Agoraleaks Agoraleaks
بتعرف شو الفرق بين اليئسان والمتفائل؟
- مع انو تنيناتن عايشين نفس الظروف، ويمكن مارقين بنفس الأزمة،
بس في فرق بسيط - اليائس ما بشوف الاّ الإشيا السلبية،
والمتفائل بقلب الإشيا السلبية ما بيقدر الاّ ما يشوف الناحية الإيجابية،
وضلّ عندو الأمل انو كلشي بودّي لخير اللي بحبو الله
الخبرية بتقول
- في بير معلّق فيه سطلين:
1) واحد بيطلع
2) واحد بينزل - السطل 1: بضلّ ينقّ لهونيك يوم من الإيام هوي ونازل، بيطلع برفيقو وبقلو، افففف ما أبشع هالدني،
مش طايق حالي كل مرة بطلع مليان وبنزل فاضي - السطل 2: بيطلّع فيه بقلو، خييييييييْ شو حلوي هالدني، كل مرّة بنزل فاضي وبطلع مليان
الزوادة بتقلي وبتقلّك
- إذا ما بتشوف الإشيا من ناحيتا الإيجابية تأكّد إنك رح تتعب كتير،
ورح تحسّ بالملل، ويمكن اليأس، - جرّب تطلّع بالإشيا الإيجابية فيك، وبغيرك..
وشوف قديه الدنيي بتتغيّر، وبتصير حلوي
المصدر: صوت المحبة
