الرئيس لحود: معنى الرسالة مش خوف صارت عمالة والهدف الحرتقة عَ موقف الرئيس عون (Audio)

مقتطف من حديث الرئيس اميل لحود لقناة المنار: (تقرير علي بدوي)

لبنان المحصنّ بالمعادلة الذهبية لا يتأثر بالبيانات الورقية، وسيكون حاضراً بالمحافل الدولية وكذلك العربية برئيسٍ قويّ، وشعب مؤمن بأنّ قوة لبنان في قوته، يؤكد الرئيس اميل لحود

• أنا ما بتعجّب، هنّي ذاتن قضيناها معن سنين،
  تبينّ الي، انو للأسف، في فئة مش عم تقتنع انّو قوة لبنان بقوتو
• من بعد هالإنتصارات اللي صارت،
  إذا بعدن عم يحكو هالحكي، شو معناتا؟
  معناتا مش قضية خوف، صارت عمالة
• حدن عم يبعت خبر من برا، طلعو حكو،
  كلّو هيدا معمول لسبب واحد،
  كيف فخامة الرئيس عون: قال نحنا عايزين المقاومة
• كل هالصوت يللي عم يطلع للحرتقة على العماد عون، لأنو رايح على القمة بقوة

السياسات التي انتهجها البعض، والمعادلات التي تشبه لبنان سقطت برحيل أصحابها من السلطة، ولم تُنجب للوطن سوى الخيبة

يقول الرئيس عون:

• هودي اللي عملو النأي بالنفس، خربو لبنان قبل ايامنا،
  عجبن أو ما عجبن بايامنا: صار في تحرير وتغلبنا عام 2006 على الإسرائيلية
• بايام معادلة النأي بالنفس، شو كانت نتيجتا:
  – عرسال
  – مليون ونص سوري بلبنان
• اجا رئيس للجمهورية، كان قائد للجيش، غير التفكير بالربح والخسارة،
  قلن انا مع المقاومة،
  وبلش الهجوم عليه بأول عهدو
• المهم، موقف لبنان ما يتغيّر، لأنو إذا تغيّر مكمن قوة لبنان بينتهي

انطلاقاً من تجاربه يرى لحود أن بعض القمم لا تنعقد الأّ بايعاز اسرائيلي، ويؤكد أنّ محاربة الإرهاب تبقى شعاراً من دون مشاركة سورية، يضيف:

• انا لقيت معادلة بالممارسة،
  ما بصير شي من الجامعة العربية الاّ بايعاز اسرائيلي
• إسرائيل بتقول لأميركا، وأميركا بتقول للخليج
• هالإجتماع اللي عم يصير هونيك بعنوان مكافحة الإرهاب، كيف بدن يعملوها من دون سورية،
  كل المطلوب يكفو الحرب عَ اليمن، يكفو الحرب بالعراق، وخاصة بسورية
• إذا طلع بايدن الإسرائيليي، لأنو ما بقا يقدرو حرب مع لبنان، يعملو فتنة بلبنان، كمان بدن يعملوها،
  ميشان هيك أهمّ شي دعوة سورية على القمة بالأردن

محاولة البعض ذرّ الرماد في العيون، برسائل مشبوهة لا تُغيّر في حقيقة أنّ لبنان بثلاثيته الذهبية: الجيش والشعب والمقاومة

المصدر: المنار
رصد Agoraleaks.com

https://www.youtube.com/watch?v=HvypXRln168