Agoraleaks Agoraleaks
التضامن مع “الجديد” تحصيل حاصل، لبنان بلا حرية منو لبنان
مقتطف من حديث النائب السابق سليم عون لقناة “الجديد” استنكاراً لحادثة الإعتداء :
- التضامن مع “الجديد” تحصيل حاصل،
بس منو الجديد هوّي المستهدف، المُستهدف هوّي أغلى شي عنا ياه بلبنان، وميزة لبنان هيّي الحرية - لبنان بلا حرية منو لبنان
نشالله ما تكون هيدي الحادثة منظمة، او مرتبطة بالكباش السياسي الحاصل حالياً،
بهيدي الطريقة بكون أكتر من “الجديد” مُستهدف، بكون العهد مُستهدف،
العهد بكل ما يرمز من أمل للبنانيين، - الأمل اللي واضعينو ببلدن، ومستقبلن، هيدا يللي عم يجربو يقضو عليه،
بالمواجهة شو عم نغلّب؟
عم نغلّب الفلتان على الإنضباط، او عم نقول انّو هيدا البلد صار للزعران، وما في محل للأوادم،
عم نغلّب الهمجية، على الحضارة اللي تميّز فيها لبنان - نحنا بمعركة اصلاحية، وبدنا نتقدّم “فشخة” لقدام،
شو عم نجي نقلن، لاق لبنان، بدّو يضلّ متل ما هوّي..
- بضل قول، نشالله ما تكون مرتبطة.. بضل عنا لو 10% نعتبرا عرضية،
لأنو بدنا نضلّ نضخّ هيدا الأمل لأنو ما بدنا نخليهم يأسوا اللبنانيي - تعرضنا ومرقنا بصعاب أكتر، بدنا نواجها،
والحرية أغلى ما نملك، فبغضّ النظر عن وجهات النظر، بيسوى كل واحد يعبّر عن حالو بالطريقة اللي بحبا، بس نوصل بلبنان، نلتجي لهيدي الأساليب، هيدا اكتر من مرفوض ومُدان - ميشان هيك، المطلوب مش كل مرّة نحكي وبس،
تعرضتو قبل بمرّة، شي مرّة من المرات السابقة تمّ التعامل بحزم وشدة مع المرتكبين.. ؟
لأنو ما كنا منرجع نوصل لتعرض خامس مرّة،
وإذا ما اتاخدت التدابير اللازمة، رح نرجع نشهدا سادس مرّة، ان كان مع الجديد أو غير الجديد
- حتى اطلاق النار اللي عم نشوفو عشوائي وكل مرّة من قدّم ضحية شبْ أو صبية من خيرة شبابنا، ما بتنحّط بهيدا الإطار ذاتو،
تغليب ثقافة الفوضى والفلتان والزعرنة على الثقافات الأخرى - انا متضامن بالكامل مع الأسرى بالسجون السورية، ومنرجع منقول امام الرأي العام، صوبو البوصلة للقضايا المهمة وما نضيع بالتفاصيل الزغيري اللي بتغرقنا
رصد Agoraleaks.com
