بيار رفول: فرنجية قال ما منمثّل حدا بزغرتا، هوي ليه خايف؟ (Audio)

– دلوني لمطرح تصرّف واحد منا طائفياً؟
– علاقتنا مع حزب الله باطون مسلّح.. ومع القوات والمستقبل..
– عن العفو والعلاقة مع ميشال معوض، والعلاقة مع بري وجنبلاط (التفاصيل)

مقتطف من حديث الوزير بيار رفول لقناة الـ”OTV”:

عن الكهرباء

• صرلنا 20 سنة مناخود كهربا من سورية،
  اليوم عم نشتري كهربا، مش عم نستأجر بواخر، وين ما توقف الباخرة توقف،
  عم ناخد الكيلوواط/ ساعة بـ11 سنت، عم نوفّر عَ الدولة،
  الدولة تنتجه 14,49 سنت.. وعم نعطيها للناس بـ8 سنت
• ببند البواخر، في بند محطوط من وزيرالطاقة بوقتا (الوزير باسيل) للأتراك،
  روح سماع الشركتين الأتراك شو بقولو: نتفنا، ما في اصعب منو التفاوض معو
  هني عم يخبرو مش نحنا
• نحنا ما منعمل شي غير شفاف متلنا، مشكلتنا اللي منفكّر فيه منحكي ومنكتبو،
  الناس مشيتْ معنا من 1988 لليوم، لأنو صادقين معن

عن الفساد

• في مافيا بالبلد، من سنة 1991، ما بدها ناس نضاف يفوتو عَ الدولة،
  يا بتكون جزء من الفساد معن، يا انو ما رح يخلو ستر مغطّى عليك،
  بس اللي عم يحكوه، بروح التلج وببيّن المرج، وببيّن مين الحراميي، ورح نكشفن واحد ورا التاني،
  كل ملف بس يُستكمل رح ينطرح عَ القضاء
• جوقة الإعلام اللي عم تلعب هيدي اللعبة، بدهاتدفع الثمن،
  ما بقا حدا يصدقا. شوف الإعلام بأميركا ما قدر عمل شي، بين ترامب وكلينتون
• ما حدا بيطلّع عَ المراية، وبشوف حالو،
  ما في حدا يزوّر الحقيقة، الرأي العام اللبناني، صار ناضج
• ليه مقصرين بالتيار أو التكتّل، من واجبن يطلعو يحكي، ويدافعو ويوضحو للناس
  بس خلّي حدا يجبلنا ممسك

رداً عَ سؤال تهجمات الوزير فرنجية على الرئيس عون والتيار الوطني الحر والوزير باسيل، وقوله:
– ما بدي رئيس مسيحي قوي يربح المسيحيين ويخسر المسلمين (كلام الناس LBC)
– تحصيل حقوق المسيحيين شعار يُخسّر المسيحيين
– بايام الرئيس الهراوي ما كان يمرق شي دعوات الاّ ما يكون موافق عليا، وعاش الرئيس القوي (تويتر) عاشت السعودية

• فرنجية يقول: انوالجنرال غدّار وبيطعن بالضهر،
  بدّي قلو: ما دام كنت عارف الجنرال غدار وبيطعن بالضهر، ليش قبلتْ تمشي معو هالمدّة!
• بالـ2005، وقت كل حلفائك تركوك، نحنا وقفنا حدّك، مش تنربحك جميلة
  لأنو نحنا كنا بدنا نفتح عَ كل اللبنانيين،
  للجنرال عون بينقال طائفي!
  بتسأل عن العماد عون الجيش اللبناني،
  روحو سألو عنو الشعب اللبناني بالجنوب كيف كان، ووين عاش، وبأيا محيط عاش؟
• الجنرال عون ايه رئيس قوي بامتياز،
  لأنو عم يعيد الميثاقية، مش عم يحصّل حقوق المسيحيين،
  لما استشهد الرئيس الحريري نحنا اول ناس نزلنا عَ الطرقات، وقلنا هيدي خسارة وطنية، مع انو كنا مختلفين معو بالسياسة
  ولما طلع التيار من الساحة، ما عاد حدا ينزل، لأنو صارو يتعاملو مع الحريري بالمصاري،
  صار إذا بدّو ينزل الواحد، بدّو يدفعلن مصاري..
• لما وقفنا مع المقاومة بحرب تموز، كنا طائفيين!
  كنا مع الشيعة ضدّ السنّة!
• دلوني لمطرح تصرّف واحد منا طائفياً؟
  انتو قلتو بدكم تعيدو التوازن لبنان. ليه ما عملتو الميثاقية لما كنتو موجودين؟
  بوقتا، كان كل واحد عم يفتّش ع كرستو، وكل واحد عم يستجدي كرستو
• بدنا نعمل الميثاقية وبدنا نعمل تغيير

رداً على سؤال إن كان الوزير رفول مرشحاً عن التيار في قضاء زغرتا!

