سليم عون: ما بدّن يحقّقو مطالبن، بدّن يلبّطو.. وقبل 20 نيسان بكون عنّا قانون انتخابي (Audio)

– الجنرال بآخر إجتماع تكتّل قال بتمنى أول مخالفة تكون لحدا قريب
– وزتّ قنانمي الماي عَ القوى الأمنية ليه؟

مقتطف من حديث النائب السابق سليم عون لقناة “المنار”:

• هيدي الـ1% اللي تمّ زيادتا على الـ”TVA”، في الها ضوابط وشروط وإصلاحات،
  في عدد من السلع تمّ استشنائها،
  منتمنى تنلغى إذا في إمكانية،
• السلسلة لمين؟ نحنا شاطرين بس للعسكريين نحكيهم شعر، ونقلن عم تقدمو تضحيات،
  بالآخر تاركينن برواتب صرلا من آخر التسعينات
• كل التضحيات بالضرايب دُرستْ بشكل دقيق ومفصّل،
  من سنة 2012 عن تندرس، واليوم اللي علو الصوت، ما بسنة 2012 كانو موافقين، وبالـ2013-2014-2015..
  نحنا الوحيدين اللي كنا معترضين
• إذا في بديل آخر فليكنْ
  ونحنا عنا بدائل، بس بدها وقت
• ليه الأرقام عم تنزتّ ومش صحيحة،
  حتى إذا بدّك تعالج موضوع التهرّب الضريبي، ما بدّو وقت؟؟
• توقفت مناقصات مشبوهة وانعطى ايعاز لكل الإدارات ولمجلس الإنماء والإعمار بتوقيف المناقصات اللي كانت تصير بالطرق السريعة
• بس تجي تعمل موازنة بعد غياب 12 سنة، هيدي مش إصلاحات
• الـ1% على الـ”tva” ما بتنعكس أبداً على الفئات الشعبية،
  لأنو عم ترفع الضريبة على شركات الأموال، رفعتا من 15 الى 17%
  حطينا لأوّل مرّة ضريبة على الشركات العقارية، والمضاربات العقارية، على الأملاك البحرية نوضع غرامات وبتعمل 800 مليار ليرة سنوياً
• بآخر اجتماع للتكتّل برئاسة العماد عون قبل ما يصير فخامة الرئيس، قلنا بتمنى انو تكون أوّل مخالفة من حدا قريب منّي،
  لحتى ما تتفسّر هيدي المواضيع، لأنو الإجراءات اللي بدها تتاخذ بحقو، لتشيل صورة انو بعد في عنا بلبنان ابن ستْ وإبن جارية.

• بس نقول مطلبنا ندفع المصارف على الأرباح الي عملوها على الهندسة المالية،
  بكون انا عم ساير هيدا القطاع!!
  بس بذات الوقت مني حاقد عليه، قطاع الخدمات والتوظيف مش هدفنا ندمرو
• المطلب الشعبي مش هدفو يوصل على الهدف،
  إذا رئيس حكومة نازل.. وشخصياً قدرّت كتير الرئيس الحريري، ليه اعتبروها استفزاز،
  إذا ما نزل، بقولو: قاعدين بمكاتبن مش عم يسمعونا،
  نزل ليقابلهم، هيدي مش شجاعة منو،
  بالرغم من الخلافات الكتيري بالسياسة، انا بقدرلو موقفو كمسؤول: نازل عم يقلن انا بدي اسمعلكن صوتكن، تعو حكو معي..
  هيك بيوصل لمطلبو! إذا كبيت قنينة ماي عليه، يعني عم يوصل حقك..
  زتّ قنانمي الماي على القوى الأمنية ليه؟ وشو ذنبا؟
• كيف بدك تبني بلد؟ مش بالحوار!
  صاحب المطلب كيف بدو ياخد مطلبو.. بالقوة،
  بتذكّر بمطالبن القديمي، كانت الدولة عاجزة تعطي الحق بالكامل،
  قالتلن أنا قادرة اعطي نص الحق،
  مش بس توصل على المطلب بترجع تلبطو
  كان في إمكانية انو تحصل على 60% خدن، ورجاع طالب بـ 61%،
  كمان أوقات صاحب المطلب، إذا ما عرف يوصل لمطلبو بكون الحق عليه
• نحنا متفائلين انو من هلق حتى 20 نيسان، رح يكون عنا قانون انتخابات،
  ما بقدر أحكي عن المستقبل، اللي بقدر قولو انو بخصوص قانون المقدّم من باسيل، المستقبل إيجابي لدرجة بعتبر فيه قبول لإلو
• لو ما كان الرئيس عون رئيس للجمهورية، اليوم كنا مشينا بقانون الستين، بذريعة أنو الرئيس الجديد عمل اللي عليه، وما في توافق عَ قانون جديد

رصد Agoraleaks.com