بقردونيان: الخطابات بس ما بتحافظ عَ الهوية المسيحية، الطاشناق يشجّع الإنجاب ويساعد الزيجات بالمصاريف الكنسية (Audio)

عن حلفاء الأرمن والتواصل السياسي

مقتطف من حديث أمين عام حزب الطاشناق أغوب بقردونيان لقناة الـ”OTV”، ضمن برنامج “يوم جديد”:

• بالأخر بكل تواضع منقول: إذا غيرنا في عندو شروط،
  نحنا كمان ما بينقصنا شي، يمكن ما حدا بيسمعنا، بس عَ القليلة في أصوات فينا نشتثمر هالأصوات، يللي هيّي أصوات حرّة،
  ما حدا بيسترجي يشتري هالأصوات، لأنو ما حدا بحبّ يبيع أصواتنا،
  بالآخر بدنا نحافظ على حق الطائفة وحق التمثيل الصحيح
• ولا مرّة نحنا حصرنا التمثيل النيابي بحزب الطاشناق،
  منتعاون مع الكلّ. لكن في عنا هيدي الإستقلالية.
• ولا مرة نحنا ضربنا فكرة التعايش بين الطوائف، ووحدة البلد،
  ولا مرة من أي نائب أرمني طلعت كلمة منو، تسيء لأي طائفة او مذهب أو حزب او حتى قيادي،
  حتى إذا عارضنا، معارضتنا كانت بشكل أخلاقي
• الوطن ما بيتطوّر الاّ صار في تعاون حضاري، واعتراف الكل بالكل

رداً على سؤال عن حلفاء الطاشناق، يقول أغوب بقردونيان:

• حلفاء الطاشناق الآن: التيار الوطني الحر، وبالمتن ميشال المر
• في لقاءات مع الكتائب، والقوات، ومع تيار المستقبل..
  إذا بقلك لاق، بكون مني قادر العب دور سياسي،
  بكون مكتوف الأيدي، وانطر حليفي شو بدو يقرّر وامشي، لاق أكيد،
  لا هني بالتيار حابين هالطريقة، ولا نحنا مستعدين نعمل السياسي عملية انتظار للإنتخابات،
  ومنروح منعمل انتخابات، وبيطلعلنا نايبين أو تلاتي، وشكراً،
  ومنشوف بعضنا لبعد 4 سنين.
• بالآخر في عنا ناسنا وأهلنا، نحن مسؤولين عنن،
  بأصواتن لالنا، مش بس عم يعطونا التفويض بتمثيلن. ناسنا بيعطينا بالآخر المسؤولية، ونحنا منتحمّل المسؤولية.

مساعدات

• بمناسبة العيد 126 لتأسيس حزب الطاشناق، أعلنا عن 4 مشاريع:
  1) تربوي: إعطاء منح مدرسية لكل تلميذ يتخرّج من المدارس الأرمنية، لدخول الجامعات اللبنانية
  2) مصاريف كنسية: بس تنين يقررو يتزوجو، شرط انو يكونو أرمن.
  وذلك للحفاظ على الهوية الأرمنية، التي هي هوية طائفية وقومية في آن
  3) مصاريف كناسة: العمادة
  4) الإنجاب: إذا رزقت عائلة بالطفل التالت او الرابع او الخامس، في مبلغ معيّن هدية فور ولادته،

الحفاظ على الهوية

• عم نحكي عن الحفاظ على الهوية اللبنانية الأرمنية، لأنو بالآخر نحنا ما فينا نلقي خطابات وحكي على الفاضي، ونطلب من الناس خليكم بلبنان، لأنو لبنان وطنكم
• يا مسيحيي خليكم بالشرق الأوسط، والأوقاف الكنسية عم تنباع لغير مسيحيين،
  المسيحي منو قادر لا يشتغل، ولا يتجوّز، ولا يشتري شقّة، لا يستأجر شقّة،
  ونحنا قاعدين مكتوفي الأيدي، ومنقلن يللا شباب كل 4 سنين مرة بتجو تنتخبونا،
  وبدنا نحافظ على الهوية وعلى الهوية المسيحية
• نحنا شفنا انو بالعكس لازم نساعد هالناس، لازم نساعد الشعب، حتى بالآخر، لما عم نحكي عن الهوية اللبنانية، منكون عنجدّ عم ندافع عن الهوية اللبنانية بالفعل وليس فقط بالكلام

رصد Agoraleaks.com