• فرنجية قال: انو نحنا ما منمثّل حدا،
  وكل جماعتو اللي طلعو عَ التلفزيون
• انا طالع لنجمّع هالشباب، ونقدر نعمل حالة بزغرتا، وهيدا حقنا،
  إذا نحنا ما منمثّل حدا، ليه خايف منا
• المحافظات إذا بدك تقسمون لتنين، المنطق بقول:
  جبل لبنان:
  1) جبيل – كسروان – المتن
  2) بعبدا – عاليه – الشوف
  الشمال:
  1) طرابلس – المنيه – الضنية
  2) البترون – الكورة – زغرتا – بشري
  نحنا ما طرحناه هيدا الإقتراح، بس نحنا عم نقول انو بدو يكون في معيار واحد،
  كيف بدنا نلغي فرنجية، ما نحنا ما منمثّل حدا بزغرتا،
  وتاني شي عم يقول عندو بالأربع أقضية اكتر منا، كيف بدنا نلغي

ميشال معوض

• ميشال معوض قال انو رح يكون مع العهد، وانو مع المصالحة المسيحية،
  ونحنا كنا مع التوافق بزغرتا، وكان عم يصير توافق،
  طلع فرنجية وقال: إذا منو معي، ما بقبل فيه،
  كيف بتقبل ببطرس حرب حليفك، وما بتقبل بميشال معوض تيكون حليفك بزغرتا
• بخصوص نزولي على الإنتخابات، ما فيشي جدّي

حزب الله

• العلاقة مع حزب الله متل ما قال فخامة الرئيس “باطون مسلّح”،
  واللي مش عاجبو يدقّ راسو بالباطون، تنشوف إذا في يكسرو
• ايه في حملة لخلق تباعد بيننا وبين حزب الله،
  متل مافي حملة انو ممنوع تتفق مع الرئيس سعد الحريري،
  متل ما في حملة انو ما لازم تتفق مع القوات اللبنانية
• الحريري عام 2008، قال: عرضنا عَ العماد عون انو يكون رئيس للجمهورية، بس يقطع علاقتو مع حزب الله،
  شو كان جواب العماد عون: انا ما بقطع علاقتي مع أي مكوّن لبناني لأصل لمنصب
• نحنا صلبين مع حزب الله،
  وبدنا نكون صلبين مع تيار المستقبل،
  وبدنا نكون صلبين مع القوات،
  ومع وليد جنبلاط، إذا بحبّ نتفاهم،
  وبدنا نكون صلبين مع بري، إذا هوي بحبّ نتفاهم نحنا وياه

بري

• من سنة 2006، بقول ليه ما منعمل نحنا وياكم اتفاق، قلنالو: كتبو تَ نمضي،
  قال لاق انتو كتبو:
  كتبنا وقدمّنا، سمينا اتفاق “الصدر”، يجاوبنااااا
• مع جنبلاط في اجتماعات منيحة، بس بعد ما توصلنا لتفاهم
• مع الكتائب أوقات بتقرّب،
  أوقات بترجع
• نحنا مصرين عَ التفاهم مع كل مكونات الوطن، بدنا نبني وطن، ما بدنا نبني ثروة

عن الوزير علي حسن خليل الذي أوقف مخصصات مالية للقوى الأمنية

• وين بتنعمل هيدي،
  انا إذا مختلف مع رئيس جهاز بقطع عنو المال
• شخص مسؤول عن المال، أو الدولة،
  هيدي الأجهزة بتشتغل لأشخاص أو لمؤسسات
• ما فينا نكفّي هيك؟ الجهاز الأمني جهاز شأن عام

العفو

• كل شخص اعتدى ع الجيش، او ينتمي الى الإرهاب ما بيطلع من السجن وأنا مسؤول عن كلامي
• في قصة غير متورطين بأعمال إرهابية، وف يكثيرين ضحايا وشايات هودي عم ينبحث فيون

رصد Agoraleaks.com