Agoraleaks Agoraleaks
– نحنا اليوم عم نواجه نظام اقطاع سياسي خدمات بعد ما كان اقطاع أرض
مقتطف من حديث الرئيس ميشال عون خلال استقباله وفد من فعاليات قرى وبلدات قضاء المتن، يضمّ رؤساء بلديات ومخاتير:
- نحنا بدنا نعوّد شعبنا حتى يكون حرّ،
المواطن الو حق بالخدمة، ان صوتلنا أو ما صوتلنا،
أو ما منكون نحنا عم نربّي مجتمع حر ومتساوي
- الانتخابات بتعطينا الحق ندير شؤون البلاد،
بس ما بتعطينا حق نحرم الناس من حقوقا
- هيدي الكيدية والإنتقام بالسياسة بدنا نخلص منا،
نحنا مجتمع بدّو يتطور
- نحنا اليوم عم نواجه نظام اقطاع سياسي خدمات بعد ما كان اقطاع أرض،
حيث المواطن صار رهينة الخوف والحاجة،
وإذا حدا قدملو خدمة بصير بدو ياها بالإنتخابات
- ليش المجتمع الفرنساوي ما بيتخانق مع الفرنساوي بالإنتخابات؟
لأنو ديمقراطيتو بتحفظلو حقوقو،
لأنو هالآخر اللي ربح بالإنتخابات ما جايي يحرمو من حقو،
والمجتمع بيتضامن معو، مع الصغير إذا كان في تجنّي عليه من الكبير
- بكون وزير بيغلط غلطة، بيستقيل وبروح على المحاكمة، وحزبو اول واحد بقلّو استقيل وروح على المحاكمة،
نحنا هون بشكلو أكترية بالمنيح وبالوحيش، ابداً بيبقو متكتلين..
مش متكتلين حول مبادئ..
متكتلين حول مصالح وتقاسم
رصد Agoraleaks.com
