كريم بقردوني: في اتفاق بين حزب الله وسورية وفي حشد.. بالجنوب وبالبقاع (Audio)

– كيف ما برمتا بالقانون تحالف التيار – القوات نتايجو متل حزب الله – أمل
– بعهد عون صعبي تبقا الطبقة السياسية متل ما هيي
– عن الحريري والدور المسيحي والمنطقة وإسرائيل (التفاصيل)

مقتطف من حديث الوزير السابق كريم بقردوني لقناة الـ”OTV” ضمن برنامج “بلا حصانة”:

• بعهد متل عهد الرئيس عون، صعبي تبقا الطبقة السياسية متل ما هيي،
  ميشال عون نوعاً ما بمثّل بمسارو السياسي، نتعة الإصلاحية تجديدية، وهيّي طبيعتو،
  هلق بيتقبل المسائل، وبحاول انو يستوعب قدر الإمكان
• التغيير من فوق مش من تحت بصير بلبنان، أو من الخارج،
  ما زبطت ولا مرة التغيير من تحت،
  الحركات اللي منعرفن اليسارية والشيوعية، وكانت قوية جدأً ما نجحت،
  يللي هلق نحنا منسمّي “مجتمع مدني” قبل كان في يسار ويمين…
  ما قدرو غيرو بالنظام شيء، لا بل النظام ابتلعهم، من حركة امل وجرّ..
• التغيير بدّو يجي من فوق، ورهاني عَ ميشال عون

عن الحريري

• بس قرّر يدعم العماد عون رئيساً للجمهورية،
  نقل لبنان من مرحلة الشغور، وهيدا برأيي عمل شجاع، وعمل وطني، ولصالح لبنان
• الخطوة اللي اقدم عليا بوصول الرئيس القوي، بدها كان شجاعة،
  ومش هيني بهيك جو سنّي، وبهيك جوّ داعشي
• كمان بدّو يرجع عَ لبنان، وما بيقدر الاّ ما يكون رئيس حكومة،
  وبالتالي كان المسلك الصعب تبعو.. فأخد هيدا المسلك ونجح،
  بهالحركة ثبّت انو عقلو السياسي جيّد

عن قانون الإنتخاب

• بتصّور افضل شي تتقسّم كل محافظة لثلاث، ونعمل 15 دايرة،
  التحالف الحاصل بين القوات والتيار الوطني الحر يشبه الى حدّ كبير من ناحية نتائجو الانتخابية الوضع الشيعي،
  كيف ما برمتا بالقانون، الثنائي المسيحي قوة كبيري صعبي تتخطاهمنمتل عند الشيعة

الدور المسيحي

• أهمية المسيحي هوي انتشارو ونقطة ضعفو بذات الوقت،
  لأنن منتشرين بكل القضية، وعَ كل الأراضي اللبنانية، في حين الدروز متموضعين، والسنة متموضعين بالمدن، والشيعة متموضعين
• الإنتشار المسيحي عامل أهمية لبنان، واهمية المسيحيين فيه، وبذات الوقت هيي نقطة ضعفن
• على المسيحيين انو ينقلو: انو الهم دور كبير ولو خفّ عددن، أو نقص، أو هاجر
  1) دور المسيحي دور لبناني
  2) لازم يكونو تقدميين فيما يتعلق بالإصلاحات، ومكافحة الفساد وبناء دولة قوية، ويكونو قدوة
  3) للمسحيين بلبنان دور أوسع على صعيد المنطقة، لأنو الموضوع المسيحي بات موضوعاً إقليمياً
  لبنان لازم يكون هذا الوطن المشرقي، والمسيحيين لازم يكونو على رأس هذه المشرقية
  وهذا الدور بخلّي المسيحيين يكون الهم موقعهم ل 20 – 30 – 40 سنة القادمة من دون نقاش
• المسيحيين ارتاحو من الموضوع الإسرائيلي،
  النموذج اللي بقول بدنا نعمل متل اسرائيل، او نكون إسرائيل مسيحية سقط،
  تبيّن بالعكس انو اسرائيل عندا ورطة. ما عم تقدر تكون يهودية، وعم تسقط
• الطائف عاطينا الحل المرحلي، وانو ننتقل من قانون المجلس الى قانون المجلسين
  مجلس دون قيد طائفي (مجلس نواب) ومجلس طائفي (ممثل للطوائف) لَ يحافظ على التوازن ما بين الوطنية والطائفية
• المسيحيين اليوم أمام خيار:
  – داعش
  – حركة سنية وطنية، اسما الحريري او يللي بتريدو
  فمن دون تردد خيارنا مع الحركة السنية الوطنية،
  لأنو في مشكلة عند المسلمين، ولازم نساند المسلم المعتدل، ضدّ ذاك المسلم “لا منعرف من وين جايي، ولا وين منروح معو” غير انو بيدبحْ

