بالصوت النائب أبي رميا: سأركع أمام العماد عون مرة تانية لو رفض… وغابريال مراد يتمنى له ذلك (التفاصيل)

لما انتصر الجنرال عون على التحالف الرباعي ركعت امامو
إعتبر عضو تكتّل التغيير والإصلاح النائب سيمون ابي رميا، أنّه سيعاود الركوع أمام الجنرال عون في حال انتخابه لرئاسة الجمهورية، مشيراً في حديث تلفزيوني الى أنّ ركعته الأولى جاءت منه اقراراً لإتخاذه قرار مواتجه التحالف الرباعي وحيداً..

وقال أبي رميا: “مرة واحدة ركعت بحياتي، لما العماد عون ربح، وعمل “تسونامي” الإنتخابات بالـ2005، تفاجأنا وكنا عتلانين همّ وعم نفاوض تحالف رباعي، وبيعطونا 5 نواب أو 6 نواب، و5,50.. و5 ووقية، ولما الجنرال أخد قرار الإنتخابات وحدو ضدّ الكل..

عِرقنا كلنا. وبتذكّر كان يوم تلاتا الصبح. وما معنا مصاري..

وصارت الإنتخابات وربح.

جيت لعندو يوم النتايج، كان عم ياكول “لبنة وزيتون”، تخيّل لبنان كلّو وين، وهوي وين.. جيت ركعت قدامو وقلتلو عن جدّ “chapeau bas” فتدخل الجنرال وقال: وقاف، وقاف وكذا..

هلق قلتلو، بعد كلّ يللي صار، إذا العماد عون وصل الى قصر بعبدا بدي اعملا مرّة تانية، لأنو بكون عنجدّ عم نعمل عجيبة.

انا حظي كبير انو انا عضو بمجلس النيابي، وساهمت مساهمة متواضعة بخروج الجيش السوري من لبنان، من خلال ترؤسي للتيار الوطني الحر على مدى 15 سنة في فرنسا، وكان حظي كبير كان الجنرال عون معنا بفرنسا.

وعملت مساهمة متواضعة بعودتو للبنان.

بس انا سيمون أبي رميا حط اسم “ميشال عون” بصندوق الإقتراع بالمجلس النيابي ويطلع رئيس للجمهورية، بكون عن جدّ عم حقّق الحلم الثالث بحياتي، وبتكون الثالتي ثابتة.

أما الإعلامي غابريال مراد، فعلّق على كلام أبي رميا قائلا: ن شالله نركعك مرة تانية، يمكن هيدا لسان حالكتير من اللبنانيي.