Agoraleaks Agoraleaks
– ما نخوّف الناس بالطائفية، وبري ما بعتقد بدّو التمديد
مقتطف من حديث السفير عبدالله بو حبيب لقناة “الجديد” مع الإعلامية كاترين حنا:
- ما نخوّف الناس بالطائفية،
لأنو الوضع بالمنطقة، وضع ما بيسمحلك انو يكون عندك بلد علماني من دون طائفيين - الوضع والوطن طائفي ومذهبي لآخر درجة،
معليش إذا بعض الفئات طرحت، وخايفي.. - المهم انو بيقدرو يتوصلو بالأخير لإتفاق،
المشروع النسبي بالدوائر الصغرى بتقدر تضمن انو معظم النواب المسيحية بينتخبوهم المسيحيي
ورداً على سؤال قول الرئيس بري: اللعبة انتهت، يريدون الفراغ، يردّ عبدالله بو حبيب:
- مين بدّو الفراغ،
اللي ما عم يعملو قانون انتخابات يريد الفراغ،
اللي عم يصرّو انو بدن يروحو بالقانون القديم بدن الفراغ
اللي بدّو التمديد بدّو الفراغ - هل بدّو التمديد الرئيس بري،
هوي عم يقول انو ضدّ التمديد، وهوي ضدّ الستين، وضدّ الفراغ
ورداً على اتجاه التيار الوطني الحرّ الى أوروبا، لإقناعهم بضرورة العمل لمؤتمر تأسيسي، يقول عبدالله بو حبيب:
- انا مني بالتيار، ليه بدن يروحو للأوروبيين حتى يساعدوهم،
ليه أوروبا عندا حقيقة نفوذ هون، مين عندو نفوذ.. - حتى الأمركان نفوذن مش كامل، واقفو عَ رئيس للجمهورية وما مشيْ،
- الرئيس عون معبّا الكرسي وزايدْ،
أنا شخصياً بقول (هيدا مش مطلب التيار): لازم يُعطى حق حل المجلس النيابي، مرة واحدة على الأقل خلال ولايتو الست سنين، لأنو بعض الأوقات بتتعثّر القضايا، وبس تحلّي مجلس النواب بروح الواحد للشعب،
مجلس النواب ما رح يحلّ نفسو
ورداً على الهجوم على رئيس التيار الوطني الحر، قال عبدالله بو حبيب:
- صار الحق عَ جبران باسيل،
هوي اللي عم يقدّم مشاريع، هوي الوحيد، ما حدا من الباقيين - التغيير الوحيد الي صار، انو الرئيس الحريري قبل بالنسبية مبدئياً،
وقيل انّو على مستوى المحافظات - عطونا الملاحظات، خدو هيدا، لاق قانون تاني.. تالت، رابع.. وخامس
الوحيد اللي عم يعطي مشاريع، مش بكون هوي
وعما قالته “الأخبار” أنّه لا يُبعد الشرّ المستطير سوى موقف تاريخي للرئيس عون، يدفع به قيادة التيار والجميع الى مكان، يُقّم فيه كلّ منهم تنازلات.. كون العهد عهدو..
- انا بختلف مع صحيفة الأخبار،
لأنو الوزير باسيل وحدو عم يقدّم مشاريع، وعم ياخود بعين الإعتبار بعض المطالب - ما حدا قدّم مشاريع، حتى مشروع مروان شربل ما حدا قدمّو
- ما معن حق فيها.. اللي مش عاجبن القانون، انو في قسم منّو مذهبي، بتصوتي عَ أساس الأرثوذكسي،
ايه هيدا رأي قديم، بدن يقتندو القانون،
