Agoraleaks Agoraleaks
بتقول خبرية اليوم، انو رجال ضاع فترة طويلي بصحرا خالية من أي حياة،
- من بعد وحدة وعذاب،
وجد نفسو قدام شجرة وأغصانا ممدودة، وفي فيْ على الأرض - طلّع فيها بلوم وعتب،
ولو وين كنتي كل هالوقت،
جاوبت: انا ما تحركت من مطرحي،
انتا وين كنت
سؤال بيتبادر لذهننا، كل ما حسينا لحالنا وحدنا،
يا رب وينك؟
- الرب موجود باقي عَ الوعد.. أمين لكلمتو،
انما ما نحنا اللي منكون ضايعين، عم نفتش غلط بالمكان الغلط.. - في شي مرّة فتشنا عن الرب بقلب المحبة والخدمة، وما لقيناه،
- في شي مرة فتشنا على الله بقلب العطاء والمشاركة، وما لقيناه،
- في شي مرة فتشنا على التسامح والغفران، وما لقيناه…
الزوادة اليوم
- بتطرح علينا سؤال:
بتدعينا نطرحو عَ ذواتنا، وبضمير ولو مرة بالنهار،
قولكم إذا الرب عازنا لخدمة أو لعطاء أو غفران ، وفتّش علينا،
بتفتكرو رح يلاقينا
المصدر: صوت المحبة
