باسيل من الحدت: متل ما البعض بينتظرو المسيح او المهدي المنتظر، نحنا بانتظار لبنان الجديد عبر قانون انتخابات جديد(Audio)

– رئيس التيار يتحدث عن رفض لإغراءات (نفطية) للتخلي عن الحقوق 

مقتطف من حديث رئيس التيار الوطني الحر، في حفل تدشين شارح الرئيس ميشال عون في بلدة الحدت وتكريس سيدة الحدت:

• الحدت بتمثّل الوحدة ضمن التنوع، وهيدا عنوان نصب السيدة عذراء
• يللي عم تقوم فيه بلدة الحدت، بموضوع النازحين السوريين هوي متل لازم يتقيدو فيه،  ويتمتلو كل بلديات لبنان
• متل ما الرئيس عون بميل للحق،
  متل ما نحنا منتطرف باتجاه الحقيقة،
  نحنا اليوم المتطرفين بالمطالبة بحقوق الناس بتمثيلن
• الحدت هيّي مفتولة ومفتونة بوطنيتا وصمودا، ومقاومتا وبوقوفا الى جانب الحق،
  بقول باسم الرئيس بما يُمثّل وباسم من نمثّل: نحنا ما وصلنا الى رئاسة الجمهورية لحتى نخلّ بأمانة الشهدا
• نحنا ما وصلنا الى رئاسة الجمهورية، لنبيع الناس بتمثيلن وبحقوقن،
  ومنعتبر انو التخلّي بقانون الإنتخاب هوي التخلّي عن دماء شهدائنا وشهداء الحدت
• رح نقوم بكل ما يلزم لكي نحقّق الهدف،
  يللي هوي حسن تمثيل لكل اللبنانيين
  
• رح نعاند حتى النهاية، ورح ننفتح على الجميع، لنستوعب الجميع لأنو بدنا قانون يستوعبنا ويستوعب كل اللبنانيين
• رح نحاور طالما في مكان للحوار،
  رح نبادر حتى النهاية، ومنبادر بصمت، أو منبادر بالظل..
  المهم نضلّ نتحرّك، حتى نوصل للقانون المنشود
• رح ننطر ليوم الإنتظار، متل ما بقولو اخواننا، رح ننطر ليوم الدين لكان اجانا القانون،
  هيدا القانون رح ننطرو لأنو في انتظار للبنان الجديد، متل ما البعض بينتظرو المسيح المنتظر، او المهدي المنتظر، نحنا بانتظار لبنان الجديد عبر قانون انتخابات للبنان الجديد
• رح نفتح صفحات ونطوي صفحات، ورح نفتح دورات، ونطوي تمديد الى النهاية والى الأبد
• بدنا قانون بيحترمنا، بدنا قانون بمثلّنا، بدنا قانون بيشبهنا، وبدنا قانون براعيلنا خصوصياتنا وبحافظلنا على وحدتنا،
  اسمو تأهيلي،
  اسمو ارثوذكسي،
  اسمو مختلط،
  اسمو صوت واحد،
  أو10 اصوات،
  اسمو شيوخ مع نسبي،
  مش مهم… المهم يكون فيه نسبية ليمثّل الكلّ، وبس ما في استنسابية
  
• بدنا نعمل قانون يكون في ضوابط لتنوعنا، ويحافظ على وحدتنا،
  وما رح نقبل بأقلّ من هيك، شو ما كان فيه اغراءات، وما رح تكون (ما تخافو اكتر من النفط)
  وما رح نقبل اقلّ من هيك، شو ما كان في تهديدات لأنو منّا رح تكون اكتر من الشهادة يللي قامو فيا أهل هيدي البلدة
  ما رح نقبل بأقل من هيك، شو ما كانت المهل، لأنو ما في عنا مهلة الاّ مهلة وحدي، هيّي آخرتنا،
  وهيدا البلد ما عندو آخرة،
  هيدا البلد ما عندو الاّ القيامة، والحياة
• عشتم وعاشت الحدت وعاش لبنان

رصد Agoraleaks.com