باسيل بالمؤتمر الوطني 2 للتيار: الفساد بدّو يتوقّف، ما عم نتطلّع لورا، ولقدام ممنوع يكون في فساد بطريقنا (Audio)

– التيار باتجاه التخصصية والمساءلة و”Mobile App” للتواصل
– مؤسسات إستثمارية للتمويل، ومنشآت رياضية ومركز إحصاء وآخر للدراسات

مقتطف من حديث رئيس التيار الوطني الحر جبران باسيل في المؤتمر الثاني للتيار: (الجزء 2)

عن تطوير الحزب

• 1) التخصصية: شفنا بعض التقصير داخل التيار، ومصرّين نعرضو،
  بتعرفو شو يعني أقضية مع نسبة 11% أو 5% من الإحصاء الإنتخابي، لأنو مسؤول المكنة الانتخابية مش متخصّص بهيدا المجال ونجح بالإنتخابات،
  بالمرّة التانية بدنا نشوف طريقة مختلفة لتبوء ناس مناصبن ومسؤوليات بالأقضية متخصصين، تيقدرو يتجاوبو
  اللجان المركزية ما فيها تشتغل من دون الأقضية والمناطق، ومن دون تواجد النقابي، والإنتشاري
• 2) المحاسبة والمساءلة: نشكرالله هالسنة، طلع عدد التنويه قد عدد التأنيب،

• هيدا الشي صحّي، وبدنا نتوقّع انو يحصل على طول،
  في ناس من التيار بدو يتّاخد بحقا إجراءات، وهيدا الشي سليم،
  وفي ناس من التيار بدنا نتعوّد نقلا شكراً، متل ما منقول شكر كبير للناس يللي سهرو لحتى نجتمع اليوم والتلاتا..
  هيدا العمل المجاني من الناس تعودنا عليه من التيار..
• 3)  بسنة 2017 رح نشهد نشوء مؤسسات للتيار، منبثقة من فكرة عصرنة التيار،
  – مقرّ التيار: سنلتزم بالبدء فيه بالقريب العاجل، واليوم عرفت بشكل رسمي ونهائي انو صار في تقديم شقفة عقار للتيار الوطني الحرّ رح تكون بتصرفو، ورح نعلن عنو بشكل رسمي، ومنشكر يللي قام بهيدا العمل
  – المنشآت الرياضية: حان الوقت لترجمة اهتمام بالشباب بالفعل، لجمع الشباب على الرياضة، وسنطلق كشاف التيار الوطني الحر، ورح يكون في عنا عقار كمان اوجدناه، وقريباً منخلصلو اجراءاتو القانونية
  – المؤسسات الإستثمارية: 6 مشاريع، نشالله كمان نلتزم بهيدي السنة ونطلق مشروعان،
  ويصير في عنا شركات رسمية للتيار بتأمنلنا التمويل الشفاف، متل ما بتقتضيه الأمور،
  متل OCARD، ومتل مشاريع بالبناء او استثمارية أخرى
  – مؤسسات المجتمع المدني: لازم نكون منضويين فيها كأفراد، أو لازم ننشئ مؤسسات رديفة لالنا، لتسمح لنا يكون عنا اطلالات بتستسهل  مع مؤسسات مش مع أحزاب
  – Mobile Application التابعة للتيار، ورح تشوفو فايدتا الكبيري علينا كلنا سوا، ورح نصير نتواصل عبرا مع بعضنا بعض، من أصغر دائرة يللي هيي الهيئة السياسية بالتيار وصولاً للمجموعة المنتسبين يللي عددن 23 الف اليوم
  – في مركز الإحصاء الداخلي: لنحصل على نتائج ان كانت انتخابية أو أي موضوع امر اقتصادي أو غيرو
  – مركز الدراسات واللجان الإستشارية: وقريباً رح نشهد المشاريع يللي عم تقوم فيها

التوجهات السياسية (الإصلاح السياسي)

• اليوم التيارالوطني الحرّ هوي اللي حاطط ببالو الإصلاح
• لا اصلاح سياسي من دون قانون انتخابي جديد عصري ويعطي اللبنانيين حق التمثيل،
  بكرا (الإثنين 13-3-2017) رح نسمع اطلاق مبادرة جديدي من التيار بهيدا المجال
• في موضوع الإصلاح والتغيير، يللي هوي محاربة الفساد بدّو يكون في الو أطر وآليات عمل فعلية،
  اليوم الناس منتظرا منّا عمل افضل، والأجندة كبيري، وبدّي طمّن الكل انو ما في تشفّي سياسي من التيار باتجاه أحد
• في موضوع فساد بدّو يتوقّف، نحنا وزراء ونواب التيار مضطرين كل واحد ما بوقّف نمط الفساد تبعو ان كان حليف صديق أو خصم بالسياسي انو نواجهو
• بدي أكّد انو نحنا مش عم نطلّع لورا، ورا كلّو فساد، بس نحنا عم نطلّع لقدام، وقدام ممنوع يكون في فساد بطريقنا
• في عنا موضوع انماء وازدهار البلد، المشاريع كتيري،
  اليوم علينا مسؤولية انجاز الملفات، التيار الوطني الحرّ مش مسموح يحكي بقضية ما يكون ملفا الكامل يللي في عليه موافقة سياسية،
  مش مسموح نتورّط بأي موقف من طريق من جسر (كجسر جل الديب)
  من خط كهربا (كخط المنصورية)
  من أوتوستراد (متل أوتوستراد جونية)
  أي مشروع صغير أو كبير ما منعطي رأينا الاّ بعد ما يكون ندرس من لجنة الأشغال أو أي لجنة مختصة بالتيار،
  ما بقا مسموح يكون عنا غوغائية او اية عفوية أو اعتباطية بتناول هالملفات هيدي،
  لأنو أي موقف لمسؤول منّا هوي عم يحملّنا كلنا سوا المسؤولية بالتيار،
  وعم نصيب فيه رئيس الجمهورية لأنو ما حدا قادر يفصلنا، قد ما نحنا قادرين انو ننفصل، ولازم انو ننفصل.. بس هيدا الشي عم يحملوه لرئيس الجمهورية
• إذا في واحد منكم بهالصالة أو خارجا من التيار هوي فاسد، مش مسموح انو رئيس الجمهورية يتحمّل فسادو،
  إذا في واحد منّا غوغائي مش مسموح انو رئيس الجمهورية يتحمّل غوغائيتو

رصد Agoraleaks.com