كلمة صريحة لجماعة طلعت الريحة

– يا حبايب، يا حلوين.. مش فارقا معكن لا فساد ولا فاسدين. عاملين حالكن قديسين؟ (سمير مسرة)

يا جماعة طلعت ريحتكن، انا جايي اليوم قلكن، انو الشعب اللبناني الواعي، قادر يكشف حجم الاعيبكن، لانو شايف بيعينو مستوى انحداركن.

كان فكركن، انو اشاعة القصة المغلوطة للمليارات المهدورة بالقصر، رح تمرق علينا وتصب لمصلحتكن. ولكن سريعاً ما انفضحت نيتكن، وزادت نقمة الاوادم عليكن. قبل ما تستعملو لسانكن، لتشويه صورة العهد الجديد، يللي بمثل ناس معروفين بنظافة كفن وصلابة ارادتن، تفضلو تتطلعو على حالكن، وشوفو حردبتكن، وقديش انتو غاطسين بكذبكن.

يا حبايب، يا حلوين. نحنا منعرف الكتار منكن من اي جهات واحزاب جايين، ومنعرف كمان وين كنتو مخبايين، وقت ما كنا عايزين مواقف شجاعة بوجه المحتلين. كنتو من دون شك، من فرقة المطبلين والمزمرين، مش فارقا معكن لا فساد ولا فاسدين.

بدكن هلق تطحشو علينا، وعاملين حالكن قديسين؟

ولو، حلكن تستحو، وابسط الايمان انو تحترمو عقول الآخرين.

بكل صراحة، صديقكن سمير مسره الامين.