Agoraleaks Agoraleaks
– التحدّي عم يجي من جهة وحدي
مقتطف من حديث النائب نبيل نقولا لقناة “الجديد”:
- ما بعرف إذا كان كلام الرئيس نبيه بري مبارح كلام دستوري قانوني،
أم كلام سياسي، لأنو الدستور واضح - المنطق صريح، لما رئيس الجمهورية بعطّل مجلس النواب لمدة شهر،
مش معناتا هيدا الشهر بيرجع ياخدو مرّة تانية - ساعة بدّو بعد إنتهاء الدورة العادية، بيقدر يطلب دورة استثنائية،
بحددلا وقتا، والأمور التي ستُبحث فيا - انا بعتبر الرئيس عون لا يدعو الى دورة استثنائية، بانتظار انو تستكمل الاتصالات اللي عم تصير، بشكل انو ما نكون عملنا دعسة ناقصة،
يللي وقّف عمل مجلس النواب لمدة شهر، ما بدّو يعمل دعسة ناقصة اليوم ويرجع يقوم بدورة استثنائية، وما توصل لشي،
وهيدا الشي هوّي حثّ لجميع القوى حتى ما يتركو أي ثغرات بأي قانون إنتخابي بدّو يصدر
ما الهدف من البعد السياسي، ماذا يريد بري؟
- ليقول أنا هون،
لأنو هوي عم يعتبر حالو، انو بالقوانين اللي عم تصير ما حدا عم يستشيرو - هوي بيعتبر انو عم تصير اتفاقات جانبية، وعم يفرضوها عليه فرض
- نحنا منعرف الرئيس بري، إذا ما ضهر الموضوع من عندو شخصياً،
بيعتبر حالو انو بمنأى عن كل هالأمور كلا سوا - انا بقول انو شكليات اكتر من هيي أمور اساسية
- الوعي عند الجميع، رح يكون الكفّة الراجحة،
وبالنهاية الدستور سينتصر، وصلاحيات رئيس الجمهورية ستنتصر،
وكل هالشكليات، تعودنا عليا بلبنان، وبآخر ربع ساعة هالأمور بتنتفي،
وكل انسان بياخود حقو، ومنو مقبول حدا ياخود صلاحيات التاني،
وبعتقد بعبدا لتاريخ هيدي الساعة ما عم تحكي، وما عم تتحدّى، التحدّي عم يجي من جهة وحدي،
طالما التحدي عم يجي من جهة وحدي، يعني الإحتكام سيكون للدستور بالنهاية
رصد Agoraleaks.com
