بالصوت نعمت بدر الدين: منرفض التعميم واميل رحمة: “طلتك الإعلامية مفيدة لفريقك السياسي” (Audio)

– داليا الحسيني: مش كلو نظريات، خلونا نشتغل عَ الأرض، الشعب تعب..

مقتطف من حديث النائب اميل رحمة ضمن برنامج “حكي على المكشوف” على قناة الـ”OTV”:

• نعمت أنا بتابعك، عندك اطلالة مفيدة لفريقك السياسي،
  التفلّت الأمني بتمنى عليكم تحطو بمثابة الحريات العامة
• أكيد دور النائب دور تشريعي، وما يتعاطى بالخدمات
• اتحدّى حدا من الحراك المدني ما يطلب خدمة من نوابن بالمنطقة،
  بتحدّى تقدري تقنعي حدا من الحراك ما ينعي الزعماء اللي بمنطقتو لَ يروحو يعزوه، بعرفن وصايرين معي
• انا معقّب معاملات اكتر مني مشرّع في لبنان التعيس لأنو المواطن معتّر لأنو ما في معارضة
• اوعا تعممو، كنّا عملنا بمنطقتي بعرسال،
  من ورا عرسال يمكن كان لبنان يتفجّر.. (نعمت: مزبوط)
• لم ارضى بالتعميم لأنو أهالي عرسال وطنيين وعروبيين أكتر منا كلنا
  أوعا تعممو، هيدي “كلن يعني كلن” بموضوع السرقة وقلّة الهيبة ممنوع تنقال عن الشرفاء
• كملي هيك بس كوني واقعية
• رفض نواب تكتّل التغيير والإصلاح التمديد، ليش عم ترجموها،
  وقفو معكم الجماعة (تعقّب بدرالدين: لأنو كفو بمهامن)
  بدكم يستقيلو ويخرب البلد وتفوتونا بحرب أهلية.. ما تكونو تنظيريين فقط

تردّ بدرالدين:

• بالنسبة لإلنا نحنا مجموعة موثوقة، منعرف تماماً مين الموجود، ومين غريب علينا
• نحنا بس نحكي بالعموم
• إذا بدنا نحكي بالتعميم، لاق نحنا ما بدنا نظلم
• نحنا منرفض التعميم لأنو البلد بلدنا

هذا ووجهّت الإعلامية داليا الحسيني رسالة لبعض الحراكات المدنية بضرورة رفض التعميم.. مش كلو نظريات، خلونا نشتغل على الأرض.. الشعب تعب، مش كلشي نظريات..

رصد Agoraleaks.com