Agoraleaks Agoraleaks
– خلينا نطبّق القوانين قبل ما نزيد ضرايب عَ الناس
مقتطف من حديث النائب إبراهيم كنعان بعد اجتماع تكتّل التغيير والإصلاح:
الموازنة
- نحنا مع أي مشروع إن كان اسمو موازنة، او سلسلة رتب ورواتب، او ايرادات، لكن ان يقترن بشكل فعلي وجدّي وحقيقي باصلاح
- أي فكرة بتزيد الإنفاق وبتمدّ ايدا على جيوب المواطنين حتى ترجع تعطيهن من مالن وكيسن، نحنا مش معا
- موقفنا واضح بمجلس الوزرا وبمجلس النواب، وبتنسيق وتكامل تام بين وزراء ونواب التكتّل، بأن يكون هنالك مواد وبنود إصلاحية واضحة بما يتعلق المالية العامة
- هيدا الإصلاح ببلّش بسلسلة رتب ورواتب، وبينتهي بالمالية العامة
- سيّد هذا عهد الإصلاح الرئيس عون
- خلينا نطبّق القوانين، قبل ما نزيد ضرايب عَ الناس، خلينا نوقف الهدر ونلمّ الجباية، بركي منوصل لـ50% حسم من التكلفة لتمويل السلسلة، وهيدا الشي من خلال مكافحة الفساد ووقف الفلتان بالإنفاق
قانون الإنتخاب
- تقدمنا من خلال رئيس التيار بعدة مبادرات، وما حدا يفهما غلط هالمبادرات،
ما حدا يفهم انو مبادراتنا ما بتخلينا ناخود مواقف تانية - بتعرفونا بتاريخنا وبمواقفنا، نحنا واضحين.. ونحنا منروح للآخر بمطالبنا
- لكن نحنا حريصين على التفاهم خاصة بهذا العهد الجديد
- التكتل بيسأل سؤال:
- إذا كان كل هالمبادرات والقوانين لليوم ما لاقت تجاوب،
لا المختلط الأول ولا التاني ولا التالت، ولا عملية التأهيل عَ مرحلتين الأول والتاني والتالت،
لا النسبية الكاملة، ولا الدوائر المتوسطة، ولا الأرثوذكسي..
شو المطلوب؟؟؟ - هل المطلوب التمييع، متل ما عم يحصل هلق، بالرغم من المواقف الأساسية اللي اخدا فخامة الرئيس احتراماً للدستور، واحتراماً لقسمو، فرفض التوقيع على مرسوم دعوة الهيئات الناخبة، وفقاً لقانون جائر غير دستوري
- شو المطلوب؟ المطلوب الستين؟ المطلوب التمديد؟
- بالنسبة لإلنا وتكون واضحة: التمديد والستين هنّي أسوأ من الفراغ
- ما حدا يعتبر بتضييع الوقت رح نقدر نفرض واقع آخر غير الواقع الوطني والشعبي،
لذلك نحنا استنفدنا تقريباً كتيار وكتكتّل كل المبادرات، المطلوب أن نلتقي.. - إذا كان التمديد مقرون بقانون انتخابي جديد، بسمّوه تمديد تقني، خليها وزارة الداخلية هيّي تطلبو تنبحث فيه
اقتراع المغتربين
- شارك وفد من التكتّل التغيير والإصلاح شارك في باريس، وتداولو أفكار جداً قيمّة،
وسيكون لنا قرارات لمتابعة ما توصلنا اليه، وما توصل اليه هذا الوفد من خلال مشاركتو، بتعطي قيمة وطنية وحق للمغترب، ليكون شريك في قرارات وطنية أساسية بتهمو وبتهمنا وبتهمّ كل اللبنانيين
Agoraleaks.com
