غسان جواد: موقف الحريري دولتي، وعون رئيس مسيحي مشرقي منفتح عَ العلم كلّو وإجريه بالشرق (Audio)

– مين بالدول العربية أهمّ من لبنان، بمواقفو العربية وبمواقفو ضدّ إسرائيل؟
– شو عمل الخارج للحريري 4 سنين.. في دولة عم تركبْ
– يللي بدن يحاربو ايران من العرب يحاربوها شو ناطرين

مقتطف من حديث رئيس تحرير موقع “Beirut Press” الصحفي غسان جواد لقناة “الجديد”:

• تعليق الحريري على الرسالة، ببيّن انو رجل دولة،
  ببيّن انّو الرجل متمسك بصورة لبنان امام العرب والمجتمع العربي
• بينما رسالة الرؤساء السابقين، ما الا قيمة سياسية، بس بتساهم بضرب الأجواء التوافقية،
  وهيّي محاولة مزايدة على رئيس الجمهورية ورئيس الحكومة،
  برأيي ميقاتي وسلام والسنيورة ينسو إمكانية انّو يجو رؤسا حكومات،
  برأيي الرئيس أمين الجميل خرب كلشي عملو سامي الجميل بهالجمعتين، أقلّه بالشارع تبعنا..
• الإداء اللي عم يعملو الحريري، عم يشتغل على التوافقات،
  بعدو عم يحاور حزب الله بعين التينة برئاسة نبيه بري، وعم يؤدي آداء تبريدي مطلوب
• شو نحنا بدنا نعمل أمتحان، مين بالدول العربية أهمّ من لبنان، بالموقف العربي، بالموقف ضدّ اسرائيل،
  مين فيون قدّم أكتر من لبنان، نشيل مصر عَ جنب، يللي هيّي دولة كبيري وقدمّت سنة 1973 – 1067،
  مين قدّم أكتر من لبنان شهدا وتضحيات ومواقف من أجل العرب، شو رايحين نقدّم امتحان عند العرب
• في بيان وزاري لبناني، وفي دولة عم تركب عنوانا عودة المسيحيين ووجود رئيس مسيحي مشرقي اسمو العماد عون،
  عقلاتو منفتحين على العالم كلّو، بس إجريه بالشرق،
  وفي الرئيس الحريري عم يؤدي إداء دولتي، بعدم نكء الملفات الخلافية، وهيدا الأمر ممتاز
• نحنا عشنا 5 سنين صراع وانقسام، وتآكل بالدولة واهتراء، وملفات متل الكهربا والنفايات وغيرا داهمتنا، وما عملنا شي الخارج،
  قعد الحريري 4- 5 سنين برا، وما عملو شي الخارج،
  عمل تسوية رئاسية، صحّح التمثيل المسيحي، ورجع هوي عَ السلطة،
  وهلق البحث عن قانون انتخابي بحطّ مستقبل البلد، كما الملفات الخدماتية والموازنة والسلسلة وغيرا
• الوقوف عَ خاطر العرب لإرضاء أميركا، لَ يواجهو حزب الله والمقاومة، منّو مفيد للبنان،
  لذلك لبنان الرسمي لن يسير بركبو الى خلف العرب المتشنجين،
  ليه بدنا نضحّي باستقرارنا لأنو في البعض متشنّج، وبدو يرسل رسايل،
  ايران بوجّك، بدك تحارب ايران، روح حارب ايران لشوف
• لبنان من خلال استقرارو، وأجهزتو الأمنية والجيش والمقاومة وقوى سياسية حريصة على البلد،
  قادر يلعب دور إيجابي في خلق مساحة حوار بين العرب وايران، بين العرب والمجتمع الدولي،
  يستطيع لبنان تجيير علاقاتو الدولية والعربية والإقليمية لمصلحة الحوار والتفاهم
• لبنان بناسبو التفاهمات العربية والإقليمية، ما بناسبو الصراعات والمحاور والإصطفاف والإنشقاقات
• مبارح كان في هجوم على جرود عرسال، ولو ما في المقاومة بجرود بالقلمون الغربي،
  بيوصلو كزدورة على البقاع الأوسط والبقاع الشمالي
• موقف حزب الله من قانون الإنتخابي النسبية الكاملة ضمن الدوائر الكبيرة،
  منو منفتح على قانون مختلط نسبي وأكثري
  هوي منفتح على حجم الدوائر، لأنو المسيحيين ما فيهم يمشو بدائرة وحدي مع النسبية،
  في 2.300.00 صوت مسلم، مقابل 1.300.300 صوت مسلم، فبضيع الصوت المسيحي
  حزب الله مع النسبية ضمن دوائر وسطى أو أي شكل يطمئن الجميع ولكن ضمن امتداد وطني

رصد Agoraleaks.com