Agoraleaks Agoraleaks
– دور الإعلامي يكون نصير الحق مش نصير مشروع سياسي أو تيار
رئيس التيار الوطني الحرّ جبران باسيل في عيد “صوت المدى”:
- بمناسبة عيد صوت المدى، بستفيد منّا تهنّيون وعيّدن لكل العاملين بالإذاعة،
يللي عم تحملنا صوتنا وهمومنا وهموم الناس، وآمالن - من خلالا منتوجّه لكل الإعلام، ولكل اللبنانيين،
ونتمنى يكون الإعلام حامل رسالة الصح، وحامل الحقيقة - نحنا اليوم أكتر شي عم نتعرضلو بلبنان، هوي تشويه الحقيقة،
والكذب، والتشويه اللي ما بيخدم قضية، وما بيخدم مصلحة البلد،
ولا بيبني مؤسسات ولا دولة ولا بأمّن حاجات الناس - كبّ الكذب، والمسّ بكرامات الناس على أمور مختلقة، ما في منّا شي من الحقيقة، ولا الها أساس، ولا الها صحّة،
واحد بيتهّم التاني بعمولة على شغلة بعد ما صارت، بالنيّة انو بدها تصير بعد سنتين،
هيدا شو بيعمل عملياً، بوقّف المشروع، وبأخّر الشغل.. - نحنا بمسيرتنا بدنا ننجز، ونحقق شي للبنانيين،
ما عم نتواجه الاّ بالكذب والتشويه عبر الإعلام، تيوقفولنا الأمل
كل المطلوب انو يكفي الفساد، ويوقف الشغل الصحّ،
- هيدي مناسبة ليكون الإعلام نصيرنا، نصير الحق، ونصير الحقيقة،
مش نصير تيار سياسي، ولا نصير مشروع معيّن، نصير انو يكون في بلبنان كهربا، ويصير في ماي، ويصير في دولة،
ويصير حقيقة يحارب الفاسد - مش معقول الفاسد يصير متلطّى ورا الإعلام تيكذب ويتهّم الآدمي،
مش معقول يقبلو الإعلاميين بلبنان، تصير هيدي مهمة الإعلام - انا اكيد انو هني صوت الحقيقة، وصوت الحق،
وصوتن رح يغلب، ورح ننتصر نحنا وياهن للحقيقة وللحق
رصد Agoraleaks.com
