سكارليت حداد لريتا نصور: بتعرفي قديه عانينا من ديناميكية باسيل.. والإيام بتأكّد إذا معي حق أو لاق (Audio)

– بري استلحق حالو وقال انو هوي ضدّ التمديد

مقتطف من حديث الإعلامية في صحيفة “L’Orient-Le Jour ” عَ قناة الـ”OTV” ضمن برنامج “اجندة اليوم”:

• مني متشائمة بخصوص قانون الإنتخاب،
  بالنهاية قد ما كانت المصالح متباينة، آخر شي في حدّ أدنى يقدرو يتفقو عَ قانون انتخابي
• بعتبر النسبية هيي الأرجح
• بدنا نوصّل لتقليعة جدية للدولة، انو نحنا ناطرين الدولة،
  الكلام انو في قرار دولي ضدّ الفراغ، لاق نحنا منا تحت رحمتا،
  الصحيح ممنوع الفراغ لأنو خطرلإلنا وللبلد، متل ما بدن يعملولك، أنو إجا رئيس للجمهورية بتسوية إقليمية بين ايران وسورية، وبيّن انو مش كتير دقيق هالكلام،
  انو صار جدّي إذا قلنا في قرار إقليمي ودولي، لاق..

ورداً على سؤال استطلاع الرأي بخصوص فوز الوزير باسيل في البترون بغضّ النظر عن التحالفات، قالت سكارليت حداد:

• والله بتعرفي، هيدا حق،
  لأنو فعلاً هالإنسان، كتير.. ونحنا منعرف قديه عانينا من دينمكيتو بالشغل،
  بتعرف كان يطلعلنا بهالسفرة باستراليا ونيوزلندا (تقريباً شي 3 ساعات للنوم)، بيطلع انو هوي قضّى الوقت يحكي عَ التلفون مع بيروت
• بعدان عندو مشاريع،
  عندو فكر،
  عندو خطة،
  بيعرف وين رايح، شو بدّو..

ولكن البعض يتهمو بخصوص قانون الإنتخاب، انو طائفي، ومتقوقع وتقسيمي، وانعزالي.. تردّ:

• الإتهامات ببلاش اول شي،
  وتانياً الإتهامات للوزير باسيل، منا بريئة، التركيز دايماً عليه منو بريء.. عم يوصلو لحدا تاني
• الفكرة إذا بدك تقول لبنان نموذج للتعايش،
  انتا بدّك تريّح الطوائف الموجودي،
  بما انو كان في غبن عانى منّو كل لبنان والطايفة المسيحية، عم يحاول يزبّط هالغبن، لينطلق لمشروع وطني،
  ما حسيّت ابداً عند الوزير باسيل عندو هالتعصّب، والتقوقع، والإيام قدامنا، ومنشوف إذا معي حق أو لاق

بري والتمديد

• أنا بعتقد أنو الرئيس بري، ما بدّي قول انو هوي مع التمديد،
  بس كان معتبر انّو ورقة التمديد بيقدر يستعملا بالمفاوضات ضدّ الخصم المستجدّ الوزير باسيل،
  ولكن بموقفو الرئيس الحريري شلّو هيدي الورقة،
  وبعتقد انّو أبدى انزعاج، وهيدي معلومات دقيقة، انو بالقليلي بالمفاوضات خلينا يضلّ عنا هالورقة،
  ولكن الرئيس سعد الحريري، معروف خطو، ما بدّو مشاكل، وبدّو قانون،
  وداعم العهد، لأنو هوي جزء منّ العهد بالنهاية
• بدّو يستلحق حالو الرئيس بري، ويقول انو انا من الأساس مش مع،
  وانا كنت عم استعملا، ويمكن هيدا المزبوط
• يتفقو على قانون هيي الفكرة المرجحّة

رصد Agoraleaks.com