Agoraleaks Agoraleaks
خطر عً بالك شي مرّة، انو كل نهار جديد هوي نهار هدية من ربنا
- معلم طانيوس، كل يوم قبل ما يروح على شغلو،
بحوّل على الكنيسة، بيقعد قدام “القربان” من دون ما يحكي،
قبل ما يفلّ بقول عَ صوت عالي: بشكرك يا رب على الهدية - بونا الياس، صار يراقبو،
هونيك نهار، لقاه على البوابة وقلو:
شو.. هيئتك محظوظ يا طانيوس
مبيّن كل يوم عندك هدية. من وين هالهدايا كلها
قلو: من ربنا
سألو الأب: وشو عم يعطيك كل يوم؟
قلو: عم يعطيني نهار جديد
الزوادة بتقلي وبتقلّك
- فكّر اليوم، انو هاليوم هوّي هدية الك، وشوف كيف بصير حلو مع كل صعوباتو
- حلو لأنو حاملك نعمة جديدي، غير نعمة مبارح،
اكتر من هيك، فكّر انك بحدّ ذاتك انك هدية،
وانو كل شخص بتلتقي فيه هوي كمان هدية الك من الله
والله معك
المصدر: صوت المحبة
