الأب روي عبدالله عن الأبرص: الناس بدّا اعجوبة، وبتركض ورا أبيخ الأمور كلكن سمعتو الغنية (Audio)

عظة الأب روي عبد الله عن “الصوم” في كنيسة يسوع الملك (ذوق مصبح):

• الصوم بجدّد كتير أمور بحياتنا، وبطلعنا من الروتين وبقوفنا قدام ذواتنا،
  في مسيرة مع يسوع لحدّ الصلب، لأنو الخلاص تمّ بالصلب والقيامة
• ذهب يسوع الى مكان قفرٍ، قام قبل طلوع الفجر، ذهب ليُصلّي..
  بينما الناس بنفس الوقت بيجو التلاميذ بقولولو: “الناس يطلبونك” ناطرينك..
• الناس عم ينبشو عَ عجيبة، على شفاء خارجي.. بالجسد
  لاحقنو يشوفو مينو..
• المسيح خرج كالمعتاد الى مكان قفر، ليصلي.. للإختلاء بذاتو، هيدا هوي الصوم
• بالصوم منشوف ويننا بهالدني، عبيد لشو؟؟
• يللي بيعرف بالأرض، اذا ما شحلّت الشجرة ما بتعطيك.. الطبيعة بتشلح كلشي وبهرّوا كل وراقا، بتتشحّل، لحتى ترجع وتفرّخ وتزهر وتعطي ثمار جديدي

• اذا الطبيعة بتعمل هيك، كيف بالحرّي نحنا، قديه لازم نشحّل،
  والاّ ما حدا يعتب ويقول “شو هالدني” ارمي القديم..
  ملتهي كتير بالعالم والمظاهر، وبتبلّش ومنصير راكضين وراها..
  بيضحكو عَ العالم بشي بأبيخ الأمور، كلكن سمعتو الغنية اللي طلعت هالجمعة،
  بيعملو مشهد في كتير من المعاني البشعة والوسخة، ومنركض وببطّل في حدا ما سامع فيها
• لما قالولو ليسوع الجميع يطلبونك، بجاوب:
  لنذهب الى مكانٍ آخر.. الهدف منو الشهرة والتزقيف.. هوي عارف اللي راكض ورا للخارج هوشعنا بتصير صلبوه..

• الأهم هوي العودة الى الذات، الخروج الى مكان جديد .. ذهب المسيح الى قرى مجاورة لأبشر هناك أيضا..
  ما جيت حتى تركض الناس ورايي واعملن عجايب،
  هدفي الناس يللي بعد ما اختبرو الحب الحقيقي، وشو يعني رحمة، ونظرة حنان.. هودي اهمّ من يللي عم يعرج واللي عم يشحد
• إذا كلمة الحب ما رح توصل لقلب وعم يقلّي ردّلي نظري، ما رح ردلّو ياه، أصلاً ما بينفعو افشل يضلّ بلا نظر إذا ما رح يتغيّر قلبو
• يللي بقلي انا مكرسح، ردلّي اجرّيي، ما رح ردلو ياهن، إذا رايح فيون للخطية، وأو إذا مشي وبعّد عن الله
• بيوصل الأبرص لعند يسوع،
  هيدا اعظم غضب بوقتا حسب الناس من الله، من هيك بحطولو حرس وببعدو عن الجماعة..
  انتا ابرص عيش لوحدك، هيك الشريعة بتقول
  تحدّى الشريعة واجا بايمان لعند يسوع (هون بداية الإيمان)
  قلو: إن شئت فانت قادر أن تُطهرني.. جثا (ركع) وقلو ان شئت، فأنت قادر ان تُطهرني، لتكن مشيئتك…
  ليكو شو صغير هالحوار: لتكن مشيئتك أنت قادر، فتحنّن يسوع، ومدّ يده، ولمسه، لقد شئت فاطهر..
  ما في حركات ولا حكي ولا تفاصيل، ما في تجلجق، وأخبار خارجية..
  في حقيقة من جوا، في ايمان.. وفي شخص بيعرف شوفي من جوا، بيعرف اذا بدنا أو لاق، إذا عم نحكي بايمان أو من الخارج..
  قلو روح، وما تخبّر حدا… مطلوب منك تعيشا، والناس رح يشوفو

• المرض بايامنا (الجماعة أو افراد) بنعمل الشخص ابرص ومننبذو، الجرس هوي حكينا ولساننا،
  هيدا هيك.. ما تقربو عليه.. منرفض نعطيه العون والحب..
  ومرات هيدا البرص هوي ذاتو منحطو عَ حالنا.. انا هيك، وما بدي اتغيّر
• البرص كلنا حاملينو، وكل واحد بطريقتو،
  الغضب برص، الحقد والكبريا برصْ، النميمة والغيرة والكذب والخيانة وقلة المحبة والشهوة كلو هيدا برص
  يا امّا بقرّر اطلع منن بمساعدة يسوع، يا برضخ وبصير عبد لالهن..
  البرص بيعدي.. برصنا بيعديْ، إذا ما ضهرنا منو.. هيدا زمن الصوم، هيدا زمن التغيير.. تشحيل الإنسان القديم ليزهرْ الإنسان الجديد

رصد Agoraleaks.com