Agoraleaks Agoraleaks
– نسبية مع ضوابط لتصحيح التمثيل وحماية المكونات ببلد تعددي ..
مقتطف من حديث رئيس تكتّل التغيير والإصلاح جبران باسيل إثر اجتماع التكتّل: (جزء 1)
قانون الإنتخاب
- منأكّد انو هدفنا من القانون هوي التصحيح التمثيل،
لما منقول للبنانيين تصحيح التمثيل، عن مين هيدي الحزورة؟
مين اللي في اجحاف بتمثيلو؟ - اذا رحت تتصحّح وتشيل الظلم عن شخص، أو عن فئة، بتكون عنصري!
أو بتكون واقف مع المظلوم، واقف مع الحق؟ - هون في ظلم واقع بفئة من اللبنانيين، مساقبة بهيدا الموقع هني المسيحيين،
عم نصحّح تمثيل المسيحيين بالنظام، وبمجلس النواب، هيدا اسمو ميثاقية، ما اسمو طائفية،
لما بتكون بنظام سياسي في بلد متعدّد، متل لبنان، وموزعين المكونات فيه عَ مساحة الوطن،
بدك تعمل قانون لتعطيهم صحّة تمثيل، بدّك تتوجّه لهيدي المجموعات.. بدّك تخصصلا بقواعد وبمعايير، - متل ما يطلب الحزب التقدمي الإشتراكي عن صحّ أو غلط، انو الشوف وعاليه يكونو دايرة وحدي،
لما بطالبو بهيدا الشي، مش لخصوصية الدروز بالجبل، هيدي طائفية أو مش طائفية، أو علمنة؟ - لما بتجي طائفة تانية، السنّة أو الشيعة بقولو، نحنا ما منقبل بهيدا القانون لأنو ما بيعطينا نوابنا كاملين، هيدا شو بكون؟
- التوجه للخصوصيات وللمكونات بهيدا البلد، بيستوجب نحطّ شي سمّاه فخامة الرئيس “نسبية مع ضوابط”،
هيدي الضوابط هيّي: تأهيلي، هيي مجلس الشيوخ..
وقلنا مجلس الشيوخ فرصة تاريخية، حرام نفوتها، انّو نعمل فشخة كبيري بنظامنا السياسي،
منروح نطمّن الطوائف بمجلس شيوخ منتخب عَ أساس القانون الأرثوذكسي، منثبّت المناصفة بمجلس النواب والشيوخ،
ومنروح بنسبية كاملة بمجلس النواب.. ومنسير باللعبة الوطنية بمعناها اليومي، ومنترك لمجلس الشيوخ اللعبة الكيانية، بمعناها التطميني لكل المكونات - منتأسف انو نكون عرفنا تمّ اسقاط فكرة انشاء مجلس شيوخ، وتبلغنا انها اجهضت،
لأنو يبدو نحطّ فيها اشيا غير محسوبة، وغير معدّ لالها - كمان منكون رُوَحْنا فرصة توافق، ما بعرف لصالح مين؟
خصوصاً لما ما بكون عنّا أي بديل،
وبظلّ رفضنا نحنا للتمديد، وللستين وللفراغ، ورفض اللبنانيين لهيدا الشي - اليوم ما بقا شي متفقين عليه، الاّ إذا رجعنا لطلبنا الأساسي، الأرثوذكسي، والسيد حسن أكّد انّو مع الإرثوذكسي، للأسف تيار المستقبل مش معو، معناتا ما عندو الحظوظ الكاملة،
التأهيلي، بيجي من بعدو، حزب الله وتيار المستقبل والتيار الوطني الحر، مأكدين موافقتن عليه،
أطراف تانية مأكدي عدم ممانعتا لإلو، وبالتالي هيدا الشي اليوم متوفّر بين ايدينا، ويللي عندو اكترية ميثاقية وعددية - لكان توفّر شي تاني هوي اللي بكون بين ايدينا،
أي شي تاني بيتأمّن بالمعايير اللي عم نحكي فيها، لأنو ما بدنا قانون العدّ،
اتفقنا انّو بدنا نوقف العدّ،
بدنا نعمل قانون المعيار فيه مش العداد، المعيار فيه هوي للخصوصيات والميثاقية والديمقراطية التوافقية باحترام المكونات اللبنانية،
أو المواطنة الكاملة، ونحنا حاضرين الها
رصد Agoraleaks.com
