– لأَنَّهُ لا بُدَّ لِلمَسِيحِ أَنْ يَمْلِك.. ✝️

* ♰ * 

ما تعايدني وما تقللي: المسيح قام !

• إذا بعدو حبك شحيح و رافض المسامحة والغفران ،
• إذا بعدك حابس أحشاءك عن خيك الفقير والجوعان،
• إذا بعدك بتقلق وبتنهم عا رزقك وبمصالحك وحدا بتهتم،
• إذا بعدك بتحزن عا خيبة أمل او خسارة،
• إذا صلاتك تمتمة كلمات ومسبحتك صف من الحبات،
• إذا قداسك فرض واجب وسجودك شوفة حال،
• إذا قلبك فاضي ومعتم وبلا إحساس،
• إذا بعدو المسيح  قصة مكتوبة عا الورق غريب بتسمع عنو حكايات،
• إذا بعدو إلهك إله الفلاسفة والسفسطائيين
  إله أموات مش إله أحياء !!

عايدني لما نورو يفيض بقلبك…
لما يجلس وحدو عا عرش قلبك…
لما يجذبك و حبو يمتلكك
لما نفسك يشهق بقداسة اسمو
وتقللو: يسوعي حبيبي إنت !!
ساعتها منفرح سوا بالعيد
ومنصرخ تا يوصل الصوت بعيد: المسيح قام.. ✝️

المصدر: مواقع التواصل الإجتماعي