Agoraleaks Agoraleaks
– يا عيب الشوم أخلاقياً بالشكل، ولا هدف وخطة بالمضمون
ريتا نصور انجيليني عن رمي مقنعي متظاهري “الحراك المدني” القناني على الرئيس الحريري ضمن برنامج “اجندة اليوم”:
- يا عيب الشوم عَ اللي صار، اذا كان مسرحية متل ما قالو، إذا كان عم يكذّب،
إذا كان منافق.. شخص جايي لعندك يحكي معك.. بتستقبلو بهيدي الطريقة أخلاقياً!!
شو بدي بالسياسة، ما بهمني مضمون حديثو! - رغم انو مضمون حديث الحريري، عم يقلن أنا معكم…
رغم كلشي بس بالشكل، شخص جايي لعندك يحكي معك،
شخص عملك أول مبادرة وقابلتو برمي القناني،
رجع عملك مبادرة تانية، وقلك: قدمو مطالبكم - طيّب اليوم إذا مافي غوغائية، وما في تشتّت بالمطالب، ليه ما قدمو مطالب موحدّة!
يعقّب الإعلامي عبدو الحلو: “يللي عم يديرهم، مافي راس”..
تعقّب ريتا انجيليني
- مشكلة يعني، هيدي فوضى خلاقة
- اذا فعلاً مافي راس، ومش قادرين تعطو لايحة بالمطالب
- بالزمانات قمتو القيامة ضدّ رئيس الحكومة السابق تمام سلام، حطّ سور حديد ورجع حط جدار،
في عندكم نوع من السلطة السابقة تجاهلكم واعتبركم مش موجودين، وحط فاصل بينو بينكم،
وفي سلطة جديدي تكونت من 4 أشهر لليوم، عم تجي تتحاور معكم وتقلكم شو مطالبكم، نحنا منفتحين عليا إيجابيا،
بكون الردّ هيك؟؟ - هيدي فعلاً برسم اللي نازلين من اجل مطالب محقة
يعلّق عبدو الحلو: يا بيّي شو عم يبوسوكي من ورا الشاشة، عم يقولو يسلم تمّك، يحرز دين البطن اللي حملك
تضيف انجيليني:
- رجعنا نسمع مبارح بعسكر على مين!
- اسقاط النظام.. بالثورة
والمطلب الأساسي كان غير هيك، لأنو كان وقف الضرايب
كان في تغريدة لافتة للنائب زياد اسود، بالتزامن مع تظاهرة “الحراك المدني” بقول فيها: يبدو انو المصارف هيي اللي عم تحرّك هيدي التظاهرات..
ليه بدّو يقول هيك؟
لأنو هيدي المرّة الأولى بالتاريخ، نحطّ موزنات وبينحّط ضرايب على المصارف، وعلى الهيئات اللي كانت تُعتبر بالسابق لا تُمسّ وهيي الآمرة والناهية بالبلد…
رصد Agoraleaks.com
