Agoraleaks Agoraleaks
– القانون الإنتخابي الجديد ليس للإنتخابات المقبلة بل للأجيال القادمة (نانسي صعب)
مقتطف من حديث العميد شامل روكز (نشاط اغارة القمم في منتزه ارز اهمج):
- صحيح قطعت الموازنة، ون شالله بتكون عند طموحات الشعب اللبناني كلو، بوارداتا وحقوقا
- التحدّي الكبير والأكبر هلئني هوي قانون الإنتخاب،
اكيد أنا بعتبر قانون الستين اللي مرق، إذا رجع تكرّر وفي تمديد جديد للمجلس النيابي،
مفروض نرفضو بهيدي الروحية ذاتا، بالتمرّد ذاتو مع كل الشعب اللبناني، لأنو بكون نوع من تمديد جديد - القانون الإنتخابي الجديد لن يكون للإنتخابات المقبلة بل للأجيال القادمة،
عليه ان يتخطّى المزارع الطائفية والمذهبية، الى احترام المواطنة الصحيحة، عبر تواضع القيادات السياسية، وصولاً الى قانون يحافظ على منطق المواطن والمواطنة - ما عم نحكي بقانون يحاكي الطموحات الطائفية والمذهبية،
لأنو طموحات الطائفية والمذهبية هيي مزارع للسياسيين الموجودين هلق، وبيتقاسموها عن جديد - بدنا قانون يحكي بالنسبية، تَ يحاكي كل الشعب اللبناني،
الشعب اللي بيعتبر حالو موالي، والشعب اللي بيعتبر حالو معارض - لبنان مش بس المنطقة اللي نحنا فيها،
لبنان كل شبر وكل حبة تراب، عَ امتداد الأرض اللبنانية،
هيك لازم نفكّر ولازم نحكي، وبروحية المواطنية الصحيحة ، مش بالمذهبية والطائفية، خاصة المطروحة تنعمل قياسات لزعامات سياسية ومناطقية ومذهبية - على اللبنانيين تقع مسولية التصدّي لأي تمديد بالمماطلة أو بالستين
- كونوا جاهزين للتحديات الجايي، كونو جاهزين للرفض للموقع وللتمرّد عَ كل الأمور اللي ممكن تنال من حريتكم وتضحياتكم الوطنية
- نكون موجود بهيد الروحية وهيدي الصلابة وبالقوة لتحدّي التحدّي الممكن ينطرح بالتمديد الممكن عم نسمعو بهالفرصة الجايي
- اكتر شي ممكن التمديد التقني ليولد قانون انتخابي جديد،
اكتر من هيك هوي تحدّي لوجودكم، ولمستقبل لبنان، وخاصة بالعهد الجديد
المصدر: OTV
رصد Agoraleaks.com
