكتر مني) بعد شهر قالتلي الحكيمة بدك تعملي عملية وما بتروح بالدوا.. صليت وجيت زرت القيدسة رفقا، وأخدت تراب من هون.
عدت الفحوصات، كانت النتيجة 11، وصارت 10… فقلت للحكيمة بدي أجّل العملية تيكونو خلصو ولادي من مدرستهم.
وبس خلّص ولادي فحوصاتن بعمل العملية.
وصرت راقب الكالسيوم، حتى ما يعمل مشاكل بالقلب.
بعد 3 اشهر، صار يطلع الفحص “Normal” وبالمختبر تفاجأوا.. رجعو عملو فحوصات جديدي وبعتوها عَ فرنسا، وكمان طلع “Normal“.
والحكما صارو يقولو شفيتي، وما منعرف كيف؟
تضيف السيدة من يحشوش: يكون عنا ايمان قوي، ربنا الباقي. بشفاعة القديسة رفقا شفيت.
بالنسبة لإلي، صلا بسيطة، من دون ما نتفلسف بايماننا، الله كريم
