Agoraleaks Agoraleaks
– سلمولنا عَ أهل عكار، وانتو بقلب لبنان مش بأطرافو
مقتطف من حديث الرئيس عون أمام وفد من الحراك المدني في عكار وطرابلس:
- ما في مناطق اطراف بلبنان، لبنان قطعة وحدي،
كل سنتم من ارضو مرتبطة بسنتم التانية بالطرف التاني - ما عنا تفرقة للأهالي، وانا اللي حكيتو بخطاب القسم انا عايشو،
انا بكتب لحالي، ما حدا كتبلي ياه، وأنا اللي عايشو كتبتو - انا شايف وضع القرى والضيع ووضع الهجرة السكاني يللي عم يصير عنا، أصبحت مدن مكتظة وقرى مهجورة، والأرض متروكة
- لاق الأرض مش لازم تنترك، إذا عم نترك الأرض يعني عم نترك وطننا،
نحنا هويتنا لبنانية، لأنو ارضنا اسما لبنان،
بعدان مصدر استمرار الحياة هوي بالأرض، لا بمناجم الذهب ولا بالنفط ولا بغيرو،
طبعاً حاجات الها قيمة، ولكن حتى نشيل من الأرض غذائنا - الأرض ما تتركوها، ونحنا بدنا نساعد..
بعرف في قطاعين أهملوا بهالتلاتين سنة اللي مرقو، الزراعة والصناعة، وما النا حق نلتهي بس بالخدمات؟
- الخدمات ما بتطعم، لا بتلبّس ولا بتطعمي،
بطلّع مصاري يمكن، بس بالنتيجة ما في عنا مادة الحدّ الأدنى من الإستقلالية - سلمولنا عَ أهل عكار، وانتو بقلب لبنان مش بأطرافو
رصد Agoraleaks.com