المنطقة عَ صورة لبنان

•  بيّن في حروب اديان كبيري،
  ما كنت متوقع بالعراق او سوريا، تكون هيدي الحدّة
• بقدر ما المنطقة بتصير باتجاه الإعتراف بالآخر، ويقدرو يحكمو معاً،
  بقدر ما نحنا منصير نموذج جيّد لهذا المشترك وان كان صعب
• الشراكة بالفعل مش هينة، للكل هواجسن، وفي شعور بالغبن وبالخوف
  التغيير داخل الكيانات القائمة لا تخيفنا، ولكن الخوف التغيير بالكيانات،
  تغيير الأنطمة شيء جيّد، ام ان تنقسم الدول، ليصبح يوجد دولة شيعية بمعزل عن العراق، ودولة كردية.. امر غير جيّد

إسرائيل

• أخشى من تدخل على الخط، لتوجيه ضربة في سورية
  سورية هدف كبير، ووراها ايران الهدف التاني،
  والأمرين بشكلو خطر علينا داخلي:
  ما فيك تضرب ايران، وما تعمل حساب شو بدو يعمل حزب الله،
  وما فيك تضرب سورية، وما تعمل حساب شو بدو يعمل الحكم اللبناني
• لبنان رايح باتجاه جيّد، بعد ما بيّن هذا الشيء،
  يمكن الانتخابات بدها تفرزو، ولكن خطر إسرائيل تغدرنا موجود،
  الداخل اللبناني بيرجع يترتّب

اتفاق حزب الله وسورية

• في اتفاق بين حزب الله وسورية، وهيدي بعض المعلومات،
  انو بدن ينقلو مراكزن للداخل اكتر،
  وفي نقطة تانية والأهمّ برأيي:
  إعادة تمركز حزب الله، جزء منو هوّي تمركز مجددا في جنوب لبنان والبقاع
• بفهم عليه للسيّد نصرالله،
  ما بدّو يخوّف حدا، وبدّو يطمّن،
  ميشان هيك إعادة التموضع حول سورية، ولكن في إعادة حشد جنوباً وبقاعاً

عن عدد السوريين بلبنان

• بالمدارس الرسمية في 230 الف سوري، وفي 200 الف لبناني
• الولادات السورية هذا العام تتخطى الولادات اللبنانية
• يجب ان تقرر الحكومة انو تحكي مع الحكومة السورية،
  بدها تنسيق لنقل السوريين لمناطق آمنة، وإعطاء ضمانات ومساعدات

مشروع كتاب عن الرئيس عون

• كان مشروع الكتاب قائم،
  ولكن مع انتخابه رئيس، بدنا نعمل الكتاب عن عهدو مش عن انتخابو
• اجلّت هيدا الكتاب تنعمل كتاب كامل عن عهدو وعن ما قبل عهدو
• الرئيس عون يشكّل فرصة قد تكون وحدي من الفرص الأخيرة،
  ميشان ننقل لبنان من حالة التخلّف الى حالة الترقّي، ورئيس جمهورية اسما ميشال عون بيقدر يعمل كتير كتير

رصد Agoraleaks.com