Agoraleaks Agoraleaks
حيا الرئيس ميشال عون الشعب اللبناني الذي أمّ قصر الشعب، قائلاً له:
– تعودتو تشوفوني بغير بدلة، ولكن الكلمة والفكر ما تغيرو، يا شعب لبنان العظيم، كنتم شعباً عظيماً واصبحتم شعباً أعظم
– هالساحة عرفتكم لمدى سنتين، وما تركتوه ابداً بأحرج الظروف، ولكن مع الأسف لعبة دولية كبيري هيّي اللي انتصرت علينا، واليوم بدنا نبلش مرحلة تانية. مرحلة بناء الوطن.
وصولنا الى رئاسة الجمهورية ليس الهدف. الهدف أن نبدأ بنيان وطن قوي. وبناء الوطن القوي، هوي بوحدتو الوطنية، يللي بدنا نعززا اكتر وأكتر. ولكن الوطن القوي بدّو دولة قوية تديرو.
– الدولة القوية هيي اللي بتنبنى على دستور، بيحترمو السياسيين. كلّ السياسيين. ما في راس رح بيخرق سقف الدستور سقف الدستور من هلق ورايح.
– وصلنا على السلطة بخطط تنموية، لنحافظ كمان على استقلالنا و،سيادتنا وحريتنا. ولن نكون مرهونين لأي بلد آخر.
– استقلالنا وسيادتنا منّا عداوة ولا خصومة مع الدول الأخرى، لا بل صداقة صريحة وقادرة على احتراما
– ناطرنا مشروع كبير، ومشاريع كبيري، منعرف انو المجتمع اللبناني، عندو حاجات بدائية غير متوفرة لحدّ اليوم.
– اسقطو المشاريع ووقفوها، وكان في هناك كيدية سياسية تعرقل عملنا، وعنيت مشاريع الكهربا، والماي، والطرقات في بعض المناطق.. لذلك اوّل شغلي بدنا نعملا هيي تأمين هيدي الحاجات هيدي، وبالسرعة الممكنة.
