بيار رفول: باسيل عَ نهج مؤسس التيار العماد عون.. والتهويلات نطلع منها (Audio)

– في قانون قبل 19 حزيران وللرئيس عون رؤيتو..

مقتطف من حديث الوزير بيار رفول ضمن مع الإعلامية رندلى جبور، على إذاعة “صوت المدى”:

• هل سيُقرّ قانون انتخاب جديد… متى وأي قانون هو الأقرب الى الواقع؟
  اكيد في قانون، قبل المهلة المحددّة، يللي هيّي 19 حزيران،
  يمكن تكون هيدي الجمعة، أو الجمعة اللي جايي، او اللي بعدا،
  مش هون المشكل.
• القانون اللي بصير عليه توافق من اكتر الكتل النيابية، بكون القانون الإنتخابي،
  القانون الجديد، عليه يؤمن المناصفة الحقيقية، والميثاقية والشراكة.
  وهيدا المنصوص عليه باتفاق الطائف
• في ناس عندا نوايا كتير حسنة، انو تعمل قانون جديد، وبدها نطلع من قانون الستين، اللي فيه لا عدالة ولا مناصفة، باتجاه قانون جديد، إذا ما بأمّن العدالة او المناصفة كاملة، بكون بالقليلي انتقلنا من مرحلة الى اخرى أكثر عدالة وتمثيلاً بما يؤمن شبه المناصفة
  نتمنى انو بالقانون تقرّ المناصفة الحقيقية هلق، مع العهد الجديد

عملياً

• في قوانين انطرحت كتيري،
  يُوافق عليها، ومن ثمّ يرجعو يرفضوها… كأنو عم يأجلو الوقت،
  وفي ناس بينّت من ورا هالقصة، ما بدن يغيرّو قانون الستين، لأنو من خلالو يتمكنو أكتر وأكتر بمفاصل الدولة

س: متل مين!

• كل من يرفض اقرار قانون جديد،
  بكرا هني بيكشفو حالن..
  في ناس بدن يضلو على قانون الستين، يمكن يضلن يتمقطعو بالناس أكتر،
  وبضلو الستاتيكو الحالي متل ما هوي،
  وبذات الوقت بكونو عم يعطلو انطلاقة العهد

لماذا 19 حزيران، ومش 15 ايار؟

• في 12 ليلة 19 حزيران، ينتهي ولاية مجلس النواب
  اما يوم 15 أيار، هوي يوم عادي،
  يوم الخميس في جلسة مجلس وزراء، وسيتم الحديث عن قانون الإنتخابي، وعن سبب التعثر
• ليعرف الجميع، التيار الوطني الحرّ، لا دخل له بأي قانون مطروح،
  كلّ اللي نعمل، نجرّب انو نوفّق بين القانون المختلط والنسبية مثلاً حتى نعمل قانون..
  الهجوم علينا انو صرنا طائفيين،
  يروحو يشوفو اللي طرح هيدي القوانين، ليه طرحها
• التصنيف هيدا والتضليل الإعلامي اللي عم يصير، في من وراها اكتر من قصة قانون انتخاب،
  في من وراها ضرب العهد، والهجومات على رئيس التيار جبران باسيل، هيي هجوم على العهد

شو المقصود ن نغمة الكلام عن خلاف بين الرئيس عون والوزير باسيل

• ما في خلاف أبداً،
  نحنا ولاد التيار، ورئيسنا العماد عون، ومؤسسنا الجنرال عون،
  اليوم رئيسنا جبران باسيل، عنا نهج، ونحن نتمنى وقلنا: تعو نروح عَ دولة المواطنة،
  بس انتقائية!! سألناهم بالمباشر، وبالشخصي عن دولة المواطنة، قالو منّا جاهزين

ماذا عن مسألة التصويت على قانون انتخابي في مجلس الوزراء؟

• ما بعرف التفاصيل،
  الرئيس عون لديه خطة في هذا المجال،
  اليوم الرئيس يحترم رأي كل المكونات اللبنانية، والكتل النيابية، انو اتفقو على قانون،
  وبس تتفقو، منطرحو على التصويت،
  ولكن ما بتقدري تطرحو قانون، وتاني يوم بتقولي ما معي خبرو، وانا ما الي دخل فيه،
  وعم احكي عن قانون التأهيلي اللي طرحو الرئيس بري،
  وعرضو علينا، ووافقنا عليه، ورجع سأل تاني يوم، تنوافق عليه، قلناللو موافقين،
  وكان قايل راضي فيه كتير ناس..
  هيدا الموضوع عامل تساؤل عنّا،
  ليش صار هيك؟؟

ماذا عن حملة التيار: “العدّ العكسي لا للتمديد” مع يوم 15 أيار؟

• ما في تمديد،
  لأنو ما بقا في نصاب.
• نحنا منثمّن موقف رئيس الحكومة سعد الحريري، بهالظرف هيدا،
  لأنو حقيقة تحمّل مسؤولية، ومصداقية تجاه الناس،
  لأنو متل رئيس الجمهورية بخطاب القسم، أنا بدّي قانون جديد،
  كمان دولة الرئيس بأوّل خطاب بعد ما تشكلّت الحكومة، تضمن خطابو، طلب باقرار قانون انتخابي جديد لتأمين المناصفة والعدالة
• التمديد انتهت قصتو،
  وما في فراغ..
  بعد 19 حزيران، بصير المجلس بحالة انتظار، لإنتخابات جديدي،
• ما يفزعونا بهيدي الأمور، ساعة بقولولك، الليرة بتخرب..
  التهويلات بدنا نطلع منها،
  ومتل ما توجهّت من جمعة، بقول للشعب اللبناني، اوعا يضللوكم.
  نحنا معكم صادقين.
  وانتو لازم تكونو صادقين مع حالكم، ولا مستقبلكم ولا مستقبل ولادكم

رصد Agoraleaks.com