Agoraleaks Agoraleaks
دقيقة “سمط” مع جيسكار لحود عَ إذاعة “صوت المدى”:
- مش كتير بفاجئني، انّو القوى السياسية المعفنّة من ورا الفساد،
واللي فاتحا مدارس وجامعات بتخرّج فاسدين،
تحاول هلق، تتهّم التيار الوطني الحرّ بالفساد
خليني خبركم كيف بتصير الشغلة:
- أحزاب سياسية معظما “جربانة”،
مسَفلسة من كترة القرفْ اللي عاملتو،
بطبيعة الحال، رح يزعجا النضيف، رح تغار منّو - وبما انّو في استحالة ترجع نضيفي،
تماماً متل استحالة “القرط” الفاسدة بلبنان تبطّل فاسدة
شو بيعملو؟؟
- بروحو يتهمو اللي ماشي “صح” انو متلن،
هيدي طبيعية - أصلاً بس هودي يلمحو، تلميح عَ التيار الوطني الحرّ،
هيدا بيعني انو التيار نضيف - يكفي التيار الوطني الحر شرفاً،
انو مش متلكم،
ومش منكم،
ومش معكم
حظو المرتّْ انو موجود بيناتكم،
ومضطرّ يتعاطى معكم، متل اللي مضطرّ يحطّ كمامة عَ مناخيرو، ويفوت ينضّف “المجارير”
إذا فكرن البعض يشوهّو السمعة كرمال كم صوت زيادة بالإنتخابات،
ايه بكرا منشوف يا حراميي..
- عملو قانون منيح ولاقونا على الإنتخابات
- هلق اللي بصراحة بفاجئني،
ليه كتار من وزرا ونواب التيار الوطني الحرّ ساكتين؟؟
وردّة فعلن، هيك مش ولا بدّ،
الشغل بهيك بيئة يا أعزائي، بدّو وحوش كاسرة، تحكي وتعلّي صوتا،
وتفعلْ وترجفن قصب.. - شو قصتكم، وينكم مش عم نسمعكم؟؟
ما بكفي بين هالقرط، تعمل شغلك صح،
بدّك كوزير، ونايب تهاجم تجّار الهيكل، وتسفّق فيون.. - ما تزعلو مني،
في كتار منكم رغم نضافة كفّن، وكفائتن، مش عاجبيني،
عم يشتغلوها عَ الرايق، ما بضايق - هيك ما بيمشي الحال، شدّو حالكم، والراحة بالصراحة..
المصدر: صوت المدى
رصد Agoraleaks
