Agoraleaks Agoraleaks
– الكن علينا كتير، وشهدائكم لازم يتكرمو متل شهداء الجيش
مقتطف من حديث الرئيس ميشال عون في حفل اطلاق الحملة المالية للصليب الاحمر اللبناني 2017 في قصر بعبدا:
- اهلا سهلا وفيكم اليوم،
انتو رفقاتنا بأصعب المراحل وموجودين محل ما في وجع،
وهيدا أساس عملكم الإنساني
- انتو موجودين محل في عذاب بتخففوه،
ومحل في خطر عً حياة بتساعدو حتى الخطر يزول
- أساس نشأتكم، كانت بسبب العذاب، يللي شافو إنسان (Dunant) بإحدى المعارك العسكرية، وشاف وحشية الحروب، وكان نشاطو بأساس اتفاقية جنيف، حتى يحدّ من خسائر الأرواح، من تهديم الأماكن الأثرية والمقدسّة، والأماكن الآهلة، والمدنيين، وكل واحد ما الو علاقة بالحرب
- انتو كنتو رفقاتنا بأصعب الظروف،
وأنا اختبرتكم شخصياً، كنتو معي، وكنتو مع غيري،
وبمخيم البارد اللي رحلكم فيه شهداء، ووضعنا قانون وناطرين الجمعية العامة تصدقو، حتى نعتبرن شهداء،
ونشالله قريباً، بس ترجع الجلسات العادية لمجلس النواب، وإذا مش هلق، على الأقل بعد الإنتخابات، نعتبرن متل شهداء الجيش
- الكن علينا كتير،
انتو رفقاتنا بالحرب،
انتو معنا بالخطر،
وكتار منكم شفناهم معنا، حتى المسؤول الأول على الأرض كان معنا بمركز متقدّم
- نحنا علينا نساعدكم، وهيدا واجب، لذلك قررنا نعمل مهابط للـ”هوليكبتر” بكل أقضية لبنان،
ونعمل خط احمر مع القاعدة الجوية، لحتى تحكو مباشرة مع القاعدة، وتكون الهوليكبتر جاهزة حتى تساعدكم بالإخلاء، لأن السرعة بالإخلاء بتخلّص الحياة
- الأمركان لما عدّلو طريقة الإخلاء بسرعة، وفرو 80% من الموت من جرحاهم،
هيدي علينا اليوم، وبكرا التعاون انتو والجيش بتحددو المراكز، وعلينا التنفيذ - مندعيلكم دايماً بالتوفيق، وتنجحو بمهماتكم لأنو فيه نجاح للإنسانية وللتفاني، ولنكران الذات بعملكم،
عشتم وعاش لبنان
رصد Agoraleaks.com
